ਨੈਸ਼ਨਲ ਹਾਈਵੇ ‘ਤੇ ਗੱਡੀ ਚਲਾਉਣ ਵਾਲਿਆਂ ਨੂੰ ਸਰਕਾਰ ਨੇ ਰਾਹਤ ਦਿੱਤੀ ਹੈ। ਜਿਹੜੇ ਰਸਤਿਆਂ ‘ਤੇ ਸੁਰੰਗ, ਪੁਲ ਜਾਂ ਫਲਾਈਓਵਰ ਹੈ, ਉਥੇ ਟੋਲ ਟੈਕਸ ਵਿਚ 50 ਫੀਸਦੀ ਤੱਕ ਦੀ ਕਮੀ ਕੀਤੀ ਗਈ ਹੈ। ਸਰਕਾਰ ਨੇ ਨੈਸ਼ਨਲ ਹਾਈਵੇ ‘ਤੇ ਟੋਲ ਟੈਕਸ ਘੱਟ ਕਰ ਦਿੱਤਾ ਹੈ। ਇਹ ਕਮੀ ਉਨ੍ਹਾਂ ਰਸਤਿਆਂ ‘ਤੇ ਹੋਈ ਹੈ ਜਿਥੇ ਸੁਰੰਗ, ਪੁਲ ਜਾਂ ਫਲਾਈਓਵਰ ਹੈ। ਸਰਕਾਰ ਨੇ ਟੋਲ ਦੀਆਂ ਦਰਾਂ ਨੂੰ 50 ਫੀਸਦੀ ਤੱਕ ਘਟਾ ਦਿੱਤਾ ਹੈ। ਇਸ ਨਾਲ ਗੱਡੀ ਚਲਾਉਣ ਵਾਲਿਆਂ ਦਾ ਖਰਚ ਘੱਟ ਹੋਵੇਗਾ। ਹੁਣ ਤੱਕ NH Fee Rules, 2008 ਦੇ ਹਿਸਾਬ ਨਾਲ ਟੋਲ ਟੈਕਸ ਲਿਆ ਜਾਂਦਾ ਸੀ। ਸੜਕ ਆਵਾਜਾਈ ਤੇ ਰਾਜਮਾਰਗ ਮੰਤਰਾਲੇ ਨੇ 2008 ਦੇ ਨਿਯਮਾਂ ਵਿਚ ਬਦਲਾਅ ਕੀਤਾ ਹੈ। ਹੁਣ ਟੋਲ ਟੈਕਸ ਦੀ ਗਣਨਾ ਲਈ ਨਵਾਂ ਤਰੀਕਾ ਅਪਣਾਇਆ ਜਾਵੇਗਾ।
ਮੰਤਰਾਲੇ ਨੇ ਇਕ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਨੈਸ਼ਨਲ ਹਾਈਵੇ ਦੇ ਕਿਸੇ ਹਿੱਸੇ ‘ਤੇ ਬਣੇ ਸਟ੍ਰਕਚਰ (ਪੁਲ, ਸੁਰੰਗ, ਫਲਾਈਓਵਰ ਜਾਂ ਐਲੀਵੇਟਿਡ ਹਾਈਵੇ) ਦੇ ਇਸਤੇਮਾਲ ਦੀ ਦਰ ਦੀ ਗੁਣਨਾ ਇਸ ਤਰ੍ਹਾਂ ਕੀਤੀ ਜਾਵੇਗੀ-ਸਟ੍ਰਕਚਰ ਦੀ ਲੰਬਾਈ ਨੂੰ ਦਸ ਗੁਣਾ ਕਰਕੇ, ਨੈਸ਼ਨਲ ਹਾਈਵੇ ਦੇ ਉਸ ਹਿੱਸੇਦੀ ਲੰਬਾਈ ਵਿਚ ਜੋੜਿਆ ਜਾਵੇਗਾ ਜਿਸ ਵਿਚ ਸਟ੍ਰਕਚਰ ਨਹੀਂ ਹੈ ਜਾਂ ਫਿਰ ਨੈਸ਼ਨਲ ਹਾਈਵੇ ਦੇ ਉਸ ਹਿੱਸੇ ਦੀਕੁੱਲ ਲੰਬਾਈ ਨੂੰ ਪੰਜ ਗੁਣਾ ਕੀਤਾ ਜਾਵੇਗਾ। ਦੋਵਾਂ ਵਿਚੋਂ ਜੋ ਵੀ ਘੱਟ ਹੋਵੇਗਾ, ਉਸ ਨੂੰ ਮੰਨਿਆ ਜਾਵੇਗਾ। ਇਸ ਦਾ ਮਤਲਬ ਪੁਲ, ਸੁਰੰਗ ਜਾਂ ਫਲਾਈਓਵਰ ਦੀ ਵਜ੍ਹਾ ਨਾਲ ਲੱਗਣ ਵਾਲੇ ਟੋਲ ਨੂੰ ਘੱਟ ਕੀਤਾ ਜਾਵੇਗਾ।
