ਤੇਲੰਗਾਨਾ ਵਿੱਚ ਸਰਕਾਰ ਨੇ ਦੋ ਟਰਾਂਸਜੈਂਡਰਾਂ ਨੂੰ ਸਰਕਾਰੀ ਹਸਪਤਾਲ ਵਿੱਚ ਨਿਯੁਕਤ ਕੀਤਾ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਦੇਸ਼ ਵਿੱਚ ਸਰਕਾਰੀ ਸੇਵਾ ਵਿੱਚ ਟਰਾਂਸਜੈਂਡਰ ਡਾਕਟਰਾਂ ਨੂੰ ਅਧਿਕਾਰਤ ਤੌਰ ‘ਤੇ ਨਿਯੁਕਤ ਕੀਤਾ ਗਿਆ ਹੈ। ਇਨ੍ਹਾਂ ਦੋਵਾਂ ਦੇ ਨਾਂ ਪ੍ਰਾਚੀ ਰਾਠੌਰ ਅਤੇ ਰੂਥ ਜੌਨ ਪਾਲ ਹਨ। ਉਨ੍ਹਾਂ ਨੂੰ ਤੇਲੰਗਾਨਾ ਦੇ ਸਰਕਾਰੀ ਓਸਮਾਨੀਆ ਜਨਰਲ ਹਸਪਤਾਲ (ਓਜੀਐਚ) ਵਿੱਚ ਮੈਡੀਕਲ ਅਫਸਰ ਵਜੋਂ ਚਾਰਜ ਦਿੱਤਾ ਗਿਆ ਹੈ।
ਇੱਕ ਰਿਪੋਰਟ ਮੁਤਾਬਕ ਪ੍ਰਾਚੀ ਰਾਠੌੜ ਨੂੰ ਟਰਾਂਸਜੈਂਡਰ ਹੋਣ ਕਰਕੇ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਸੀ। ਪ੍ਰਾਚੀ ਨੇ ਹੈਦਰਾਬਾਦ ਦੇ ਇੱਕ ਸੁਪਰ-ਸਪੈਸ਼ਲਿਟੀ ਹਸਪਤਾਲ ਵਿੱਚ 3 ਸਾਲ ਕੰਮ ਕੀਤਾ। ਉਸ ਨੇ ਦੱਸਿਆ ਕਿ ਉਸ ਨੂੰ ਬਚਪਨ ਤੋਂ ਹੀ ਸਮਾਜਿਕ ਕਲੰਕ ਅਤੇ ਭੇਦਭਾਵ ਝੱਲਣਾ ਪਿਆ ਹੈ। ਪ੍ਰਾਚੀ ਨੇ 2015 ਵਿੱਚ ਆਦਿਲਾਬਾਦ ਦੇ ਇੱਕ ਮੈਡੀਕਲ ਕਾਲਜ ਤੋਂ ਐੱਮ.ਬੀ.ਬੀ.ਐੱਸ. ਪੂਰੀ ਕੀਤੀ।
ਪੋਸਟ ਗ੍ਰੈਜੂਏਸ਼ਨ ਕਰਨ ਲਈ ਉਹ ਦਿੱਲੀ ਗਈ, ਪਰ ਸਹੀ ਮਾਹੌਲ ਨਾ ਹੋਣ ਕਾਰਨ ਵਾਪਸ ਹੈਦਰਾਬਾਦ ਜਾਣਾ ਪਿਆ। ਇੱਥੇ ਉਸ ਨੇ ਐਮਰਜੈਂਸੀ ਮੈਡੀਸਨ ਵਿੱਚ ਡਿਪਲੋਮਾ ਵੀ ਕੀਤਾ।
ਪ੍ਰਾਚੀ ਨੂੰ ਸਿਰਫ਼ ਇਸ ਲਈ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਕਿਉਂਕਿ ਹਸਪਤਾਲ ਨੂੰ ਲੱਗਾ ਕਿ ਇਸ ਨਾਲ ਮਰੀਜ਼ਾਂ ਨੂੰ ਮੁਸ਼ਕਲਾਂ ਆ ਸਕਦੀਆਂ ਹਨ, ਉਹ ਆਉਣਾ ਬੰਦ ਕਰ ਦੇਣਗੇ। ਇਸ ਘਟਨਾ ਤੋਂ ਬਾਅਦ ਇੱਕ ਐਨਜੀਓ ਪ੍ਰਾਚੀ ਦੇ ਬਚਾਅ ਵਿੱਚ ਆਈ। NGO ਨੇ ਉਸ ਨੂੰ ਆਪਣੇ ਕਲੀਨਿਕ ਵਿੱਚ ਕੰਮ ਦਿੱਤਾ। ਇੱਥੋਂ ਹੀ ਉਸ ਨੂੰ ਓਜੀਐਚ ਵਿੱਚ ਨੌਕਰੀ ਮਿਲੀ।
ਇਹ ਵੀ ਪੜ੍ਹੋ : ‘ਭਾਰਤ ਜੋੜੋ ਯਾਤਰਾ’ ‘ਤੇ ਸਮ੍ਰਿਤੀ ਦਾ ਨਿਸ਼ਾਨਾ, ਕਿਹਾ- ‘ਰਾਹੁਲ ਨੇ ਮੰਨ ਹੀ ਲਿਆ, ਉਹ ਦੇਸ਼ ਨੂੰ ਨਹੀਂ ਸਮਝਦੇ’
ਪ੍ਰਾਚੀ ਰਾਠੌੜ ਨੇ ਹਮੇਸ਼ਾ ਡਾਕਟਰ ਬਣਨ ਦਾ ਸੁਪਨਾ ਦੇਖਿਆ ਪਰ ਸਕੂਲ ਵਿਚ ਉਹ ਇਸ ਗੱਲ ਦੀ ਚਿੰਤਾ ਸੀ ਕਿ ਦੂਜੇ ਵਿਦਿਆਰਥੀਆਂ ਵੱਲੋਂ ਧੱਕੇਸ਼ਾਹੀ ਅਤੇ ਬਦਮਾਸ਼ੀ ਤੋਂ ਕਿਵੇਂ ਬਚਿਆ ਜਾਵੇ। ਇਸ ਮੁਕਾਮ ‘ਤੇ ਪਹੁੰਚਣ ਤੋਂ ਬਾਅਦ ਪ੍ਰਾਚੀ ਹੁਣ ਟਰਾਂਸਜੈਂਡਰਾਂ ਲਈ ਨੌਕਰੀਆਂ ਅਤੇ ਸਿੱਖਿਆ ‘ਚ ਰਿਜ਼ਰਵੇਸ਼ਨ ਦੇਣ ਲਈ ਕੰਮ ਕਰੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
