ਮੇਰਠ ਦੀ ਹਸਤੀਨਾਪੁਰ ਸੀਟ ਤੋਂ ਕਾਂਗਰਸ ਉਮੀਦਵਾਰ ਅਰਚਨਾ ਗੌਤਮ ਪਿਛਲੇ ਕੁੱਝ ਦਿਨਾਂ ਤੋਂ ਸੁਰਖੀਆਂ ‘ਚ ਹੈ। ਉਹ ਕਾਂਗਰਸ ਦੀ ਉਮੀਦਵਾਰ ਹੈ ਪਰ ਕੰਮ ਦੀ ਬਜਾਏ ਅਰਚਨਾ ਆਪਣੇ ਪਿਛਲੇ ਕੰਮਾਂ ਦੀ ਪਹਿਚਾਣ ਨਾਲ ਅੱਗੇ ਵੱਧ ਰਹੀ ਹੈ। ਅਰਚਨਾ ਨੂੰ ਬਿਕਨੀ ਗਰਲ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ।
ਹਰ ਰੋਜ਼ ਉਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਇਸ ਮਾਮਲੇ ‘ਤੇ ਅਰਚਨਾ ਨੂੰ ਇੱਕ ਇੰਟਰਵਿਊ ਦੌਰਾਨ ਪੁੱਛਿਆ ਗਿਆ ਕਿ ਕੀ ਇਸ ਤਰ੍ਹਾਂ ਉਨ੍ਹਾਂ ਦਾ ਵਾਇਰਲ ਹੋਣਾ ਪਾਰਟੀ ਅਤੇ ਉਨ੍ਹਾਂ ਲਈ ਫਾਇਦੇਮੰਦ ਹੈ ਜਾਂ ਨੁਕਸਾਨਦਾਇਕ ? ਤਾਂ ਅਰਚਨਾ ਨੇ ਜਵਾਬ ਦਿੰਦਿਆਂ ਕਿਹਾ ਕਿ ਜਦੋਂ ਮੈਂ ਰਾਜਨੀਤੀ ਵਿੱਚ ਆਈ ਤਾਂ ਮੈਨੂੰ ਨਹੀਂ ਪਤਾ ਸੀ ਕਿ ਮੇਰਾ ਪਿਛਲਾ ਕੰਮ ਇੰਨਾ ਵੱਡਾ ਮੁੱਦਾ ਬਣ ਜਾਵੇਗਾ। ਹੁਣ ਜਦੋਂ ਇਹ ਮੁੱਦਾ ਬਣਾਇਆ ਗਿਆ ਹੈ, ਮੈਂ ਸਮਾਜ ਦੇ ਮੌਜੂਦਾ ਵਿਚਾਰ ਪ੍ਰਤੀਕਰਮ ਨੂੰ ਦੇਖ ਰਹੀ ਹਾਂ। ਜੇ ਮੇਰੇ ਮਾਮਲੇ ਵਿੱਚ ਇਹ ਇੱਕ ਵੱਡਾ ਮੁੱਦਾ ਹੈ, ਤਾਂ ਸਮਾਜ ਉਨ੍ਹਾਂ ਔਰਤਾਂ ਨੂੰ ਇਜਾਜ਼ਤ ਨਹੀਂ ਦੇਵੇਗਾ ਜੋ ਛੋਟੇ ਕੱਪੜੇ ਪਾਉਂਦੀਆਂ ਹਨ, ਸ਼ਾਇਦ ਇੱਕ ਪੇਂਡੂ ਕੁੜੀ ਜੋ ਛੋਟੇ ਕੱਪੜੇ ਜਾਂ ਕੈਪਰੀਸ, ਜਾਂ ਜੀਨਸ ਪਾਉਣਾ ਚਾਹੁੰਦੀ ਹੈ। ਜੇਕਰ ਮੇਰੇ ਨਾਲ ਅਜਿਹਾ ਹੋ ਰਿਹਾ ਹੈ ਤਾਂ ਦੂਜੀਆਂ ਔਰਤਾਂ ਨਾਲ ਵੀ ਅਜਿਹਾ ਹੋ ਸਕਦਾ ਹੈ। ਮੈਂ ਜਾਣਨਾ ਚਾਹੁੰਦੀ ਹਾਂ ਕਿ ਇੱਕ ਪਾਸੇ ਜਦੋਂ ਭਾਰਤ ਨੇ ਬਹੁਤ ਤਰੱਕੀ ਕੀਤੀ ਹੈ, ਭਾਰਤੀ ਅੱਗੇ ਵਧ ਗਏ ਹਨ ਤਾਂ ਫਿਰ ਲੋਕਾਂ ਦੀ ਸੋਚ ਕਿਉਂ ਨਹੀਂ ਅੱਗੇ ਵੱਧ ਰਹੀ ?
