ਪਟਿਆਲਾ : ਪੁਲਿਸ ਸਟੇਸ਼ਨ ਅਰਬਨ ਅਸਟੇਟ ਨੇ ਮਸਾਜ ਸੈਂਟਰਾਂ ਨਾਲ ਮਿਲੀਭੁਗਤ ਦੇ ਚੱਲਦਿਆਂ ਕਾਰਵਾਈ ਨਾ ਕਰਨ ਦੇ ਦੋਸ਼ਾਂ ਤੋਂ ਬਾਅਦ ਇਲਾਕੇ ਦੇ ਸਾਰੇ ਮਸਾਜ ਸੈਂਟਰ ਬੰਦ ਕਰਵਾ ਦਿੱਤੇ। ਅਰਬਨ ਅਸਟੇਟ ਪੁਲਿਸ ਸਟੇਸ਼ਨ ਵਿੱਚ ਕਰੀਬ 10 ਦਿਨ ਪਹਿਲਾਂ ਡੀਐਸਪੀ ਦੀ ਚੈਕਿੰਗ ਦੇ ਦੌਰਾਨ ਮਸਾਜ ਕੇਂਦਰਾਂ ਦੇ ਖਿਲਾਫ ਪ੍ਰਾਪਤ ਹੋਈ ਸ਼ਿਕਾਇਤ ਉੱਤੇ ਕਾਰਵਾਈ ਨਾ ਕਰਨ ਦੇ ਦੋਸ਼ ਲੱਗੇ ਸਨ।
ਡੀਐਸਪੀ ਨੇ ਜਾਂਚ ਦੇ ਬਾਅਦ ਜਦੋਂ ਸੀਨੀਅਰ ਅਧਿਕਾਰੀਆਂ ਨੂੰ ਰਿਪੋਰਟ ਭੇਜੀ, ਤਾਂ ਅਰਬਨ ਅਸਟੇਟ ਪੁਲਿਸ ਨੇ ਖੇਤਰ ਦੇ ਸਾਰੇ ਮਸਾਜ ਕੇਂਦਰ ਬੰਦ ਕਰ ਦਿੱਤੇ ਹਨ। ਅਰਬਨ ਅਸਟੇਟ ਫੇਜ਼ -1 ਅਤੇ 2 ਵਿੱਚ ਲਗਭਗ ਪੰਜ ਮਸਾਜ ਪਾਰਲਰ ਅਤੇ ਸਪਾ ਖੁੱਲ੍ਹੇ ਹੋਏ ਸਨ, ਜੋ ਬੰਦ ਕਰ ਦਿੱਤੇ ਗਏ ਹਨ।
ਹੁਣ ਮਸਾਜ ਕੇਂਦਰ ਖੋਲ੍ਹਣ ਤੋਂ ਪਹਿਲਾਂ, ਉਨ੍ਹਾਂ ਦੀ ਤਸਦੀਕ ਕੀਤੀ ਜਾਵੇਗੀ ਕਿਉਂਕਿ ਇਨ੍ਹਾਂ ਪਾਰਲਰਾਂ ਵਿੱਚ ਮਸਾਜ ਦੀ ਬਜਾਏ ਜਿਸਮਫਰੋਸ਼ੀ ਦਾ ਕੰਮ ਵੀ ਕਰਵਾਇਆ ਜਾਂਦਾ ਸੀ। ਇਨ੍ਹਾਂ ਮਸਾਜ ਪਾਰਲਰਾਂ ‘ਤੇ ਲੱਗੇ ਦੋਸ਼ਾਂ ਤੋਂ ਬਾਅਦ ਇਹ ਵੀਡੀਓ ਅਰਬਨ ਅਸਟੇਟ ਪੁਲਿਸ ਸਟੇਸ਼ਨ ਤੱਕ ਵੀ ਪਹੁੰਚ ਗਈ ਸੀ, ਜਿਸ ਤੋਂ ਬਾਅਦ ਵੀ ਕਾਰਵਾਈ ਨਹੀਂ ਕੀਤੀ ਗਈ। ਹੁਣ ਪੁਲਿਸ ਵਿਭਾਗ ਨੇ ਅਗਲੇ 15 ਦਿਨਾਂ ਲਈ ਮਸਾਜ ਪਾਰਲਰ ਬੰਦ ਕਰ ਦਿੱਤੇ ਹਨ ਅਤੇ ਪੂਰੀ ਜਾਂਚ ਤੋਂ ਬਾਅਦ ਹੀ ਉਨ੍ਹਾਂ ਨੂੰ ਦੁਬਾਰਾ ਖੋਲ੍ਹਿਆ ਜਾ ਸਕਦਾ ਹੈ।