ਮੰਤਰਾਲੇ ਨੇ ਅੱਗੇ ਕਿਹਾ ਕਿ ਟੋਲ ਟੈਕਸ ਘੱਟ ਲੰਬਾਈ ‘ਤੇ ਲੱਗੇਗਾ ਯਾਨੀ 200 ਕਿਲੋਮੀਟਰ ‘ਤੇ। 400 ਕਿਲੋਮੀਟਰ ‘ਤੇ ਨਹੀਂ। ਇਸ ਮਾਮਲੇ ‘ਤੇ ਯੂਰ ਚਾਰਜ ਸੜਕ ਦੀ ਲੰਬਾਈ ਦੇ ਸਿਰਫ ਅੱਧੇ (50 ਫੀਸਦੀ) ‘ਤੇ ਹੀ ਲੱਗੇਗਾ। ਇਸ ਦਾ ਮਤਲਬ ਜੇਕਰ ਤੁਸੀਂ ਕਿਸੇ ਅਜਿਹੇ ਰਸਤੇ ਤੋਂ ਜਾ ਰਹੇ ਹੋ ਜਿਸ ਵਿਚ ਪੁਲ ਜਾਂ ਸੁਰੰਗ ਹੈ ਤਾਂ ਤੁਹਾਨੂੰ ਪਹਿਲਾਂ ਦੇ ਮੁਕਾਬਲੇ ਘੱਟ ਟੋਲ ਦੇਣਾ ਹੋਵੇਗਾ।
ਇਹ ਵੀ ਪੜ੍ਹੋ : ਪੰਜ ਸਿੰਘ ਸਾਹਿਬਾਨਾਂ ਦੀ ਬੈਠਕ ਖਤਮ, ਤਖਤ ਸ਼੍ਰੀ ਪਟਨਾ ਸਾਹਿਬ ਦੇ ਮਸਲੇ ‘ਤੇ ਹੋਈ ਚਰਚਾ
ਨਿਯਮਾਂ ਮੁਤਾਬਕ ਨੈਸ਼ਨਲ ਹਾਈਵੇ ‘ਤੇ ਬਣੇ ਹਰ ਕਿਲੋਮੀਟਰ ਦੇ ਸਟ੍ਰਕਚਰ ਲਈ ਯੂਜਰਸ ਨੂੰ 10 ਗੁਣਾ ਵਧ ਟੋਲ ਦੇਣਾ ਪੈਂਦਾ ਹੈ। ਜੇਕਰ ਕਿਸੇ ਰਸਤੇ ਦਾ ਇਕ ਕਿਲੋਮੀਟਰ ਦਾ ਪੁਲ ਹੈ ਤਾਂ ਤੁਹਾਨੂੰ ਉਸ ਇਕ ਕਿਲੋਮੀਟਰ ਦੇ ਲਈ 10 ਕਿਲੋਮੀਟਰ ਦੇ ਬਰਾਬਰ ਟੋਲ ਦੇਣਾ ਪੈਂਦਾ ਸੀ। ਨੈਸ਼ਨਲ ਹਾਈਵੇ ਅਥਾਰਟੀ ਆਫ ਇੰਡੀਆ ਦੇ ਅਧਿਕਾਰੀ ਨੇ ਦੱਸਿਆ ਕਿ ਪਹਿਲਾਂ ਟੋਲ ਦੀਗਣਨਾ ਦਾ ਇਹ ਤਰੀਕਾ ਇਸ ਲਈ ਸੀ ਕਿਉਂਕਿ ਅਜਿਹੇ ਸਟ੍ਰਕਚਰ ਨੂੰ ਬਣਾਉਣ ਵਿਚ ਜ਼ਿਆਦਾ ਖਰਚ ਆਉਂਦਾ ਸੀ ਪਰ ਹੁਣ ਸਰਕਾਰ ਨੇ ਲੋਕਾਂ ਨੂੰ ਰਾਹਤ ਦਿੰਦੇ ਹੋਏ ਟੋਲ ਦੀਆਂ ਦਰਾਂ ਨੂੰ ਘੱਟ ਕਰ ਦਿੱਤਾ ਹੈ। ਇਸ ਨਾਲ ਲੋਕਾਂ ਨੂੰ ਸਫਰ ਕਰਨਾ ਆਸਾਨ ਹੋਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
