hathras gangrape case fake relatives: ਉੱਤਰ ਪ੍ਰਦੇਸ਼ ਵਿੱਚ ਹਾਥਰਸ ਸਮੂਹਿਕ ਜਬਰ ਜਨਾਹ ਦੇ ਮਾਮਲੇ ਵਿੱਚ ਜਾਂਚ ਚੱਲ ਰਹੀ ਹੈ। ਇਸ ਦੌਰਾਨ ਜਾਂਚ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਨਕਲੀ ਰਿਸ਼ਤੇਦਾਰ ਪੀੜਤ ਲੜਕੀ ਦੇ ਪਿੰਡ ਵਿੱਚ ਡੇਰਾ ਲਗਾ ਕੇ ਬੈਠੇ ਸਨ। ਆਪਣੇ ਆਪ ਨੂੰ ਰਿਸ਼ਤੇਦਾਰ ਦੱਸਣ ਵਾਲੀ ਇੱਕ ਔਰਤ ਦੀ ਸੱਚਾਈ ਸਾਹਮਣੇ ਆਈ ਹੈ। ਇੱਕ ਕਥਿਤ ਔਰਤ ਰਿਸ਼ਤੇਦਾਰ ਪੀੜਤ ਪਰਿਵਾਰ ਵਿੱਚ ਦੇਖੀ ਗਈ ਹੈ। ਪੁਲਿਸ ਦਾ ਦਾਅਵਾ ਹੈ ਕਿ ਉਹ ਪੀੜਤ ਪਰਿਵਾਰ ਨੂੰ ਗੁੰਮਰਾਹ ਕਰ ਰਹੀ ਸੀ। ਪੁਲਿਸ ਦੇ ਅਨੁਸਾਰ ਅਖੌਤੀ ਰਿਸ਼ਤੇਦਾਰ ਡਾ. ਰਾਜਕੁਮਾਰੀ ਪੀੜਤ ਪਰਿਵਾਰ ਨੂੰ ਗੁੰਮਰਾਹ ਕਰਦੀ ਦੇਖੀ ਗਈ ਹੈ। ਸਿਰਫ ਇੱਕ ਦਲਿਤ ਹੋਣ ਕਾਰਨ ਉਹ ਪਿੱਛਲੇ ਕਈ ਦਿਨਾਂ ਤੋਂ ਪੀੜਤ ਪਰਿਵਾਰ ਵਿੱਚ ਰਹਿ ਰਹੀ ਸੀ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਨੂੰ ਭਰੋਸੇ ਵਿੱਚ ਲੈ ਰਹੀ ਸੀ। ਔਰਤ ਆਪਣੇ ਆਪ ਨੂੰ ਜਬਲਪੁਰ ਮੈਡੀਕਲ ਕਾਲਜ ਵਿੱਚ ਪ੍ਰੋਫੈਸਰ ਦੱਸ ਰਹੀ ਸੀ। ਪੁਲਿਸ ਅਨੁਸਾਰ ਮੀਡੀਆ ਵਿੱਚ ਕੀ ਬਿਆਨ ਦੇਣਾ ਹੈ ਇਹ ਨਕਲੀ ਰਿਸ਼ਤੇਦਾਰ, ਪੀੜਤ ਪਰਿਵਾਰ ਨੂੰ ਨਿਰੰਤਰ ਉਸ ਲਈ ਅਗਵਾਈ ਦੇ ਰਹੀ ਸੀ। ਪੁਲਿਸ ਨੂੰ ਸ਼ੱਕ ਪੈਣ ‘ਤੇ ਇਹ ਔਰਤ ਘਰੋਂ ਖਿਸਕ ਗਈ। ਵੀਡੀਓ ਵਿੱਚ ਵੀ ਔਰਤ ਵੇਖੀ ਜਾ ਸਕਦੀ ਹੈ, ਜੋ ਕਥਿਤ ਤੌਰ ‘ਤੇ ਆਪਣਾ ਨਾਮ ਰਾਜਕੁਮਾਰੀ ਦੱਸ ਰਹੀ ਸੀ।
ਹਾਲਾਂਕਿ, ਮਾਮਲੇ ਦੀ ਜਾਂਚ ਕਰ ਰਹੀ ਐਸਆਈਟੀ ਟੀਮ ਨੇ ਸ਼ੁੱਕਰਵਾਰ ਨੂੰ ਮੁਲਜ਼ਮ ਦੇ ਪਰਿਵਾਰ ਨੂੰ ਉਨ੍ਹਾਂ ਤੋਂ ਪੁੱਛਗਿੱਛ ਲਈ ਬੁਲਾਇਆ ਸੀ। ਐਸਆਈਟੀ ਵੱਲੋਂ ਦੋ ਮੁਲਜ਼ਮਾਂ ਦੇ ਪਰਿਵਾਰ ਵਾਲਿਆਂ ਤੋਂ ਪੁੱਛਗਿੱਛ ਕੀਤੀ ਗਈ ਸੀ। ਇਸ ਦੇ ਨਾਲ ਹੀ ਜਾਂਚ ਟੀਮ ਨੇ ਪੀੜਤ ਪਰਿਵਾਰ ਦੇ ਗੁਆਂਢੀਆਂ ਨੂੰ ਵੀ ਪੁੱਛਗਿੱਛ ਲਈ ਬੁਲਾਇਆ ਹੈ। ਸੂਤਰਾਂ ਨੇ ਦੱਸਿਆ ਕਿ ਐਸਆਈਟੀ 40 ਲੋਕਾਂ ਤੋਂ ਪੁੱਛਗਿੱਛ ਕਰੇਗੀ। ਇਸ ਵਿੱਚ ਉਹ ਲੋਕ ਸ਼ਾਮਿਲ ਹਨ ਜੋ ਘਟਨਾ ਵਾਲੇ ਦਿਨ ਖੇਤ ਦੇ ਆਸ ਪਾਸ ਸਨ। ਨਾਲ ਹੀ, ਐਸਆਈਟੀ ਨੇ ਸਵਾਲ ਕੀਤਾ ਹੈ ਕਿ ਪੀੜਤਾ ਦੇ ਅੰਤਿਮ ਸੰਸਕਾਰ ਵਾਲੇ ਦਿਨ ਪਿੰਡ ਦਾ ਕੌਣ-ਕੌਣ ਉਸ ਜਗ੍ਹਾ ‘ਤੇ ਮੌਜੂਦ ਸੀ ਜਾਂ ਦੂਰੋਂ ਦੇਖ ਰਿਹਾ ਸੀ। ਐਸਆਈਟੀ ਦੀ ਟੀਮ ਲਗਾਤਾਰ ਪਿੰਡ ਵਾਸੀਆਂ ਨੂੰ ਪੁੱਛਗਿੱਛ ਲਈ ਪੁਲਿਸ ਲਾਈਨ ਵਿੱਚ ਬੁਲਾ ਰਹੀ ਹੈ।
