Locust Swarms From Somalia: ਭਾਰਤ ਵਿੱਚ ਟਿੱਡੀਆਂ ਦਾ ਹਮਲਾ ਅਜੇ ਭਾਰਤ ਵਿਚ ਖਤਮ ਨਹੀਂ ਹੋਇਆ ਹੈ। ਸੰਯੁਕਤ ਰਾਸ਼ਟਰ ਦੀ ਇੱਕ ਪ੍ਰਮੁੱਖ ਏਜੰਸੀ ਨੇ ਚੇਤਾਵਨੀ ਦਿੱਤੀ ਹੈ ਕਿ ਅਗਲੇ ਦੋ ਹਫਤਿਆਂ ਵਿੱਚ ਭਾਰਤ ਵਿੱਚ ਫਿਰ ਤੋਂ ਇੱਕ ਵੱਡਾ ਟਿੱਡੀ ਹਮਲਾ ਹੋ ਸਕਦਾ ਹੈ । ਟਿੱਡੀਆਂ ਦਾ ਇਹ ਹਮਲਾਵਰ ਦਲ ਭਾਰਤ ਦੇ ਪੱਛਮੀ ਸਿਰੇ ਤੋਂ ਲਗਭਗ 4 ਹਜ਼ਾਰ ਕਿਲੋਮੀਟਰ ਦੂਰ ਤੋਂ ਆ ਰਿਹਾ ਹੈ। ਇਹ ਅਜਿਹੇ ਦੇਸ਼ ਤੋਂ ਆ ਰਿਹਾ ਹੈ ਜਿੱਥੇ ਸਮੁੰਦਰੀ ਡਾਕੂ ਦੁਨੀਆ ਭਰ ਵਿੱਚ ਬਦਨਾਮ ਹਨ। ਸੰਯੁਕਤ ਰਾਸ਼ਟਰ ਦੀ ਏਜੇਂਸੀ ਫ਼ੂਡ ਐਂਡ ਐਗਰੀਕਲਚਰ ਆਰਗੇਨਾਈਜ਼ੇਸ਼ਨ (FAO) ਨੇ ਚੇਤਾਵਨੀ ਦਿੱਤੀ ਹੈ ਕਿ ਅਫਰੀਕੀ ਦੇਸ਼ ਸੋਮਾਲੀਆ ਤੋਂ ਟਿੱਡੀਆਂ ਦਾ ਇੱਕ ਵੱਡਾ ਸਮੂਹ ਉੱਤਰ-ਪੂਰਬ ਵੱਲ ਚਲਾ ਗਿਆ ਹੈ । ਇਹ ਦਲ ਦੋ ਹਫਤਿਆਂ ਵਿੱਚ ਭਾਰਤ ਅਤੇ ਪਾਕਿਸਤਾਨ ਦੀ ਸਰਹੱਦ ‘ਤੇ ਅਪਹੁੰਚ ਜਾਵੇਗਾ ।
ਇਹ ਭਾਰਤ ਅਤੇ ਪਾਕਿਸਤਾਨ ਸਰਹੱਦ ਦੇ ਦੋਵੇਂ ਪਾਸੇ ਆਪਣੇ ਪ੍ਰਜਨਣ ਕੇਂਦਰ ਸਥਾਪਤ ਕਰਨਗੇ । ਇੱਥੇ ਪ੍ਰਜਨਨ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਉਹ ਅਗਲੀ ਜਗ੍ਹਾ ਚਲੇ ਜਾਣਗੇ। ਪਰ ਇਸ ਦੌਰਾਨ ਇਹ ਜਿਸ ਖੇਤਰ ਵਿੱਚ ਰਹਿਣਗੇ, ਉਸ ਇਲਾਕੇ ਵਿੱਚ ਫਸਲਾਂ ਬਰਬਾਦ ਹੋ ਜਾਣਗੀਆਂ। FAO ਨੇ ਕਿਹਾ ਹੈ ਕਿ ਪਾਕਿਸਤਾਨ ਦੀ ਸਥਿਤੀ ਤਾਂ ਹੋਰ ਬੁਰੀ ਹੋਣ ਵਾਲੀ ਹੈ। ਕਿਉਂਕਿ ਇਸ ਸਮੇਂ ਪਾਕਿਸਤਾਨ ਵਿੱਚ ਥਰਪਕੇ ਅਤੇ ਚੋਲੀਸਤਾਨ ਦੇ ਮਾਰੂਥਲ ਵਿੱਚ ਮੀਂਹ ਪੈ ਰਿਹਾ ਹੈ । ਇਸ ਇਲਾਕੇ ਵਿੱਚ ਟਿੱਡੀਆਂ ਦਾ ਦਲ ਪ੍ਰਜਨਣ ਕਰੇਗਾ।
ਜਿੱਥੋਂ ਤੱਕ ਭਾਰਤ ਦਾ ਸਵਾਲ ਹੈ, FAO ਅਨੁਸਾਰ ਸੋਮਾਲੀਆ ਤੋਂ ਆ ਰਹੇ ਟਿੱਡੀਆਂ ਦਾ ਇਹ ਸਮੂਹ ਰਾਜਸਥਾਨ ਅਤੇ ਇਸ ਦੀਆਂ ਸਰਹੱਦਾਂ ਨਾਲ ਲੱਗਦੇ ਇਲਾਕਿਆਂ ਵਿੱਚ ਹਮਲਾ ਕਰ ਸਕਦਾ ਹੈ। ਜੇ ਸ਼ੁਰੂਆਤੀ ਤਿਆਰੀਆਂ ਕੀਤੀ ਜਾਵੇ ਤਾਂ ਫਸਲਾਂ ਨੂੰ ਬਚਾਇਆ ਜਾ ਸਕਦਾ ਹੈ। ਪਿਛਲੀ ਵਾਰ FAO ਨੇ ਜਦੋਂ ਚੇਤਾਵਨੀ ਦਿੱਤੀ ਸੀ, ਤਾਂ ਉਸ ਤੋਂ ਬਾਅਦ ਭਾਰਤ ਅਤੇ ਪਾਕਿਸਤਾਨ ‘ਤੇ ਟਿੱਡੀਆਂ ਦੇ ਹਮਲੇ ਵਿੱਚ ਬਹੁਤ ਸਾਰੀ ਬਰਬਾਦੀ ਹੋਈ ਸੀ। ਟਿੱਡੀਆਂ ਦਾ ਦਲ ਪੂਰਬ ਤੋਂ ਉੱਤਰ ਵੱਲ ਗਿਆ ਸੀ। ਹੁਣ ਮੌਨਸੂਨ ਆਉਣ ਕਾਰਨ ਉਸ ਦੇ ਵਾਪਸ ਆਉਣ ਦੀ ਸੰਭਾਵਨਾ ਹੈ।
ਵਿਸ਼ਵ ਮੌਸਮ ਵਿਭਾਗ (WMO) ਨੇ ਕਿਹਾ ਕਿ ਚੱਕਰਵਾਤੀ ਤੂਫਾਨ, ਮੌਨਸੂਨ, ਤੇਜ਼ ਹਵਾਵਾਂ ਦੇ ਕਾਰਨ ਟਿੱਡੀ ਸਮੂਹਾਂ ਦੀ ਅੰਤਰ-ਮਹਾਂਦੀਪੀ ਆਵਾਜਾਈ ਵੱਧ ਗਈ ਹੈ। ਪੂਰਬੀ ਅਫਰੀਕਾ ਤੋਂ ਲੈ ਕੇ ਭਾਰਤ ਅਤੇ ਪਾਕਿਸਤਾਨ ਤੱਕ ਇਨ੍ਹਾਂ ਦਾ ਹਮਲਾ ਹੁੰਦਾ ਰਹਿੰਦਾ ਹੈ । ਇਸ ਸਾਲ ਭਾਰਤ ਵਿੱਚ ਸਭ ਤੋਂ ਬੁਰਾ ਟਿੱਡੀਆਂ ਦਾ ਹਮਲਾ ਹੋਇਆ । ਇਸ ਹਮਲੇ ਵਿੱਚ ਰਾਜਸਥਾਨ, ਮੱਧ ਪ੍ਰਦੇਸ਼, ਗੁਜਰਾਤ, ਉੱਤਰ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਦੇ ਲਗਭਗ 24 ਜ਼ਿਲ੍ਹੇ ਪ੍ਰਭਾਵਿਤ ਹੋਏ ।
