Maharashtra Hair salons Reopen: ਭਾਰਤ ਵਿੱਚ ਜਦੋਂ ਕੋਰੋਨਾ ਵਾਇਰਸ ਦਾ ਪ੍ਰਕੋਪ ਸ਼ੁਰੂ ਹੋਇਆ ਤਾਂ ਮਹਾਂਰਾਸ਼ਟਰ ਵਿੱਚ ਮੁੰਬਈ ਇਸਦਾ ਕੇਂਦਰ ਬਣ ਕੇ ਉਭਰਿਆ । ਇੱਥੇ ਸਭ ਤੋਂ ਵੱਧ ਮਾਮਲੇ ਅਤੇ ਸਭ ਤੋਂ ਵੱਧ ਮੌਤਾਂ ਦਰਜ ਕੀਤੀਆਂ ਗਈਆਂ । ਪਰ ਪਿਛਲੇ ਕੁਝ ਦਿਨਾਂ ਤੋਂ ਮੁੰਬਈ ਦੀ ਤਸਵੀਰ ਕੁਝ ਬਦਲਣ ਲੱਗੀ ਹੈ ।ਜਿਸ ਕਾਰਨ ਹੁਣ ਮਹਾਂਰਾਸ਼ਟਰ ਵਿੱਚ ਐਤਵਾਰ ਯਾਨੀ ਕਿ ਅੱਜ ਤੋਂ ਨਾਈ ਦੀ ਦੁਕਾਨ, ਸਪਾ, ਸੈਲੂਨ ਅਤੇ ਬਿਊਟੀ ਪਾਰਲਰ ਖੁੱਲ੍ਹ ਜਾਣਗੇ। ਰਾਜ ਸਰਕਾਰ ਨੇ ਇਨ੍ਹਾਂ ਦੁਕਾਨਾਂ ਨੂੰ ਕੁਝ ਦਿਸ਼ਾ ਨਿਰਦੇਸ਼ਾਂ ਨਾਲ ਖੋਲ੍ਹਣ ਦੀ ਆਗਿਆ ਦੇ ਦਿੱਤੀ ਹੈ।
ਦੁਕਾਨਾਂ ਨੂੰ ਪਹਿਲਾਂ ਤੋਂ ਨਿਰਧਾਰਤ ਨਿਯੁਕਤੀਆਂ ਦੇ ਆਧਾਰ ‘ਤੇ ਚਲਾਉਣ ਦੀ ਆਗਿਆ ਹੋਵੇਗੀ। ਸੈਲੂਨ ਅਤੇ ਨਾਈ ਦੀਆਂ ਦੁਕਾਨਾਂ ਵਿੱਚ ਸਰਕਾਰ ਵੱਲੋਂ ਨਿਰਧਾਰਤ ਕੀਤੀ ਗਈ ਸਾਵਧਾਨੀ ਨਾਲ ਵਾਲ ਕੱਟਣ, ਵਾਲ ਰੰਗਣ, ਵੈਕਸਿੰਗ, ਥ੍ਰੈਡਿੰਗ ਦੀ ਆਗਿਆ ਹੈ। ਜਦੋਂ ਕਿ ਦੁਕਾਨ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਨੂੰ ਇਹ ਸੇਵਾਵਾਂ ਪ੍ਰਦਾਨ ਕਰਦੇ ਸਮੇਂ ਦਸਤਾਨੇ, ਐਪਰਨ ਅਤੇ ਮਾਸਕ ਪਾਉਣੇ ਪੈਣਗੇ। ਇਸ ਤੋਂ ਇਲਾਵਾ ਹਰ ਸਰਵਿਸ ਤੋਂ ਬਾਅਦ ਕੁਰਸੀਆਂ ਨੂੰ ਸੈਨੀਟਾਈਜ਼ ਕਰਨਾ ਪਵੇਗਾ। ਦੁਕਾਨਦਾਰਾਂ ਨੂੰ ਗਾਹਕਾਂ ਲਈ ਤੌਲੀਏ ਜਾਂ ਨੈਪਕਿਨ ਦਾ ਪ੍ਰਬੰਧ ਕਰਨਾ ਪਵੇਗਾ। ਇਸਦੇ ਨਾਲ ਹੀ ਦੁਕਾਨ ਦੇ ਫਰਸ਼ ਨੂੰ ਹਰ ਦੋ ਘੰਟਿਆਂ ਬਾਅਦ ਸਾਫ਼ ਕਰਨਾ ਪਵੇਗਾ।
ਇਸ ਸਬੰਧੀ ਮਹਾਂਰਾਸ਼ਟਰ ਦੇ ਨਾਈ ਮਹਾਂਮੰਡਲ ਦੇ ਪ੍ਰਧਾਨ ਦੱਤਾ ਅਨਾਰਸੇ ਨੇ ਕਿਹਾ, “ਅਸੀਂ ਨਿਗਰਾਨੀ ਦੇ ਨਾਲ-ਨਾਲ ਦੁਕਾਨ ‘ਤੇ ਆਉਣ ਵਾਲੇ ਗਾਹਕਾਂ ਦਾ ਵੇਰਵਾ ਲੈਣ ਵਰਗੀਆਂ ਵਧੇਰੇ ਸਾਵਧਾਨੀਵਾਂ ਰੱਖਾਂਗੇ । ਦੱਤਾ ਅਨਾਰਸੇ ਨੇ ਕਿਹਾ, “ਅਸੀਂ ਇਸ ਸਮੇਂ ਚਮੜੀ ਨਾਲ ਸਬੰਧਤ ਸੇਵਾਵਾਂ ਦੀ ਪੇਸ਼ਕਸ਼ ਨਹੀਂ ਕਰਾਂਗੇ, ਸੈਲੂਨ ਵਿੱਚ ਇਸ ਦੀ ਆਗਿਆ ਨਹੀਂ ਦਿੱਤੀ ਜਾਏਗੀ, ਤਾਂ ਜੋ ਗਾਹਕ ਅਤੇ ਦੁਕਾਨ ਵਿੱਚ ਕੋਈ ਸਰੀਰਕ ਸੰਪਰਕ ਨਾ ਹੋਵੇ.” ਅਸੀਂ ਇਨ੍ਹਾਂ ਦਿਸ਼ਾ-ਨਿਰਦੇਸ਼ਾਂ ਨੂੰ ਦੁਕਾਨਾਂ ‘ਤੇ ਲਾਗੂ ਕਰਾਂਗੇ।’
