ਬਠਿੰਡਾ ਸਿਵਲ ਹਸਪਤਾਲ ਤੋਂ ਨਵਜੰਮਿਆ ਬੱਚਾ ਚੋਰੀ, ਨਰਸ ਬਣ ਕੇ ਆਈ ਚੋਰਨੀ

ਐਤਵਾਰ ਦੁਪਹਿਰ ਬਠਿੰਡਾ ਦੇ ਵਿਮੈਨ ਐਂਡ ਚਿਲਡਰਨ ਸਿਵਲ ਹਸਪਤਾਲ ‘ਚੋਂ ਦੋ ਅਣਪਛਾਤੀਆਂ ਔਰਤਾਂ 4 ਦਿਨਾਂ ਦਾ ਨਵਜੰਮਿਆ ਬੱਚਾ ਚੋਰੀ ਕਰਕੇ ਫਰਾਰ ਹੋ ਗਈਆਂ। ਇਸ ਨਾਲ ਸਰਕਾਰੀ ਹਸਪਤਾਲ ਵਿੱਚ ਭਾਜੜਾਂ ਪੈ ਗਈਆਂ। ਬੱਚੇ ਦੀ ਮਾਂ ਬਬਲੀ ਸਮੇਤ ਪਿਤਾ ਪ੍ਰਮੋਦ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਸੂਚਨਾ ਮਿਲਣ ‘ਤੇ ਸਥਾਨਕ ਥਾਣੇ ਦੀ ਪੁਲਿਸ ਤੁਰੰਤ ਮੌਕੇ ‘ਤੇ ਪਹੁੰਚੀ ਅਤੇ ਬੱਚੇ ਦੀ ਮਾਂ ਤੋਂ ਪੁੱਛਗਿੱਛ ਕੀਤੀ।

ਰੋਂਦੀ ਮਾਂ ਬਬਲੀ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਨੇ 1 ਦਸੰਬਰ ਨੂੰ ਬੇਟੇ ਨੂੰ ਜਨਮ ਦਿੱਤਾ ਸੀ। ਐਤਵਾਰ ਦੁਪਹਿਰ ਕਰੀਬ 2.30 ਵਜੇ ਇਕ ਔਰਤ ਉਸ ਦੇ ਬੈੱਡ ਕੋਲ ਆਈ। ਔਰਤ ਨੇ ਖੁਦ ਨੂੰ ਨਰਸ ਦੱਸਿਆ ਅਤੇ ਬੱਚੇ ਨੂੰ ਹੇਠਾਂ ਲੈ ਗਈ ਅਤੇ ਕਿਹਾ ਕਿ ਬੱਚੇ ਨੂੰ ਜ਼ਰੂਰੀ ਟੀਕਾ ਲੱਗਣਾ ਹੈ। ਇਸ ਤੋਂ ਬਾਅਦ ਬਬਲੀ ਨੇ ਆਪਣੇ ਬੱਚੇ ਨੂੰ ਆਪਣੀ ਭਤੀਜੀ ਮੁਸਕਾਨ ਦੀ ਗੋਦੀ ਵਿੱਚ ਫੜਾਇਆ। ਨਰਸ ਮੁਸਕਾਨ ਨੂੰ ਆਪਣੇ ਨਾਲ ਹੇਠਾਂ ਲੈ ਗਈ।

ਨਵਜੰਮੇ ਬੱਚੇ ਨੂੰ ਹੇਠਾਂ ਲਿਆਉਣ ਤੋਂ ਬਾਅਦ ਨਰਸ ਬਣੀ ਚੋਰ ਨੇ ਮੁਸਕਾਨ ਨੂੰ ਗੁੰਮਰਾਹ ਕਰਨ ਲਈ ਉਸ ਨੂੰ ਬਬਲੀ ਦਾ ਆਧਾਰ ਕਾਰਡ ਲਿਆਉਣ ਲਈ ਕਿਹਾ। ਮੁਸਕਾਨ ਆਪਣੀ ਭੂਆ ਬਬਲੀ ਤੋਂ ਆਧਾਰ ਕਾਰਡ ਲੈਣ ਲਈ ਆਈ ਤਾਂ ਪਿੱਛਿਓਂ ਔਰਤ ਨੇ ਆਪਣੀ ਮਹਿਲਾ ਸਾਥੀ ਨਾਲ ਮਿਲ ਕੇ ਬੱਚਾ ਚੋਰੀ ਕਰ ਲਿਆ ਅਤੇ ਹਸਪਤਾਲ ਦੇ ਵਰਾਂਡੇ ਤੋਂ ਹੁੰਦੀ ਹੋਈ ਫਰਾਰ ਹੋ ਗਈ। ਜਦੋਂ ਮੁਸਕਾਨ ਹੇਠਾਂ ਪਰਤਿਆ ਤਾਂ ਨਾ ਉਸ ਨੇ ਨਰਸ ਬਣ ਚੁੱਕੀ ਕੁੜੀ ਨੂੰ ਦੇਖਿਆ ਅਤੇ ਨਾ ਹੀ ਉਸ ਨੇ ਉਸ ਦਾ ਭਰਾ ਕਿਸੇ ਦੀ ਗੋਦੀ ਵਿਚ ਦਿਸਿਆ। ਇਸ ਤੋਂ ਬਾਅਦ ਉਸ ਨੇ ਤੁਰੰਤ ਭੂਆ ਬਬਲੀ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨੂੰ ਸੂਚਿਤ ਕੀਤਾ।

