Tattooed by a female jailer : ਲੰਡਨ: ਜਦੋਂ ਇੱਕ ਮਹਿਲਾ ਜੇਲ੍ਹਰ ਨੂੰ ਹੀ ਇੱਕ ਕੈਦੀ ਨਾਲ ਪਿਆਰ ਹੋ ਜਾਵੇ ਤਾਂ ਕੀ ਹੋਵੇਗਾ? ਬਦਲੇ ਵਿੱਚ ਉਸਨੂੰ ਵੀਵੀਆਈਪੀ ਸਹੂਲਤਾਂ ਮੁਹੱਈਆ ਕਰਵਾਏ, ਇਹੀ ਨਹੀਂ ਬਿਟੇਨ ਵਿੱਚ ਤਾਂ ਇੱਕ ਮਹਿਲਾ ਜੇਲਰ ਨੇ ਕੈਦ ਦਾ ਨੰਬਰ ਹੀ ਟੈਟੂ ਕਰਵਾ ਲਿਆ, ਜਦੋਂ ਇਸ ਗੱਲ ਦਾ ਖੁਲਾਸਾ ਹੋਇਆ, ਤਾਂ ਉਸ ਨੂੰ ਨਾ ਸਿਰਫ ਮੁਅੱਤਲ ਕੀਤਾ ਗਿਆ, ਬਲਕਿ ਉਸ ਨੂੰ ਜੇਲ੍ਹ ਦੀ ਸਜ਼ਾ ਵੀ ਸੁਣਾਈ ਗਈ ਹੈ।
ਮਹਿਲਾ ਜੇਲ੍ਹਰ ਦਾ ਨਾਮ ਸਕਾਰਲੇਟ ਐਲਡਰਿਕ ਹੈ, ਜਿਸ ਨੂੰ ਇੱਕ ਕੈਦੀ ਨਾਲ ਇਸ਼ਕ ਹੋ ਗਿਆ। ਬਦਲੇ ਵਿਚ ਉਸ ਨੇ ਕੈਦੀ ਲਈ ਜੇਲ੍ਹ ਵਿਚ ਹੀ ਮੋਬਾਈਲ ਅਤੇ ਸਿਮ ਕਾਰਡ ਦਾ ਪ੍ਰਬੰਧ ਕੀਤਾ। ਡੇਲੀ ਮਰਕਰੀ ਦੀ ਖ਼ਬਰ ਅਨੁਸਾਰ ਸਕਾਰਲੇਟ ਦੀ ਇਹ ਕਾਰਵਾਈ ਉਸ ਸਮੇਂ ਸਾਹਮਣੇ ਆਈ ਜਦੋਂ ਉਸਦੀ ਡਾਕਟਰੀ ਜਾਂਚ ਹੋਈ। ਜਿਸ ਵਿਚ ਉਸਦੀ ਲੱਤ ‘ਤੇ ਇਕ ਰਹੱਸਮਈ ਟੈਟੂ ਪਾਇਆ ਗਿਆ, ਜਿਸ ਵਿਚ ਕੈਦੀ ਦਾ ਨੰਬਰ ਵੀ ਲਿਖਿਆ ਹੋਇਆ ਸੀ। ਇਸ ਤੋਂ ਬਾਅਦ ਜਦੋਂ ਜਾਂਚ ਕੀਤੀ ਗਈ ਤਾਂ ਪੂਰਾ ਮਾਮਲਾ ਸਾਹਮਣੇ ਆਇਆ।
ਸਕਾਰਲੇਟ ਐਲਡਰਿਕ ਦਾ ਪਿਤਾ ਵੀ ਇਕ ਪੁਲਿਸ ਅਧਿਕਾਰੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸਕਾਰਲੇਟ ਜਦੋਂ ਜੇਲ੍ਹਰ ਨਹੀਂ ਬਣੀ ਸੀ, ਉਦੋਂ ਤੋਂ ਉਸ ਦਾ ਇਸ ਕੈਦੀ ਦੇ ਪਿਆਰ ਵਿਚ ਸੀ। ਉਹ ਅਕਸਰ ਅਪਰਾਧੀ ਦੀ ਮਦਦ ਕਰਦੀ ਸੀ। ਇਸ ਸਮੇਂ ਦੌਰਾਨ ਪਤਾ ਲੱਗਿਆ ਹੈ ਕਿ ਉਹ ਆਪਣੇ ਪ੍ਰੇਮੀ ਨੂੰ ਵੀ ਚਿੱਠੀ ਲਿਖਦੀ ਸੀ।
ਬ੍ਰਿਟੇਨ ਦੇ ਜੱਜ ਨੇ ਸਕਾਰਲੇਟ ਨੂੰ ਇਸ ਅਪਰਾਧ ਲਈ 10 ਮਹੀਨੇ ਕੈਦ ਦੀ ਸਜਾ ਸੁਣਾਈ। ਜੱਜ ਨੇ ਕਿਹਾ ਕਿ ਇਸ ਕਾਰਵਾਈ ਨਾਲ ਨਾ ਸਿਰਫ ਕੈਦੀ ਨੂੰ ਫਾਇਦਾ ਹੋਇਆ, ਬਲਕਿ ਜੇਲ੍ਹ ਦੀ ਸੁਰੱਖਿਆ ਲਈ ਵੀ ਖ਼ਤਰਾ ਪੈਦਾ ਹੋਇਆ। ਬਾਅਦ ਵਿਚ, ਦੂਜੇ ਕੈਦੀਆਂ ਨੇ ਦੱਸਿਆ ਕਿ ਸਕਾਰਲੇਟ ਉਸ ਕੈਦੀ ਨੂੰ ਲੈ ਕੇ ਅਕਸਰ ਪ੍ਰੇਸ਼ਾਨ ਰਹੰਦੀ ਸੀ ਅਤੇ ਅਕਸਰ ਉਸ ਨਾਲ ਗੱਲ ਕਰਦੇ ਦੇਖਿਆ ਗਿਆ ਸੀ।
