These two daughters of Hoshiarpur : ਹੁਸ਼ਿਆਰਪੁਰ : ਇੱਕ ਸਮਾਂ ਸੀ ਜਦੋਂ ਕੁੜੀਆਂ ਨੂੰ ਘਰ ਦੀ ਦਹਿਲੀਜ ਟੱਪਣ ਦੀ ਵੀ ਇਜਾਜ਼ਤ ਨਹੀਂ ਸੀ। ਪਰ ਅੱਜ ਦੀਆਂ ਕੁੜੀਆਂ ਮਾਪਿਆਂ ਦਾ ਮੋਢੇ ਨਾਲ ਮੋਢਾ ਜੋੜ ਕੇ ਸਾਥ ਦੇ ਰਹੀਆਂ ਹਨ ਅਤੇ ਸਦੀਆਂ ਪੁਰਾਣੀਆਂ ਚੱਲੀਆਂ ਆ ਰਹੀਆਂ ਧਾਰਨਾਵਾਂ ਨੂੰ ਵੀ ਤੋੜਦਿਆਂ ਅੱਗੇ ਵਧ ਰਹੀਆਂ ਹਨ। ਅਜਿਹੀ ਹੀ ਮਿਸਾਲ ਕਾਇਮ ਕੀਤੀ ਹੁਸ਼ਿਆਰਪੁਰ ਜ਼ਿਲ੍ਹੇ ਦੀਆਂ ਦੋ ਧੀਆਂ ਨੇ ਜਿਨ੍ਹਾਂ ਨੇ ਖੇਤੀਬਾੜੀ ਕਰਕੇ ਨਾ ਸਿਰਫ ਸਦੀਆਂ ਪੁਰਾਣੀ ਧਾਰਨਾ, ਕਿ ਕੁੜੀਆਂ ਇਹ ਕੰਮ ਨਹੀਂ ਕਰ ਸਕਦੀਆਂ, ਤੋੜੀ, ਸਗੋਂ ਆਪਣੇ ਪਿਤਾ ਦਾ ਵੀ ਭਾਰ ਵੰਡਾਇਆ। ਕਸਬਾ ਹਰਿਆਨਾ ਦੇ ਪਿੰਡ ਸ਼ਹਾਬੁਦੀਨ ਵਿੱਚ ਦੋ ਭੈਣਾਂ ਨੇ ਖੇਤਾਂ ਵਿਚ ਕੰਮ ਕਰਨ ਲਈ ਅਜਿਹੀ ਪਹਿਲ ਕੀਤੀ ਕਿ ਧਰਤੀ ਨੇ ਵੀ ਉਨ੍ਹਾਂ ਨੂੰ ਸੋਨੇ ਦੀ ਫਸਲ ਪੈਦਾ ਕਰਕੇ ਉਨ੍ਹਾਂ ਦੀ ਮਿਹਨਤ ਨੂੰ ਸਲਾਮ ਕੀਤਾ। ਸਿਮਰਨ ਅਤੇ ਪ੍ਰਦੀਪ ਕੌਰ ਛੋਟੀ ਉਮਰ ਵਿਚ ਹੀ ਪਿਤਾ ਦੀ ਢਾਲ ਬਣ ਗਈਆਂ।
ਦੋਵਾਂ ਦੀ ਹਿੰਮਤ ਨੇ ਨਾ ਸਿਰਫ ਪਿੰਡ ਦੀ ਧਾਰਣਾ ਬਦਲ ਦਿੱਤੀ, ਸਗੋਂ ਪਿੰਡ ਦੀ ਕਿਸਮਤ ਵੀ ਜਗਾ ਦਿੱਤੀ। ਹੁਣ ਪਿੰਡ ਦੀਆਂ ਬਾਕੀ ਧੀਆਂ ਵੀ ਸਸ਼ਕਤੀਕਰਨ ਬਣਨ ਦੀ ਰਾਹ ‘ਤੇ ਤੁਰ ਪਈਆਂ ਹਨ। ਕਈਆਂ ਨੂੰ ਖੇਤਾਂ ਵਿਚ ਕੰਮ ਮਿਲ ਜਾਂਦਾ ਹੈ, ਕੁਝ ਪਿੰਡ ਤੋਂ ਬਾਹਰ ਨਿਕਲ ਕੇ ਵਿਦੇਸ਼ਾਂ ਵਿਚ ਪੜ੍ਹਣ ਗਈਆਂ। ਕਿਸਾਨ ਦਿਲਬਾਗ ਸਿੰਘ ਨੇ ਦੱਸਿਆ ਕਿ ਜ਼ਮੀਨ ਘੱਟ ਹੋਣ ਕਾਰਨ ਮਕਾਨ ਦੀ ਆਰਥਿਕ ਸਥਿਤੀ ਬਹੁਤ ਮਾੜੀ ਹੋ ਗਈ ਸੀ। ਸਿਮਰਨ ਤੇ ਪ੍ਰਦੀਪ ਨੇ ਹੋਸ਼ ਸੰਭਾਲਣ ਤੋਂ ਬਾਅਦ ਖੇਤਾਂ ਵਿਚ ਕੰਮ ਕਰਨ ਦੀ ਇੱਛਾ ਜ਼ਾਹਰ ਕੀਤੀ। ਉਨ੍ਹਾਂ ਨੂੰ ਸਵੈ-ਨਿਰਭਰ ਬਣਾਉਣ ਦੇ ਮੰਤਵ ਨਾਲ ਉਨ੍ਹਾਂ ਇਜਾਜ਼ਤ ਦੇ ਦਿੱਤੀ। ਦੋਵੇਂ ਭੈਣਆਂ ਨੇ ਨੇ ਪਹਿਲਾਂ ਟਰੈਕਟਰ ਚਲਾਉਣਾ ਸਿੱਖਿਆ ਅਤੇ ਫਿਰ ਖੇਤੀ ਦੇ ਹੋਰ ਕੰਮ ਸਿੱਖੇ। ਧੀਆਂ ਦੇ ਹੌਂਸਲੇ ਨੂੰ ਵੇਖਦਿਆਂ ਦਿਲਬਾਗ ਨੇ ਠੇਕੇ ‘ਤੇ ਦਸ ਕਿੱਲੋ ਜ਼ਮੀਨ ਲੈ ਲਈ। ਆਪਣੀਆਂ ਧੀਆਂ ਦੇ ਨਾਲ ਉਹ ਜ਼ਮੀਨ ਵਿੱਚ ਕਣਕ, ਝੋਨਾ, ਆਲੂ ਅਤੇ ਕਈ ਸਬਜ਼ੀਆਂ ਉਗਾਉਂਦੇ ਹਨ। ਧੀਆਂ ਖੇਤੀਬਾੜੀ ਦੇ ਕੰਮ ਵਿਚ ਇਸ ਢੰਗ ਨਾਲ ਪਰਿਪੱਕ ਹੋ ਗਈਆਂ ਹਨ ਕਿ ਬੀਜ ਬੋਣ ਤੋਂ ਲੈ ਕੇ ਖਾਦ ਪਾਉਣ ਅਤੇ ਪਾਣੀ ਲਗਾਉਣ ਤੱਕ ਸਭ ਦੀ ਜਾਣਕਾਰੀ ਰਖਦੀਆਂ ਹਨ।
ਦੋਵੇਂ ਖੇਤਾਂ ਵਿੱਚ ਟਰੈਕਟਰ ਵੀ ਚਲਾਉਂਦੀਆਂ ਹਨ। ਇਸ ਤੋਂ ਵੀ ਮਹੱਤਵਪੂਰਣ ਗੱਲ ਇਹ ਹੈ ਕਿ ਖੇਤੀ ਦੇ ਨਾਲ-ਨਾਲ ਦੋਵੇਂ ਭੈਣਾਂ ਪੜ੍ਹਾਈ ਵੀ ਕਰ ਰਹੀਆਂ ਹਨ ਅਤੇ ਇਸ ਵਿਚ ਵੀ ਸਿਖਰ ’ਤੇ ਹਨ। ਸਿਮਰਨ ਕੌਰ ਨੇ ਬਾਰ੍ਹਵੀਂ ਪਾਸ ਕੀਤੀ ਹੈ ਅਤੇ ਪ੍ਰਦੀਪ ਕੌਰ 11 ਵੀਂ ਵਿਚ ਪੜ੍ਹ ਰਹੀ ਹੈ। ਦੋਵੇਂ ਭੈਣਾਂ ਦਾ ਕਹਿਣਾ ਹੈ ਕਿ ਖੇਤੀ ਕਰਨ ਵਿੱਚ ਕੋਈ ਹਰਜ ਨਹੀਂ ਹੈ। ਅੱਜ ਦੇ ਯੁੱਗ ਵਿਚ ਮੁੰਡਿਆਂ ਅਤੇ ਕੁੜੀਆਂ ਵਿਚ ਕੋਈ ਫਰਕ ਨਹੀਂ ਹੈ। ਹੌਲੀ-ਹੌਲੀ ਹੋਰ ਲੜਕੀਆਂ ਵੀ ਖੇਤਾਂ ਵਿੱਚ ਅੱਗੇ ਆ ਰਹੀਆਂ ਹਨ।
