Govt issues guidelines for reopening theatres: ਨਵੀਂ ਦਿੱਲੀ: ਕੇਂਦਰ ਸਰਕਾਰ ਨੇ ਜਾਨਲੇਵਾ ਕੋਰੋਨਾ ਵਾਇਰਸ ਤੋਂ ਬਚਾਅ ਲਈ ਆਯੂਸ਼ ਸਟੈਂਡਰਡ ਟ੍ਰੀਟਮੈਂਟ ਪ੍ਰੋਟੋਕੋਲ ਜਾਰੀ ਕੀਤਾ ਗਿਆ ਹੈ। ਇਸਦੇ ਨਾਲ ਹੀ ਸਰਕਾਰ ਨੇ 15 ਅਕਤੂਬਰ ਤੋਂ ਸਿਨੇਮਾ, ਥੀਏਟਰ ਅਤੇ ਮਲਟੀਪਲੈਕਸਾਂ ਲਈ ਖੋਲ੍ਹਣ ਲਈ ਦਿਸ਼ਾ-ਨਿਰਦੇਸ਼ ਵੀ ਜਾਰੀ ਕੀਤੇ ਹਨ । ਕੇਂਦਰੀ ਸਿਹਤ ਮੰਤਰੀ ਡਾ: ਹਰਸ਼ ਵਰਧਨ ਨੇ ਆਯੁਸ਼ ਸਟੈਂਡਰਡ ਟ੍ਰੀਟਮੈਂਟ ਪ੍ਰੋਟੋਕੋਲ ਨੂੰ ਵੀਡੀਓ ਕਾਨਫਰੰਸਿੰਗ ਰਾਹੀਂ ਜਾਰੀ ਕੀਤਾ । ਹਰਸ਼ਵਰਧਨ ਨੇ ਆਯੂਸ਼ ਮੰਤਰਾਲੇ ਦੇ ਪ੍ਰੋਟੋਕੋਲ ਦੇ ਨਵੀਨੀਕਰਨ ਦੀ ਪ੍ਰਸ਼ੰਸਾ ਕੀਤੀ । ਦੱਸ ਦੇਈਏ ਕਿ ਆਯੂਸ਼ ਮੰਤਰਾਲੇ ਨੇ ਇਸ ਨੂੰ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ICMR) ਅਤੇ ਵਿਗਿਆਨਕ ਅਤੇ ਉਦਯੋਗਿਕ ਖੋਜ ਪ੍ਰੀਸ਼ਦ (CSIR) ਦੇ ਅਨੁਸਾਰ ਬਣਾਉਣ ਲਈ ਆਪਣਾ ਪ੍ਰੋਟੋਕੋਲ ਬਦਲਿਆ ਹੈ।
ਅਸ਼ਵਗੰਧਾ ਦੀ ਵਰਤੋਂ ਕਰਨ ਦੀ ਸਲਾਹ
ਸਰਕਾਰ ਨੇ ਕੋਵਿਡ-19 ‘ਤੇ ਨਿਯੰਤਰਣ ਕਰਨ ਲਈ ਆਯੁਰਵੈਦ ਅਤੇ ਯੋਗਾ ‘ਤੇ ਅਧਾਰਿਤ ਨੈਸ਼ਨਲ ਕਲੀਨਿਕਲ ਮੈਨੇਜਮੈਂਟ ਪ੍ਰੋਟੋਕੋਲ ਵਿੱਚ ਲੋਕਾਂ ਨੂੰ ਅਸ਼ਵਗੰਧਾ, ਗੁਡੂਚੀ, ਪਿਪਲੀ ਆਦਿ ਦੀ ਵਰਤੋਂ ਅਤੇ ਅਨੁ ਤੇਲ ਦੀ ਵਰਤੋਂ ਕਰਨ ਦੀ ਸਿਫਾਰਸ਼ ਕੀਤੀ ਹੈ । ਹਰਸ਼ਵਰਧਨ ਨੇ ਕਿਹਾ, ‘ਅਜੋਕੇ ਸਮੇਂ ਵਿੱਚ ਦਵਾਈ ਦੀ ਆਪਣੀ ਤਾਕਤ ਹੈ, ਪਰ ਆਯੁਰਵੈਦ ਦੇਸ਼ ਦਾ ਇੱਕ ਪ੍ਰਾਚੀਨ ਵਿਗਿਆਨ ਹੈ, ਸੰਭਵ ਤੌਰ ‘ਤੇ ਸਭ ਤੋਂ ਪੁਰਾਣਾ ਹੈ। ‘
ਸਿਨੇਮਾ ਘਰਾਂ ਲਈ ਨਿਯਮ ਜਾਰੀ
ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਪ੍ਰਕਾਸ਼ ਜਾਵਡੇਕਰ ਨੇ 15 ਅਕਤੂਬਰ ਤੋਂ ਖੁੱਲ੍ਹਣ ਵਾਲੇ ਸਿਨੇਮਾ, ਥੀਏਟਰ ਅਤੇ ਮਲਟੀਪਲੈਕਸਾਂ ਲਈ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ। ਸਿਨੇਮਾ ਹਾਲ ਹੇਠ ਲਿਖੀਆਂ ਇਨ੍ਹਾਂ SOP ਦੀ ਪਾਲਣਾ ਕਰਨਗੇ:
–ਥੀਏਟਰ 50 ਪ੍ਰਤੀਸ਼ਤ ਸਮਰੱਥਾ ਨਾਲ ਖੁੱਲ੍ਹਣਗੇ।
-ਸਮਾਜਿਕ ਦੂਰੀ ਦੇ ਨਿਯਮਾਂ ਦੀ ਪੂਰੀ ਤਰ੍ਹਾਂ ਕਰਨੀ ਹੋਵੇਗੀ ਪਾਲਣਾ।
-ਜਿਹੜੀਆਂ ਸੀਟਾਂ ‘ਤੇ ਲੋਕਾਂ ਨੂੰ ਬੈਠਣਾ ਹੈ, ਉੱਥੇ ‘ਬੈਠਣ ਦੀ ਮਨਾਹੀ’ ਸਾਫ ਤੌਰ’ ਤੇ ਲਿਖਿਆ ਹੋਣਾ ਚਾਹੀਦਾ ਹੈ।
-ਹੱਥ ਧੋਣ ਅਤੇ ਹੱਥ ਸੈਨੀਟਾਈਜ਼ ਦੀ ਵਿਵਸਥਾ ਜਰੂਰੀ।
-ਸਾਰਿਆਂ ਲਈ ਅਰੋਗਿਆ ਸੇਤੁ ਐਪ ਦੀ ਸਲਾਹ
-ਥਰਮਲ ਸਕ੍ਰੀਨਿੰਗ ਦੀ ਵਿਵਸਥਾ
