Kejriwal at kisan mahapanchayat: ਖੇਤੀ ਕਾਨੂੰਨਾਂ ਵਿਰੁੱਧ ਕਿਸਾਨਾਂ ਦਾ ਅੰਦੋਲਨ ਪਿਛਲੇ ਤਿੰਨ ਮਹੀਨਿਆਂ ਤੋਂ ਚੱਲ ਰਿਹਾ ਹੈ। ਕਿਸਾਨਾਂ ਨਾਲ ਏਕਤਾ ਦਿਖਾਉਣ ਲਈ, ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਐਤਵਾਰ ਨੂੰ ਉੱਤਰ ਪ੍ਰਦੇਸ਼ ਦੇ ਮੇਰਠ ਵਿੱਚ ਕਿਸਾਨ ਮਹਾਂਪੰਚਾਇਤ ਵਿੱਚ ਹਿੱਸਾ ਲਿਆ। ਉਨ੍ਹਾਂ ਕਿਸਾਨਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਮੇਰੇ ਦੇਸ਼ ਦਾ ਕਿਸਾਨ ਬਹੁਤ ਦੁਖੀ ਹੈ। 95 ਦਿਨਾਂ ਤੋਂ, ਸਾਡੇ ਕਿਸਾਨੀ ਭਰਾ ਆਪਣੇ ਛੋਟੇ ਬੱਚਿਆਂ ਦੇ ਨਾਲ ਧਰਨੇ ਤੇ ਬੈਠੇ ਹੋਏ ਹਨ। 250 ਤੋਂ ਵੱਧ ਕਿਸਾਨ ਭਰਾ ਸ਼ਹੀਦ ਹੋ ਚੁੱਕੇ ਹਨ, ਪਰ ਕੇਂਦਰ ਸਰਕਾਰ ਨੂੰ ਕੋਈ ਫ਼ਰਕ ਨਹੀਂ ਪੈ ਰਿਹਾ। ਪਿਛਲੇ 70 ਸਾਲਾਂ ਵਿਚ, ਕਿਸਾਨਾਂ ਨਾਲ ਸਿਰਫ ਧੋਖਾ ਹੀ ਹੋਇਆ ਹੈ।
ਉਨ੍ਹਾਂ ਕਿਹਾ ਕਿ “ਸਾਰੀਆਂ ਪਾਰਟੀਆਂ ਵੱਲੋਂ ਕਿਸਾਨਾਂ ਨਾਲ ਧੋਖਾ ਕੀਤਾ ਗਿਆ ਹੈ। ਕਿਸਾਨ ਆਪਣੀ ਫਸਲ ਦਾ ਸਹੀ ਮੁੱਲ ਮੰਗ ਰਿਹਾ ਹੈ। ਹਰ ਪਾਰਟੀ ਦਾ ਘੋਸ਼ਣਾ ਪੱਤਰ ਚੋਣਾਂ ਤੋਂ ਪਹਿਲਾਂ ਕਹਿੰਦਾ ਹੈ ਕਿ ਅਸੀਂ ਫਸਲਾਂ ਦਾ ਸਹੀ ਮੁੱਲ ਦੇਵਾਂਗੇ, ਸਾਰੀਆਂ ਪਾਰਟੀਆਂ ਦਾ ਕਹਿਣਾ ਹੈ ਕਿ ਉਹ ਤੁਹਾਡਾ ਕਰਜ਼ਾ ਮੁਆਫ ਕਰ ਦੇਣਗੀਆਂ। ਪਿਛਲੇ 25 ਸਾਲਾਂ ਵਿਚ 3.5 ਲੱਖ ਕਿਸਾਨਾਂ ਨੇ ਖੁਦਕੁਸ਼ੀ ਕੀਤੀ ਹੈ। ਕੋਈ ਵੀ ਪਾਰਟੀ ਉਨ੍ਹਾਂ ਦੀ ਪਰਵਾਹ ਨਹੀਂ ਕਰਦੀ। ਸਰਕਾਰ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਕੇਜਰੀਵਾਲ ਨੇ ਕਿਹਾ ਕਿ “ਕਿਸਾਨਾਂ’ ਤੇ ਡਾਂਗਾਂ ਮਾਰੀਆਂ ਜਾ ਰਹੀਆਂ ਹਨ। ਕਿਲਾ ਲਗਾਇਆ ਜਾ ਰਹੀਆਂ ਹਨ। ਅੰਗਰੇਜਾਂ ਨੇ ਵੀ ਇਸ ਤਰ੍ਹਾਂ ਨਹੀਂ ਕੀਤਾ। ਲਾਲ ਕਿਲ੍ਹੇ ਦਾ ਸਾਰਾ ਘੁਟਾਲਾ ਇਨ੍ਹਾਂ ਨੇ ਹੀ ਕਵਾਇਆ। ਮੈਂ ਦਿੱਲੀ ਦਾ ਮੁੱਖ ਮੰਤਰੀ ਹਾਂ। ਸਾਰਿਆਂ ਨੇ ਮੈਨੂੰ ਦੱਸਿਆ ਕਿ ਪੁਲਿਸ ਨੇ ਉਨ੍ਹਾਂ ਨੂੰ ਲਾਲ ਕਿਲ੍ਹੇ ਦਾ ਰਸਤਾ ਦੱਸਿਆ।ਝੰਡਾ ਲਹਿਰਾਉਣ ਵਾਲੇ ਉਨ੍ਹਾਂ ਦੀ ਪਾਰਟੀ ਨਾਲ ਸਬੰਧਤ ਹਨ।”
ਕੇਜਰੀਵਾਲ ਨੇ ਕਿਹਾ ਕਿ “ਸਾਡਾ ਕਿਸਾਨ ਗੱਦਾਰ ਨਹੀਂ ਹੋ ਸਕਦਾ। ਇਕ ਬੇਟਾ ਕਿਸਾਨ ਹੈ ਅਤੇ ਇਕ ਬੇਟਾ ਜਵਾਨ ਹੈ। ਜਦੋਂ ਸੈਨਾ ਦਾ ਜਵਾਨ ਬਾਰਡਰ ‘ਤੇ ਦੇਖਦਾ ਹੈ ਕਿ ਭਾਜਪਾ ਉਸ ਦੇ ਭਰਾ ਨੂੰ ਅੱਤਵਾਦੀ ਕਹਿੰਦੀ ਹੈ, ਤਾਂ ਉਹ ਜ਼ਰੂਰ ਦੁੱਖੀ ਹੁੰਦਾ ਹੋਵੇਗਾ। ਦਿੱਲੀ ਦੇ ਮੁੱਖ ਮੰਤਰੀ ਨੇ ਕਿਹਾ ਕਿ ਇਹ ਤਿੰਨੋਂ ਕਾਨੂੰਨ ਡੈੱਥ ਵਾਰੰਟ ਹਨ। ਸਾਰੀ ਖੇਤੀ ਪੂੰਜੀਪਤੀਆਂ ਕੋਲ ਜਾਵੇਗੀ। ਕਿਸਾਨ ਮਾਲਕ ਤੋਂ ਮਜ਼ਦੂਰ ਬਣ ਜਾਵੇਗਾ। ਇਹ ਕਰਨ ਜਾਂ ਮਰਨ ਦੀ ਲੜਾਈ ਹੈ। ਭਾਜਪਾ ਨੇ ਆਪਣੇ ਚੋਣ ਮਨੋਰਥ ਪੱਤਰ ਵਿਚ ਕਿਹਾ ਸੀ ਕਿ ਉਹ ਸਵਾਮੀਨਾਥਨ ਕਮੇਟੀ ਦੀ ਰਿਪੋਰਟ ਨੂੰ ਲਾਗੂ ਕਰਨਗੇ। ਕਿਸਾਨ ਭੋਲੇ ਭਾਲੇ ਹਨ। ਕਿਸਾਨਾਂ ਨੇ ਉਨ੍ਹਾਂ ਨੂੰ ਵੋਟ ਦਿੱਤੀ। ਸੁਪਰੀਮ ਕੋਰਟ ਵਿੱਚ,ਇਨ੍ਹਾਂ ਨੇ ਇੱਕ ਹਲਫਨਾਮੇ ਵਿੱਚ ਲਿਖਿਆ ਕਿ ਘੱਟੋ ਘੱਟ ਸਮਰਥਨ ਮੁੱਲ (ਐਮਐਸਪੀ) ਨਹੀਂ ਦਿੱਤਾ ਜਾ ਸਕਦਾ। ਇਹ ਤੇ ਕਿਸਾਨਾਂ ਨਾਲ ਧੋਖਾ ਹੋ ਗਿਆ।”
ਇਹ ਵੀ ਦੇਖੋ: ਮੋਰਚੇ ਦੀ ਸਟੇਜ ਤੋਂ ਜਗਜੀਤ ਡੱਲੇਵਾਲ LIVE, ਕੋਰੋਨਾ ਦੇ ਨਾਮ ‘ਤੇ ਵੱਡੀਆਂ ਸਾਜਿਸ਼ਾਂ ਦੇ ਖੋਲ੍ਹੇ ਭੇਦ !