ਪੁਲਿਸ ਮੁਲਾਜ਼ਮਾਂ ਨੇ ਨਵਜੰਮੇ ਬੱਚੇ ਦੀ ਮਾਂ ਤੋਂ ਪੁੱਛਗਿੱਛ ਕਰਨ ਤੋਂ ਬਾਅਦ ਹਸਪਤਾਲ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਤਲਾਸ਼ੀ ਲਈ। ਫੁਟੇਜ ਵਿੱਚ ਚਿਹਰੇ ‘ਤੇ ਮਾਸਕ ਪਾਈ ਕਰੀਬ 23-25 ਸਾਲ ਦੀ ਇੱਕ ਔਰਤ ਅਤੇ ਚਿਹਰੇ ਤੇ ਸਿਰ ਨੂੰ ਮਫਲਰ ਤੇ ਸ਼ਾਲ ਨਾਲ ਢਕੇ ਹੋਏ ਇੱਕ ਔਰਤ ਬੱਚਾ ਚੋਰੀ ਕਰਕੇ ਫਰਾਰ ਹੁੰਦੀ ਕੈਦ ਹੋਈ। ਬੱਚੇ ਨੂੰ ਔਰਤ ਨੇ ਗੋਦੀ ਵਿੱਚ ਚੁੱਕਿਆ ਹੋਇਆ ਹੈ ਅਤੇ ਉਸ ਦੀ ਸਾਥੀ ਮਹਿਲਾ ਉਸ ਤੋਂ ਦੋ ਕਦਮ ਅੱਗੇ ਚੱਲਦੀ ਨਜ਼ਰ ਆ ਰਹੀ ਹੈ। ਦੋਵੇਂ ਮਹਿਲਾ ਚੋਰ ਬਿਨਾਂ ਡਰੇ ਪ੍ਰੋਫੈਸ਼ਨਲ ਤਰੀਕੇ ਨਾਲ ਬੱਚੇ ਨੂੰ ਹਸਪਤਾਲ ਦੇ ਵਰਾਂਡੇ ਤੋਂ ਚੋਰੀ ਕਰਕੇ ਫਰਾਰ ਹੁੰਦੀਆਂ ਕੈਮਰੇ ਵਿੱਚ ਕੈਦ ਹੋਈਆਂ।

ਇਹ ਵੀ ਪੜ੍ਹੋ : ‘ਭਾਰਤ ਜੋੜੋ ਯਾਤਰਾ’ ਮਗਰੋਂ ‘ਹੱਥ ਨਾਲ ਹੱਥ ਜੋੜੋ’ ਮੁਹਿੰਮ, ਕਾਂਗਰਸ ਨੇ ਦੱਸਿਆ ਅਗਲਾ ਪਲਾਨ

ਪੁਲਸ ਨੇ ਤੁਰੰਤ ਵਾਇਰਲੈੱਸ ‘ਤੇ ਸੰਦੇਸ਼ ਫਲੈਸ਼ ਕੀਤਾ ਅਤੇ ਪੀਸੀਆਰ ਟੀਮ ਅਤੇ ਸਾਰੇ ਥਾਣਿਆਂ ਦੀ ਗਸ਼ਤ ਟੀਮ ਨੂੰ ਘਟਨਾ ਦੀ ਸੂਚਨਾ ਦਿੱਤੀ। ਬਠਿੰਡਾ ਪੁਲਿਸ ਜ਼ਿਲ੍ਹਾ ਬਾਰਡਰ, ਆਟੋ ਸਟੈਂਡ, ਰੇਲਵੇ ਸਟੇਸ਼ਨ ਸਮੇਤ ਆਲੇ-ਦੁਆਲੇ ਦੀਆਂ ਸਾਰੀਆਂ ਥਾਵਾਂ ‘ਤੇ ਤਲਾਸ਼ੀ ਲੈਣ ‘ਚ ਲੱਗੀ ਹੋਈ ਹੈ, ਤਾਂ ਜੋ ਸਮੇਂ ਸਿਰ ਔਰਤ ਨੂੰ ਕਾਬੂ ਕਰਕੇ ਬੱਚੇ ਨੂੰ ਸੁਰੱਖਿਅਤ ਬਰਾਮਦ ਕੀਤਾ ਜਾ ਸਕੇ। ਸ਼ਾਮ ਕਰੀਬ 4.15 ਵਜੇ ਤੱਕ ਪੁਲਿਸ ਨਾ ਤਾਂ ਔਰਤ ਚੋਰਾਂ ਨੂੰ ਕਾਬੂ ਕਰ ਸਕੀ ਅਤੇ ਨਾ ਹੀ ਬੱਚੇ ਬਾਰੇ ਕੋਈ ਜਾਣਕਾਰੀ ਹਾਸਲ ਕਰ ਸਕੀ। ਥਾਣਾ ਸਦਰ ਦੀ ਪੁਲਿਸ ਨੇ ਅਣਪਛਾਤੇ ਚੋਰਾਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਉਨ੍ਹਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “