shahrukh khan son aryan : ਐਨਸੀਬੀ ਨੇ ਸਮੁੰਦਰ ਦੇ ਵਿਚਕਾਰ ਚੱਲ ਰਹੀ ਰੈਵ ਪਾਰਟੀ ਉੱਤੇ ਛਾਪਾ ਮਾਰਿਆ। ਬਾਲੀਵੁੱਡ ਦੇ ਇੱਕ ਵੱਡੇ ਸਿਤਾਰੇ ਦੇ ਬੇਟੇ ਦਾ ਨਾਮ ਇਸ ਪਾਰਟੀ ਵਿੱਚ ਆ ਰਿਹਾ ਸੀ। ਹੁਣ NCB ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਆਰਿਅਨ ਉਸ ਕਰੂਜ਼ ਵਿੱਚ ਸ਼ਾਮਲ ਸੀ ਜਿੱਥੇ ਰੈਵ ਪਾਰਟੀ ਚੱਲ ਰਹੀ ਸੀ। ਸਮੁੰਦਰ ਦੇ ਵਿਚਕਾਰ ਚੱਲ ਰਹੀ ਇਸ ਰੈਵ ਪਾਰਟੀ ਵਿੱਚ ਕਈ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਜਾਣਕਾਰੀ ਅਨੁਸਾਰ, ਐਨਸੀਬੀ ਇਸ ਮਾਮਲੇ ਵਿੱਚ ਆਰੀਅਨ ਖਾਨ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਇਸ ਵੱਡੀ ਰੈਵ ਪਾਰਟੀ ‘ਚ ਸ਼ਾਹਰੁਖ ਖਾਨ ਦੇ ਬੇਟੇ ਦਾ ਨਾਂ ਸਾਹਮਣੇ ਆਉਣ ਤੋਂ ਬਾਅਦ ਇਹ ਮਾਮਲਾ ਹਾਈ ਪ੍ਰੋਫਾਈਲ ਬਣ ਗਿਆ ਹੈ। ਬਾਲੀਵੁੱਡ ਦਾ ਸਟਾਰ ਕਿਡ ਪਿਛਲੇ ਦਿਨੀਂ ਕਈ ਅਜਿਹੀਆਂ ਪਾਰਟੀਆਂ ਵਿੱਚ ਰਿਹਾ ਹੈ ਜਿਸਦੀ ਬਹੁਤ ਚਰਚਾ ਹੋਈ ਹੈ।ਇਹ ਪਾਰਟੀ ਤਿੰਨ ਦਿਨਾਂ ਤੱਕ ਚੱਲਣ ਵਾਲੀ ਸੀ ਜਿਸ ਵਿੱਚ ਬਹੁਤ ਸਾਰੇ ਡੀਜੇ ਸ਼ਾਮਲ ਹੋਏ ਸਨ।
ਇਹ ਇਵੈਂਟ ਫੈਸ਼ਨ ਟੀਵੀ ਦੇ ਨਾਲ ਦਿੱਲੀ ਦੀ ਵੱਡੀ ਇਵੈਂਟ ਕੰਪਨੀ ਦੁਆਰਾ ਆਯੋਜਿਤ ਕੀਤਾ ਗਿਆ ਸੀ। ਐਨਸੀਬੀ ਨੇ ਤਲਾਸ਼ੀ ਦੌਰਾਨ ਕਈ ਤਰ੍ਹਾਂ ਦੇ ਨਸ਼ੀਲੇ ਪਦਾਰਥ ਬਰਾਮਦ ਕੀਤੇ ਹਨ। ਇਸ ਮਾਮਲੇ ਵਿੱਚ ਕਈ ਵੱਡੇ ਖੁਲਾਸੇ ਹੋ ਸਕਦੇ ਹਨ। ਜਾਣਕਾਰੀ ਅਨੁਸਾਰ ਫੈਸ਼ਨ ਅਤੇ ਮਨੋਰੰਜਨ ਜਗਤ ਦੇ ਕਈ ਵੱਡੇ ਲੋਕ ਇਸ ਪਾਰਟੀ ਵਿੱਚ ਸ਼ਾਮਲ ਹੋਏ ਸਨ।