ਸ਼ਹਿਰ ਦੇ ਮਸ਼ਹੂਰ ਓਮੈਕਸੀ ਮਾਲ ਦੇ ਅੰਦਰ ਮਸਾਜ ਪਾਰਲਰ ਨੂੰ ਲੈ ਕੇ ਵਿਵਾਦ ਹੋਇਆ, ਜਿਸ ਵਿੱਚ ਮਸਾਜ ਪਾਰਲਰ ਦੇ ਨਾਂ ‘ਤੇ ਚੱਲ ਰਹੇ ਜਿਸਮਫਰੋਸ਼ੀ ਦੇ ਅੱਡੇ ਨੂੰ ਪੁਲਿਸ ਥਾਣਾ ਕੋਤਵਾਲੀਨੇ ਫੜਿਆ ਸੀ।
ਕਰੀਬ ਇੱਕ ਸਾਲ ਪਹਿਲਾਂ ਸ਼ੁਰੂ ਕੀਤੀ ਗਈ ਕਾਰਵਾਈ ਤੋਂ ਬਾਅਦ ਕੁਝ ਮਹੀਨੇ ਪਹਿਲਾਂ ਪਾਤੜਾਂ ਅਤੇ ਸਮਾਣਾ ਖੇਤਰਾਂ ਵਿੱਚ ਵੀ ਇਸੇ ਤਰ੍ਹਾਂ ਦੇ ਅੱਡੇ ਫੜੇ ਗਏ ਸਨ। ਕਰੀਬ ਇੱਕ ਮਹੀਨਾ ਪਹਿਲਾਂ, ਅਰਬਨ ਅਸਟੇਟ ਫੇਜ਼-2 ਵਿੱਚ ਇੱਕ ਮਸਾਜ ਪਾਰਲਰ ਦੇ ਅੰਦਰ ਜਿਨਸੀ ਸੰਬੰਧਾਂ ਦਾ ਇੱਕ ਵੀਡੀਓ ਵਾਇਰਲ ਹੋਇਆ ਸੀ, ਜੋ ਅਰਬਨ ਅਸਟੇਟ ਪੁਲਿਸ ਕੋਲ ਵੀ ਪਹੁੰਚਿਆ ਸੀ। ਪੁਲਿਸ ਨੇ ਇਹ ਵੀਡੀਓ ਮਿਲਣ ਤੋਂ ਬਾਅਦ ਕਾਰਵਾਈ ਕਰਨ ਦੀ ਬਜਾਏ ਚੁੱਪ ਧਾਰੀ ਵੱਟੀ ਹੋਈ ਸੀ, ਪਰ ਇਹ ਸ਼ਿਕਾਇਤਾਂ ਡੀਐਸਪੀ ਰਾਜੇਸ਼ ਸਨੇਹੀ ਵੱਲੋਂ ਥਾਣੇ ਦੀ ਚੈਕਿੰਗ ਦੌਰਾਨ ਵੀ ਵੇਖੀਆਂ ਗਈਆਂ ਸਨ। ਇਹ ਉਸਦੀ ਜਾਂਚ ਰਿਪੋਰਟ ਵਿੱਚ ਵੀ ਸ਼ਾਮਲ ਕੀਤਾ ਗਿਆ ਸੀ, ਜਿਸਦੇ ਬਾਅਦ ਮਸਾਜ ਪਾਰਲਰ ਉੱਤੇ ਸਖਤੀ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ : ਜੇਲ੍ਹ ‘ਚ ਰਾਮ ਰਹੀਮ ਆਪਣੀ ਚਿੱਟੀ ਦਾੜ੍ਹੀ ਤੋਂ ਪ੍ਰੇਸ਼ਾਨ- ਮਨੁੱਖੀ ਅਧਿਕਾਰ ਕਮਿਸ਼ਨ ਨੂੰ ਲਾਈ ਇਹ ਗੁਹਾਰ
ਅਰਬਨ ਅਸਟੇਟ ਫੇਜ਼ 1 ਦੇ ਐਂਟਰੀ ਪੁਆਇੰਟ ‘ਤੇ ਬਣੇ ਪੁੱਡਾ ਮਾਰਕੀਟ ਵਿੱਚ ਦੋ ਮਸਾਜ ਪਾਰਲਰ ਹਨ, ਜਦੋਂ ਕਿ ਅਰਬਨ ਅਸਟੇਟ ਫੇਜ਼-2 ਵਿੱਚ ਤਿੰਨ ਮਸਾਜ ਪਾਰਲਰ ਹਨ। ਅਰਬਨ ਅਸਟੇਟ ਫੇਸ-2 ਸਥਿਤ ਮਸਾਜ ਪਾਰਲਰ ਦੀ ਵੀਡੀਓ ਪੁਲਿਸ ਕੋਲ ਪਹੁੰਚੀ ਸੀ। ਜਿਸ ਤੋਂ ਬਾਅਦ ਉਦਯੋਗਪਤੀ ਇਸ ਪਾਰਲਰ ‘ਤੇ ਕਾਰਵਾਈ ਨੂੰ ਰੋਕਣ ਲਈ ਪਹੁੰਚੇ ਸਨ, ਜਿਨ੍ਹਾਂ ਨੇ ਪਾਰਲਰ ‘ਤੇ ਪੁਲਿਸ ਕਾਰਵਾਈ ਕਰਦੇ ਹੋਏ ਵੀਡੀਓ ਨੂੰ ਵਾਇਰਲ ਹੋਣ ਤੋਂ ਰੋਕ ਦਿੱਤਾ।
ਮਸਾਜ ਪਾਰਲਰ ਖੋਲ੍ਹਣ ਲਈ ਪੁਲਿਸ ਵੈਰੀਫਿਕੇਸ਼ਨ ਚੱਲ ਰਹੀ ਹੈ। ਹੁਣ ਮਸਾਜ ਪਾਰਲਰ ਅਤੇ ਸਪਾ ਸੈਂਟਰ ਨੂੰ ਚਾਲੂ ਰੱਖਣ ਲਈ ਰਜਿਸਟ੍ਰੇਸ਼ਨ ਜ਼ਰੂਰੀ ਹੈ। ਇਸ ਤੋਂ ਇਲਾਵਾ, ਪੁਲਿਸ ਅਤੇ ਪ੍ਰਸ਼ਾਸਨ ਤੋਂ ਮਨਜ਼ੂਰੀ ਅਤੇ ਸਿਹਤ ਵਿਭਾਗ ਦੁਆਰਾ ਮਾਲਿਸ਼ ਲਈ ਵਰਤੇ ਜਾਣ ਵਾਲੇ ਉਤਪਾਦ ਦੀ ਮਨਜ਼ੂਰੀ ਲੈਣੀ ਪਵੇਗੀ। ਇਸ ਦੇ ਨਾਲ ਹੀ ਹਰ ਮਸਾਜ ਸੈਂਟਰ ਵਿੱਚ ਸੀਸੀਟੀਵੀ ਕੈਮਰੇ ਲਗਾਉਣੇ ਪੈਣਗੇ ਤਾਂ ਜੋ ਕਿਸੇ ਵੀ ਗੈਰ-ਕਨੂੰਨੀ ਗਤੀਵਿਧੀ ਦੇ ਮਾਮਲੇ ਵਿੱਚ ਤੁਰੰਤ ਕਾਰਵਾਈ ਕੀਤੀ ਜਾ ਸਕੇ।
