Covaxin doses stolen : ਜੈਪੁਰ ਦੇ ਕਾਵਟਿਆ ਦੇ ਇੱਕ ਸਰਕਾਰੀ ਹਸਪਤਾਲ ਵਿੱਚ ਟੀਕੇ ਦੀ ਸੁਰੱਖਿਆ ਵਿੱਚ ਲਾਪਰਵਾਹੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਕੋਲਡ ਸਟੋਰੇਜ ਤੋਂ ਟੀਕੇ ਕੇਂਦਰ ਵੱਲ ਲਿਜਾਂਦੇ ਵੇਲੇ, ਵੈਕਸੀਨ ਦੀਆ 32 ਸ਼ੀਸ਼ੀਆਂ ਚੋਰੀ ਹੋ ਗਈਆਂ ਹਨ। ਕੋਵੈਕਸੀਨ ਦੀ ਇੱਕ ਸ਼ੀਸ਼ੀ ਵਿੱਚ 10 ਖੁਰਾਕਾਂ ਹੁੰਦੀਆਂ ਹਨ। ਮੁੱਖ ਮੈਡੀਕਲ ਅਫਸਰ ਨਰੋਤਮ ਸ਼ਰਮਾ ਦੇ ਨਿਰਦੇਸ਼ਾਂ ‘ਤੇ, ਜੈਪੁਰ ਦੇ ਕਾਵਟਿਆ ਹਸਪਤਾਲ ਦੇ ਸੁਪਰਡੈਂਟ ਨੇ ਹੁਣ ਥਾਣੇ ‘ਚ ਕੇਸ ਦਰਜ ਕਰਵਾਇਆ ਹੈ।
ਜ਼ਿਕਰਯੋਗ ਹੈ ਕਿ ਜੈਪੁਰ ਵਿੱਚ ਕੋਰੋਨਾ ਵੈਕਸੀਨ ਖਤਮ ਹੋ ਗਈ ਹੈ ਅਤੇ ਟੀਕਾਕਰਨ ਰੋਕ ਦਿੱਤਾ ਗਿਆ ਹੈ। ਇਹ ਖਦਸ਼ਾ ਹੈ ਕਿ ਹਸਪਤਾਲ ਨੇ ਆਪਣੇ ਲੋਕਾਂ ਨੂੰ ਟੀਕੇ ਲਗਾ ਕੇ ਸਟਾਕ ਵਿੱਚ ਕਮੀ ਦਿਖਾਈ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਇਸੇ ਦੌਰਾਨ ਸਰਕਾਰੀ ਹਸਪਤਾਲ ਕਾਵਟਿਆ ਤੋਂ ਟੀਕੇ ਦੀਆਂ 320 ਖੁਰਾਕਾਂ ਚੋਰੀ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
