Go First ਏਅਰਲਾਈਨ ਦਾ ਕੰਮ ਕਰੀਬ 1 ਮਹੀਨੇ ਤੋਂ ਠੱਪ ਪਿਆ ਹੈ। ਕੰਪਨੀ ਨੇ NCLT ਦੇ ਸਾਹਮਣੇ ਦੀਵਾਲੀਆਪਨ ਦੀ ਜਾਣਕਾਰੀ ਦਿੱਤੀ ਹੈ। ਜਿਸ ਕਾਰਨ ਕੰਪਨੀ ਦੇ ਪਾਇਲਟ ਨੌਕਰੀ ਛੱਡ ਰਹੇ ਹਨ। ਕੰਪਨੀ ਪਾਇਲਟਾਂ ਨੂੰ ਰੋਕਣ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ। ਹਾਲ ਹੀ ‘ਚ ਕੰਪਨੀ ਨੇ ਪਾਇਲਟਾਂ ਨੂੰ ਰੋਕਣ ਦਾ ਅਨੋਖਾ ਤਰੀਕਾ ਕੱਢਿਆ ਹੈ। ਹੁਣ ਕੰਪਨੀ ਨੇ ਕਿਹਾ ਹੈ ਕਿ ਉਹ ਪਾਇਲਟਾਂ ਨੂੰ ਉਨ੍ਹਾਂ ਦੇ ਠਹਿਰਣ ਲਈ 1 ਲੱਖ ਰੁਪਏ ਦੀ ਵਾਧੂ ਤਨਖਾਹ ਦੇਵੇਗੀ।
Go First ਏਅਰਲਾਈਨ ਦੇ ਖਿਲਾਫ ਡੀਜੀਸੀਏ ਅਤੇ ਕੇਂਦਰ ਸਰਕਾਰ ਨੂੰ ਸ਼ਿਕਾਇਤ ਕੀਤੀ ਗਈ ਹੈ। ਸ਼ਿਕਾਇਤ ਵਿੱਚ ਕਿਹਾ ਗਿਆ ਹੈ ਕਿ ਇੱਕ ਮਹੀਨੇ ਤੋਂ ਏਅਰਲਾਈਨ ਦਾ ਕੰਮਕਾਜ ਠੱਪ ਹੈ। ਉਸ ਕੋਲ ਆਪਣੇ ਮੁਲਾਜ਼ਮਾਂ ਨੂੰ ਤਨਖ਼ਾਹ ਦੇਣ ਲਈ ਵੀ ਪੈਸੇ ਨਹੀਂ ਹਨ। ਇਸ ਦੌਰਾਨ ਉਹ ਪਾਇਲਟਾਂ ਨੂੰ ਰੋਕਣ ਲਈ 1 ਲੱਖ ਰੁਪਏ ਵਾਧੂ ਦੇਣ ਦੀ ਗੱਲ ਕਰ ਰਹੀ ਹੈ।
ਮੀਡੀਆ ਰਿਪੋਰਟ ਮੁਤਾਬਕ ਕੰਪਨੀ ਨੇ ਪਾਇਲਟਾਂ ਨੂੰ ਰੋਕਣ ਲਈ ਇਕ ਅਨੋਖੀ ਯੋਜਨਾ ਬਣਾਈ ਹੈ। ਜਿਸ ਦੇ ਅਨੁਸਾਰ ਕੰਪਨੀ ਆਪਣੇ ਪਾਇਲਟਾਂ ਦੀ ਤਨਖਾਹ ਵਿੱਚ 1 ਲੱਖ ਅਤੇ ਅਫਸਰਾਂ ਦੀ ਤਨਖਾਹ ਵਿੱਚ ਹਰ ਮਹੀਨੇ 50 ਹਜ਼ਾਰ ਦਾ ਵਾਧਾ ਕਰੇਗੀ। ਕੰਪਨੀ 1 ਜੂਨ ਤੋਂ ਪਾਇਲਟਾਂ ਦੀ ਤਨਖਾਹ ਵਧਾਉਣ ਦਾ ਵਾਅਦਾ ਕਰ ਰਹੀ ਹੈ। ਕੰਪਨੀ ਦਾ ਇਹ ਆਫਰ ਉਨ੍ਹਾਂ ਪਾਇਲਟਾਂ ਲਈ ਵੀ ਹੈ, ਜਿਨ੍ਹਾਂ ਨੇ ਗੋ ਫਸਟ ਏਅਰਲਾਈਨ ਤੋਂ ਅਸਤੀਫਾ ਦੇ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਜਲੰਧਰ ‘ਚ ਚੋਰਾਂ ਨੇ ਨਹੀਂ ਬਖਸ਼ੇ ਬਜ਼ੁਰਗ, ਘਰ ਚੋਂ ਪੈਨਸ਼ਨ ਦੇ 5 ਹਜ਼ਾਰ ਰੁ: ਲੈ ਕੇ ਹੋਏ ਰੱਫੂਚੱਕਰ
ਰਿਪੋਰਟ ਮੁਤਾਬਕ ਜੇਕਰ ਪਾਇਲਟ 15 ਜੂਨ ਨੂੰ ਜਾਂ ਇਸ ਤੋਂ ਪਹਿਲਾਂ ਵਾਪਸ ਆਉਂਦੇ ਹਨ ਜਾਂ ਆਪਣਾ ਅਸਤੀਫਾ ਰੱਦ ਕਰਦੇ ਹਨ, ਤਾਂ ਕੰਪਨੀ ਉਨ੍ਹਾਂ ਦੀ ਤਨਖਾਹ ਵਿੱਚ ਵੀ 1 ਲੱਖ ਰੁਪਏ ਦਾ ਵਾਧਾ ਕਰੇਗੀ। ਦੱਸ ਦੇਈਏ ਕਿ ਭਾਰਤ ਦੀ ਏਵੀਏਸ਼ਨ ਰੈਗੂਲੇਟਰੀ ਨੇ ਗੋ ਫਸਟ ਏਅਰਲਾਈਨ ਨੂੰ ਆਪਣੀ ਰੀਵਾਈਵਲ ਪਲਾਨ ਦੇਣ ਲਈ 30 ਦਿਨਾਂ ਦਾ ਸਮਾਂ ਦਿੱਤਾ ਸੀ। ਇਸ ਦੇ ਨਾਲ ਹੀ ਉਸ ਨੂੰ ਇਹ ਵੀ ਦੱਸਣ ਲਈ ਕਿਹਾ ਗਿਆ ਕਿ ਉਸ ਕੋਲ ਕਿੰਨੇ ਪਾਇਲਟ ਬਚੇ ਹਨ।
ਦੱਸ ਦੇਈਏ ਕਿ ਗੋ ਫਸਟ ਏਅਰਲਾਈਨ ਨੇ ਹਾਲ ਹੀ ਵਿੱਚ ਦੱਸਿਆ ਸੀ ਕਿ ਉਸ ਦੀਆਂ ਸਾਰੀਆਂ ਉਡਾਣਾਂ 30 ਮਈ ਤੱਕ ਰੱਦ ਰਹਿਣਗੀਆਂ। ਜਲਦੀ ਹੀ ਕੰਪਨੀ ਉਨ੍ਹਾਂ ਸਾਰੇ ਲੋਕਾਂ ਨੂੰ ਰਿਫੰਡ ਦੇਵੇਗੀ ਜਿਨ੍ਹਾਂ ਨੇ ਕੰਪਨੀ ਤੋਂ ਟਿਕਟਾਂ ਬੁੱਕ ਕੀਤੀਆਂ ਹਨ। ਕੰਪਨੀ ਵਾਰ-ਵਾਰ ਕਹਿ ਰਹੀ ਹੈ ਕਿ ਇਹ ਜਲਦੀ ਹੀ ਵਾਪਸ ਉਡਾਣ ਭਰੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
