ਪਿਓ ਤੇ ਧੀ ਦਾ ਰਿਸ਼ਤਾ ਸਭ ਤੋਂ ਪਵਿੱਤਰ ਹੁੰਦਾ ਹੈ। ਕਹਿੰਦੇ ਹਨ ਕਿ ਇਕ ਮਾਂ ਤੋਂ ਜ਼ਿਆਦਾ ਧੀ ਆਪਣੇ ਪਿਓ ਦੇ ਨੇੜੇ ਹੁੰਦੀ ਹੈ ਪਰ ਲੁਧਿਆਣਾ ਤੋਂ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ ਜਿਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ।
ਇਥੇ ਇਕ ਪਿਓ ਆਪਣੀ ਹੀ 11 ਸਾਲ ਦੀ ਧੀ ਨੂੰ ਪਿਛਲੇ ਇਕ ਸਾਲ ਤੋਂ ਹਵਸ ਦਾ ਸ਼ਿਕਾਰ ਬਣਾਉਂਦਾ ਰਿਹਾ। ਸਹਿਮੀ ਹੋਈ ਬੱਚੀ ਨੇ ਆਪਣੀ ਗੁਆਂਢਣ ਤੇ ਸਮਾਜ ਸੇਵਕਾ ਨੂੰ ਆਪਣਾ ਦਰਦ ਬਿਆਂ ਕੀਤਾ। ਬੱਚੀ ਨੇ ਚਿੱਠੀ ਵਿਚ ਲਿਖ ਕੇ ਦੱਸਿਆ ਕਿ ਉਸ ਦਾ ਪਿਤਾ ਉਸ ਦੇ ਮੂੰਹ ਵਿਚ ਰੁਮਾਲ ਠੂਸ ਕੇ ਹਵਸ ਦਾ ਸ਼ਿਕਾਰ ਬਣਾਉਂਦਾ ਰਿਹਾ। ਬੱਚੀ ਦੀ ਮਾਤਾ-ਨਾਨੀ ਤੇ ਬਾਕੀ ਦੇ ਰਿਸ਼ਤੇਦਾਰ ਵੀ ਇਸ ਘਿਨਾਉਣੇ ਅਪਰਾਧ ਵਿਚ ਸ਼ਾਮਲ ਹਨ।
ਬੱਚੀ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਉਹ ਮੂੰਹ ਤੋਂ ਬੋਲ ਵੀ ਨਹੀਂ ਪਾ ਰਹੀ। ਬੱਚੇ ਦੇ ਭਰਾ ਤੇ ਗੁਆਂਢਣ ਨੇ ਸਮਾਜ ਸੇਵਿਕਾ ਨੂੰ ਸਾਰੀ ਘਟਨਾ ਦੀ ਜਾਣਕਾਰੀ ਦਿੱਤੀ। ਥਾਣਾ ਸਰਾਭਾ ਨਗਰ ਦੀ ਪੁਲਿਸ ਨੇ ਸਮਾਜ ਸੇਵਿਕਾ ਮਨਦੀਪ ਕੌਰ ਸੰਧੂ ਦੇ ਬਿਆਨਾਂ ਦੇ ਆਧਾਰ ‘ਤੇ ਦੋਸ਼ੀ ਪਿਤਾ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।
ਉਸ ਦੀ ਗੁਆਂਢੀ ਅੰਜੂ ਨੇ ਰੋਜ਼ਾਨਾ ਕਿਰਾਏ ‘ਤੇ ਰਹਿਣ ਵਾਲੀ ਲੜਕੀ ਦੀਆਂ ਚੀਕਾਂ ਸੁਣ ਕੇ ਸਮਾਜ ਸੇਵੀ ਨਾਲ ਸੰਪਰਕ ਕੀਤਾ। ਸਮਾਜ ਸੇਵੀ ਮਨਦੀਪ ਕੌਰ ਸੰਧੂ ਬੱਚੇ ਕੋਲ ਪਹੁੰਚੀ। ਲੜਕੀ ਨੇ ਚਿੱਠੀ ਲਿਖ ਕੇ ਸਾਰੀ ਘਟਨਾ ਦੀ ਜਾਣਕਾਰੀ ਦਿੱਤੀ। ਦੂਜੇ ਪਾਸੇ ਲੜਕੀ ਦੇ ਛੋਟੇ ਭਰਾ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਦੋਸ਼ੀ ਪਿਤਾ ਲੜਕੀ ਨਾਲ ਗਲਤ ਕੰਮ ਕਰਦਾ ਰਿਹਾ। ਮੁਲਜ਼ਮ ਦੀ ਪਛਾਣ ਮੁਕੇਸ਼ ਮਹਾਤੇ ਵਜੋਂ ਹੋਈ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
