dmrc launches online survey: ਨਵੀਂ ਦਿੱਲੀ: ਕੋਰੋਨਾ ਦੇ ਸਮੇਂ ਮੈਟਰੋ ਦਾ ਸੰਚਾਲਨ ਸਾਰੇ ਨਿਯਮਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਸ਼ੁਰੂ ਕੀਤਾ ਗਿਆ ਹੈ। ਬੈਠਣ ਦੀ ਸਮਰੱਥਾ ਸਮਾਜਿਕ ਦੂਰੀਆਂ ਦੇ ਮਾਮਲੇ ਨਾਲ ਵੀ ਸੀਮਿਤ ਹੈ। ਪਰ ਪੀਕ-ਆਵਰਸ ਵਿੱਚ ਮੈਟਰੋ ‘ਚ ਬਹੁਤ ਸਾਰੀਆਂ ਥਾਵਾਂ ਤੇ ਭੀੜ ਦਿਖਾਈ ਦੇ ਰਹੀ ਹੈ। ਜਿਸ ਕਾਰਨ ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ (ਡੀ.ਐੱਮ.ਆਰ.ਸੀ.) ਨੇ ਇੱਕ ਆਨਲਾਈਨ ਸਰਵੇਖਣ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ ਸਰਵੇਖਣ ਦਾ ਉਦੇਸ਼ ਯਾਤਰੀਆਂ ਦੇ ਯਾਤਰਾ ਦੇ ਢਾਂਚੇ ਨੂੰ ਸਮਝਣਾ ਹੋਵੇਗਾ। ਤਾਂ ਜੋ ਸਵੇਰ ਅਤੇ ਸ਼ਾਮ ਨੂੰ ਜਦੋਂ ਭੀੜ ਵਧੇਰੇ ਹੁੰਦੀ ਹੈ, ਜਿਸ ਨੂੰ ਪੀਕ-ਆਵਰਸ ਕਿਹਾ ਜਾਂਦਾ ਹੈ, ਤਾਂ ਜੋ ਉਸ ਵਾਧੂ ਭੀੜ ਤੋਂ ਬਚਿਆ ਜਾ ਸਕੇ। ਇਸ ਸਰਵੇਖਣ ਦਾ ਲਿੰਕ ਅੱਜ ਤੋਂ DMRC ਦੇ ਸੋਸ਼ਲ ਮੀਡੀਆ ਪੇਜ ਤੇ ਐਕਟਿਵ ਹੋ ਗਿਆ ਹੈ ਅਤੇ ਇਹ ਲਿੰਕ 27 ਅਕਤੂਬਰ, 2020 ਤੱਕ ਉਪਲਬੱਧ ਰਹਿਣਗੇ। ਡੀਐਮਆਰਸੀ ਦੇ ਅਧਿਕਾਰਤ ਸੋਸ਼ਲ ਮੀਡੀਆ ਪੇਜ ਦੇ ਲਿੰਕ ਇਹ ਹਨ-https://twitter.com/OfficialDMRC।
DMRC ਦੁਆਰਾ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਇਸ ਸਰਵੇਖਣ ਦੇ ਜ਼ਰੀਏ, ਮੈਟਰੋ ਯਾਤਰੀਆਂ ਤੋਂ ਉਨ੍ਹਾਂ ਦੇ ਆਫ ਪੀਕ ਘੰਟਿਆਂ ਵਿੱਚ ਯਾਤਰਾ ਕਰਨ ਦੀ ਸੰਭਾਵਨਾ ਬਾਰੇ ਜਾਣਕਾਰੀ ਇਕੱਠੀ ਕੀਤੀ ਜਾਏਗੀ। ਇਹ ਜਾਣਨ ਦੀ ਕੋਸ਼ਿਸ਼ ਕੀਤੀ ਜਾਏਗੀ ਕਿ ਸਵੇਰ ਅਤੇ ਸ਼ਾਮ ਦੇ ਪੀਕ-ਆਵਰਸ ਤੋਂ ਇਲਾਵਾ, ਕੀ ਯਾਤਰੀ ਬਾਕੀ ਦੇ ਸਮੇਂ ਵਿੱਚ ਆਪਣੀ ਯਾਤਰਾ ਦੀ ਯੋਜਨਾ ਬਣਾ ਸਕਦੇ ਹਨ ਤਾਂ ਜੋ ਵਧੇਰੇ ਭੀੜ ਤੋਂ ਬਚਿਆ ਜਾ ਸਕੇ। ਸਰਵੇਖਣ ਪ੍ਰਸ਼ਨਾਂ ਨੂੰ ਵੀ ਇਸੇ ਢੰਗ ਨਾਲ ਤਿਆਰ ਕੀਤਾ ਗਿਆ ਹੈ – ਯਾਤਰਾ ਦਾ ਸਮਾਂ, ਕਿਹੜੀਆਂ ਲਾਈਨਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਗ਼ੈਰ-ਪੀਕ-ਘੰਟਿਆਂ ‘ਚ ਯਾਤਰਾ ਕਰਨ ਦੀ ਸੰਭਾਵਨਾ, ਯਾਤਰੀ ਕੋਲ ਘਰ ਤੋਂ ਕੰਮ ਕਰਨ ਦਾ ਵਿਕਲਪ ਹੈ ਆਦਿ। ਡੀਐਮਆਰਸੀ ਦਾ ਮੰਨਣਾ ਹੈ ਕਿ ਇਹ ਸਰਵੇ ਯਾਤਰੀਆਂ ਦੀਆਂ ਜਰੂਰਤਾਂ ਨੂੰ ਸਮਝਣ ਵਿੱਚ ਵੀ ਸਹਾਇਤਾ ਕਰੇਗਾ ਤਾਂ ਜੋ ਉਨ੍ਹਾਂ ਨੂੰ ਬਿਹਤਰ ਸਹੂਲਤਾਂ ਦਿੱਤੀਆਂ ਜਾ ਸਕਣ। ਮਹੱਤਵਪੂਰਣ ਗੱਲ ਇਹ ਹੈ ਕਿ ਅਨਲੌਕ 4 ਦੇ ਦੌਰਾਨ, 12 ਸਤੰਬਰ ਤੋਂ ਸਾਰੀਆਂ ਲਾਈਨਾਂ ‘ਤੇ ਮੈਟਰੋ ਸੰਚਾਲਨ ਪੂਰੀ ਤਰ੍ਹਾਂ ਨਾਲ ਸ਼ੁਰੂ ਕੀਤੇ ਗਏ ਸਨ ਪਰ ਬੈਠਣ ਦੀ ਸਮਰੱਥਾ ਸੀਮਤ ਸੀ। ਹਾਲਾਂਕਿ, ਮੈਟਰੋ ਦੇ ਕੁੱਝ ਭਾਗਾਂ ਵਿੱਚ ਪੀਕ-ਘੰਟਿਆਂ ਦੌਰਾਨ, ਸੌ ਫ਼ੀਸਦੀ ਔਕਿਉਪੇਸੀ ਦੇਖੀ ਜਾਂਦੀ ਹੈ। ਇਸ ਤੋਂ ਬੱਚਣ ਲਈ, ਡੀਐਮਆਰਸੀ ਨੇ ਯਾਤਰੀਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ‘ਬ੍ਰੇਕ ਦ ਪੀਕ’ ਦੇ ਤਹਿਤ ਆਪਣੀ ਯਾਤਰਾ ਦੀ ਯੋਜਨਾ ਇਸ ਤਰ੍ਹਾਂ ਬਣਾਉਣ ਤਾਂ ਜੋ ਪੀਕ-ਆਵਰਸ ਦੌਰਾਨ ਭੀੜ ਤੋਂ ਬਚਿਆ ਜਾ ਸਕੇ।
