ਦਿਓਲ ਨਗਰ ਦੇ ਰਹਿਣ ਵਾਲੇ ਪੰਜਾਬੀ ਗਾਇਕ ਲਹਿਬਰ ਹੁਸੈਨਪੁਰੀ ‘ਤੇ ਆਪਣੀ ਪਤਨੀ, ਬੱਚਿਆਂ ਅਤੇ ਸਾਲੀ ਨਾਲ ਕੁੱਟਮਾਰ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਸੋਮਵਾਰ ਨੂੰ ਗਾਇਕ ਦੇ ਘਰ ਦੇ ਬਾਹਰ ਲਗਭਗ ਦੋ ਘੰਟਿਆਂ ਤੱਕ ਹੰਗਾਮਾ ਹੋਇਆ। ਪਤਨੀ ਅਤੇ ਬੱਚਿਆਂ ਨੂੰ ਜ਼ਖਮੀ ਹਾਲਤ ਵਿਚ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ।
ਇਸ ‘ਤੇ ਗਾਇਕ ਨੇ ਸਪਸ਼ਟੀਕਰਨ ਦਿੱਤਾ ਹੈ। ਉਸ ਨੇ ਕਿਹਾ ਕਿ ਜੇ ਪਤਨੀ ਰੋਜ਼ੀ ਕਹਿੰਦੀ ਹੈ ਕਿ ਮੈਂ ਵਿਆਹ ਤੋਂ ਬਾਅਦ ਉਸ ਨੂੰ ਕੁੱਟ ਰਿਹਾ ਹਾਂ, ਤਾਂ ਉਹ ਮੇਰੇ ਨਾਲ ਅਮਰੀਕਾ, ਕੈਨੇਡਾ, ਇੰਗਲੈਂਡ, ਪੈਰਿਸ ਕਿਉਂ ਗਈ? ਮੈਂ ਉਨ੍ਹਾਂ ‘ਤੇ 12 ਤੋਂ 15 ਲੱਖ ਰੁਪਏ ਕਿਉਂ ਖਰਚ ਕੀਤੇ। ਲਹਿੰਬਰ ਨੇ ਕਿਹਾ ਕਿ ਉਸ ਵਿਰੁੱਧ ਸਾਜਿਸ਼ ਰਚੀ ਜਾ ਰਹੀ ਹੈ।ਜਿਸ ਵਿੱਚ ਉਸਦੀ ਪਤਨੀ ਦੇ ਨਜ਼ਦੀਕੀ ਰਿਸ਼ਤੇਦਾਰ ਸ਼ਾਮਲ ਹਨ, ਜੋ ਉਸ ਦੀ ਪਤਨੀ ਅਤੇ ਬੱਚਿਆਂ ਨੂੰ ਭੜਕਾ ਰਹੇ ਹਨ। ਜਾਇਦਾਦ ਨੂੰ ਲੈ ਕੇ ਸਭ ਕੁਝ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਪਰੇਸ਼ਾਨ ਹੋ ਕੇ ਮੈਂ ਆਪਣੇ ਆਪ ਨੂੰ 3 ਵਾਰ ਸ਼ੂਟ ਕਰਨ ਵਾਲਾ ਸੀ।