ਇਹ ਵੀ ਪੜ੍ਹੋ : NDRF ਦਾ ਟਵਿਟਰ ਅਕਾਊਂਟ ਹੋਇਆ ਹੈਕ, ਬਹਾਲੀ ਦੀਆਂ ਕੋਸ਼ਿਸ਼ਾਂ ਜਾਰੀ
ਤੁਹਾਨੂੰ ਬਿਕਨੀ ਗਰਲ ਕਿਹਾ ਜਾ ਰਿਹਾ ਹੈ, ਤੁਸੀਂ ਇਸ ਨੂੰ ਕਿਵੇਂ ਦੇਖਦੇ ਹੋ? ਇਸ ਸਵਾਲ ਦੇ ਜਵਾਬ ‘ਚ ਅਰਚਨਾ ਨੇ ਕਿਹਾ ਕਿ – ਮੈਂ ਬਿਕਨੀ ਗਰਲ ਨਹੀਂ ਸੀ, ਮੈਨੂੰ ਬਣਾ ਦਿੱਤਾ ਗਿਆ ਅਤੇ ਨਾਮ ਮੇਰੇ ਨਾਲ ਜੁੜ ਗਿਆ ਜੋ ਕਿ ਗਲਤ ਹੈ ਕਿਉਂਕਿ ਤੁਸੀਂ ਕਿਸੇ ਲੜਕੀ ਦੇ ਕਿਰਦਾਰ ਨੂੰ ਉਸ ਦੇ ਨਾਮ ਨਾਲ ਨਹੀਂ ਜੋੜ ਸਕਦੇ। ਖਾਸ ਕਰਕੇ ਉਹ ਨਾਮ ਜੋ ਤੁਸੀਂ ਦਿੱਤਾ ਹੈ। ਇਹ ਗਲਤ ਹੈ ਅਤੇ ਅਜਿਹਾ ਨਹੀਂ ਹੋਣਾ ਚਾਹੀਦਾ ਸੀ। ਉਦਾਹਰਣ ਵਜੋਂ ਮੈਂ 2018 ਵਿੱਚ ਮਿਸ ਬਿਕਨੀ ਇੰਡੀਆ ਅਤੇ 2014 ਵਿੱਚ ਮਿਸ ਯੂਪੀ ਬਣੀ ਅਤੇ 2018 ਮਿਸ ਕੋਸਮੋ ਵਰਲਡ ਸੀ ਇਸ ਲਈ ਮੈਂ ਕੁੱਝ ਵਾਧੂ ਨਹੀਂ ਕੀਤਾ। ਮੈਂ ਉਹੀ ਕੀਤਾ ਹੈ ਜੋ ਦੂਜਿਆਂ ਨੇ ਕੀਤਾ ਹੈ, ਇਸ ਲਈ ਉਸ ਚੀਜ਼ ਨੇ ਮੈਨੂੰ ਬਿਕਨੀ ਗਰਲ ਦਾ ਟੈਗ ਦਿੱਤਾ ਜੋ ਗਲਤ ਹੈ ਅਤੇ ਅਜਿਹਾ ਨਹੀਂ ਹੋਣਾ ਚਾਹੀਦਾ ਸੀ। ਮੇਰਾ ਨਾਮ ਅਰਚਨਾ ਗੌਤਮ ਹੈ ਇਸ ਲਈ ਮੈਨੂੰ ਇਸ ਨਾਮ ਨਾਲ ਬੁਲਾਓ।
ਵੀਡੀਓ ਲਈ ਕਲਿੱਕ ਕਰੋ -:
“ਕੀ ਭਗਵੰਤ ਮਾਨ AAP ਦੀ ਬੇੜੀ ਲਾ ਸਕਣਗੇ ਪਾਰ ? ਭਗਵੰਤ ਮਾਨ ‘ਤੇ ਆਪ ਨੇ ਕਿਉਂ ਖੇਡਿਆ ਦਾਅ ? ਕੀ ਹੋਵੇਗਾ ਆਮ ਆਦਮੀ ਪਾਰਟੀ ਨੂੰ ਫਾਇਦਾ ? “
