ਸ੍ਰੀ ਗੁਰੂ ਅੰਗਦ ਦੇਵ ਜੀ ਦੇ ਸਮੇਂ ’ਤੇ ਜਦੋਂ ਤੱਕ ਬਾਬਰ ਰਿਹਾ ਤਾਂ ਰਾਜ ਦਾ ਕੰਮ ਠੀਕ ਰਿਹਾ। ਉਸਦੇ ਮਰਣ ਦੇ ਬਾਅਦ ਉਸਦਾ ਪੁੱਤਰ ਹਮਾਯੂੰ ਰਾਜ ਉੱਤੇ ਬੈਠਾ। ਉਸ ਤੋਂ ਰਾਜ ਦਾ ਇੰਤਜਾਮ ਨਹੀਂ ਚੱਲ ਸਕਿਆ। ਸ਼ੇਰਸ਼ਾਹ ਸੂਰੀ ਨੇ ਉਸ ਨੂੰ ਮਾਰ ਭਜਾਇਆ।
ਉਹ ਸਿੱਧਾ ਸ਼੍ਰੀ ਖਡੁਰ ਸਾਹਿਬ ਪਹੁੰਚਿਆ, ਕਿਉਂਕਿ ਉਸਨੇ ਆਪਣੇ ਪਿਤਾ ਬਾਬਰ ਕੋਲੋਂ ਗੁਰੂ ਨਾਨਕ ਦੇਵ ਜੀ ਦੀ ਵਡਿਆਈ ਸੁਣੀ ਸੀ। ਗੁਰੂ ਜੀ ਉਸ ਵੇਲੇ ਹੁਮਾਯੂੰ ਵੱਲ ਧਿਆਨ ਨਹੀਂ ਦੇ ਸਕੇ। ਹਮਾਯੂੰ ਨੇ ਗ਼ੁੱਸੇ ਵਿੱਚ ਆਕੇ ਗੁਰੂ ਜੀ ‘ਤੇ ਤਲਵਾਰ ਨਾਲ ਵਾਰ ਕਰਨਾ ਚਾਹਿਆ, ਪਰ ਉਸ ਦਾ ਹੱਥ ਉਥੇ ਹੀ ਦਾ ਉਥੇ ਹੀ ਖੜ੍ਹਾ ਰਹਿ ਗਿਆ, ਜਿਵੇਂ ਕਿਸੇ ਨੇ ਫੜ ਲਿਆ ਹੋਵੇ।
ਗੁਰੂ ਜੀ ਦਾ ਇਹ ਕੌਤਕ ਵੇਖ ਕੇ ਉਹ ਚਰਣਾਂ ਵਿੱਚ ਡਿੱਗ ਗਿਆ। ਗੁਰੂ ਜੀ ਨੇ ਕਿਹਾ ਇਹ ਤਲਵਾਰ ਤਾਂ ਸ਼ੇਰਸ਼ਾਹ ਸੂਰੀ ਉੱਤੇ ਚੁਕਣੀ ਸੀ, ਇੱਥੇ ਫਕੀਰ ਉੱਤੇ ਕੀ ਚੁੱਕਦਾ ਏਂ? ਹਮਾਯੂੰ ਤੇਰਾ ਪਠਾਣਾਂ ‘ਤੇ ਜ਼ੋਰ ਨਾ ਚੱਲਿਆ ਤੇ ਹੁਣ ਤੂੰ ਸਾਡੇ ਉੱਤੇ ਤਲਵਾਰ ਚੁੱਕਣ ਲੱਗਿਆ ਸੀ, ਸਾਨੂੰ ਆਪਣੀ ਬਹਾਦਰੀ ਦਿਖਾਉਂਦਾ ਏਂ……?
ਇਹ ਵੀ ਪੜ੍ਹੋ : ਗੁਰੂ ਹਰਿਰਾਏ ਜੀ ਦੀ ਇੱਕ ਅਸੀਸ ਨੇ ਬਣਾ ਦਿੱਤਾ ‘ਰੰਕ ਤੋਂ ਰਾਜੇ’
ਗੁਰੂ ਜੀ ਦਾ ਇਹ ਵਚਨ ਸੁਣਕੇ ਉਹ ਹੋਰ ਵੀ ਸ਼ਰਮਸਾਰ ਹੋਇਆ। ਤੱਦ ਗੁਰੂ ਜੀ ਨੇ ਉਸ ਨੂੰ ਗੁਰੂ ਦਰ ਉੱਤੇ ਡਿਗਿਆ ਜਾਣਕੇ ਮੁੜ ਰਾਜ ਕਰਨ ਦਾ ਵਰ ਦਿੱਤਾ। ਜਿਸਦੇ ਨਾਲ ਹਮਾਯੂੰ ਨੇ ਸ਼ੇਰਸ਼ਾਹ ਸੂਰੀ ਨੂੰ ਹਰਾ ਕੇ ਗੁਰੂ ਜੀ ਦੇ ਵਰ ਨਾਲ ਰਾਜ ਪਾ ਲਿਆ।