ਹੁਸੈਨਪੁਰੀ ਨੇ ਕਿਹਾ ਕਿ ਮੈਂ ਜ਼ਿਆਦਾਤਰ ਸਮੇਂ ਬਾਹਰ ਰਹਿੰਦਾ ਹਾਂ। ਇਸ ਵਾਰ ਕੋਰੋਨਾ ਲੌਕਡਾਊਨ ਕਾਰਨ ਡੇਢ ਸਾਲ ਘਰ ਰਹਿਣਾ ਪਿਆ ਤਾਂ ਝਗੜਾ ਸ਼ੁਰੂ ਹੋ ਗਿਆ। ਵਿਆਹ ਤੋਂ ਬਾਅਦ ਮੈਂ ਸੱਸ-ਸਹੁਰੇ ਦਾ ਇਲਾਜ ਕਰਵਾਇਆ। ਸਾਲੇ ਦਾ ਇਲਾਜ ਕਰਵਾਇਆ। ਸਾਲੀਆਂ ਦਾ ਵਿਆਹ ਵੀ ਮੈਂ ਕੀਤਾ। ਇਸ ਦੇ ਬਾਵਜੂਦ, ਉਹ ਮੇਰੇ ਪਰਿਵਾਰ ਨੂੰ ਭੜਕਾ ਰਿਹਾ ਹੈ। ਜੇ ਮੈਂ ਬੱਚਿਆਂ ਨੂੰ ਪਿਆਰ ਨਹੀਂ ਕਰਦਾ ਤਾਂ ਮੈਂ ਉਨ੍ਹਾਂ ਨੂੰ ਇਕ ਚੰਗੇ ਸਕੂਲ ਵਿਚ ਕਿਉਂ ਪੜ੍ਹਾ ਰਿਹਾ ਹਾਂ। ਮੈਂ ਉਨ੍ਹਾਂ ਦੀ 65 ਤੋਂ 70 ਹਜ਼ਾਰ ਦੀ ਫੀਸ ਕਿਉਂ ਦੇ ਰਿਹਾ ਹਾਂ? ਲਹਿੰਬਰ ਨੇ ਕਿਹਾ ਕਿ ਜਦੋਂ ਵੀ ਉਸ ਦੀਆਂ ਭੈਣਾਂ ਘਰ ਆਉਂਦੀਆਂ ਹਨ ਤਾਂ ਉਸ ਦੇ ਘਰ ਲੜਾਈ ਹੋ ਜਾਂਦੀ ਹੈ।
ਲਹਿੰਬਰ ਹੁਸੈਨਪੁਰੀ ਨੇ ਦੱਸਿਆ ਕਿ ਕੁਝ ਲੋਕ ਸੋਮਵਾਰ ਨੂੰ ਘਰ ਦੇਖਣ ਆਏ ਸਨ। ਉਸ ਨੇ ਕੈਮਰੇ ਵਿਚ ਦੇਖਿਆ ਤਾਂ ਇੰਨਾ ਹੀ ਕਿਹਾ ਸੀ ਕਿ ਬੱਚਿਆਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਅਣਜਾਣ ਲੋਕਾਂ ਨੂੰ ਘਰ ਵਿੱਚ ਨਹੀਂ ਆਉਣ ਦੇਵੇਗਾ। ਫਿਰ ਸਾਲੀ ਵੀ ਉਥੇ ਆ ਗਈ। ਜਿਸ ਤੋਂ ਮੈਂ 5 ਲੱਖ ਰੁਪਏ ਲੈਣੇ ਹਨ। ਲੌਕਡਾਊਨ ਕਾਰਨ ਕੰਮ ਬੰਦ ਹੈ, ਇਸ ਲਈ ਮੈਂ ਪੈਸੇ ਵਾਪਸ ਮੰਗੇ ਸਨ। ਜਿਵੇਂ ਹੀ ਮੈਂ ਪੁੱਛਿਆ ਕਿ ਪੈਸੇ ਦਾ ਇੰਤਜ਼ਾਮ ਹੋ ਗਿਆ ? ਤਾਂ ਉਨ੍ਹਾਂ ਨੇ ਮੇਰੇ ਨਾਲ ਕੁੱਟਮਾਰ ਕੀਤੀ। ਉਸ ਸਮੇਂ ਬੱਚੇ ਘਰ ਨਹੀਂ ਸਨ। ਬਾਅਦ ਵਿਚ ਮੇਰੇ ਪਰਿਵਾਰ ਦਾ ਜਾਣ ਬੁੱਝ ਕੇ ਤਮਾਸ਼ਾ ਬਣਾਇਆ ਗਿਆ।
ਇਹ ਵੀ ਪੜ੍ਹੋ : ਜਲੰਧਰ ‘ਚ ਇੱਕ ਹੋਰ ਸਪਾ ਸੈਂਟਰ ‘ਤੇ ਪੁਲਿਸ ਦਾ ਛਾਪਾ, ਕਾਬੂ ਕੀਤੇ ਕਈ ਮੁੰਡੇ-ਕੁੜੀਆਂ
