PM Modi Bihar Chunav Rally: ਬਿਹਾਰ ਦੇ ਛਪਰਾ ਵਿੱਚ ਚੋਣ ਮੀਟਿੰਗ ਨੂੰ ਸੰਬੋਧਿਤ ਕਰਦਿਆਂ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨੇ ਬਿਹਾਰ ਦੇ ਮਹਾਂਉਤਸਵ ਛੱਠ ਬਾਰੇ ਵਿਚਾਰ ਵਟਾਂਦਰੇ ਕੀਤੇ। ਪ੍ਰਧਾਨ ਮੰਤਰੀ ਮੋਦੀ ਨੇ ਔਰਤਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਮਾਂ ਤੁਹਾਡਾ ਬੇਟਾ ਦਿੱਲੀ ਬੈਠਾ ਹੈ, ਤੁਸੀ ਛੱਠ ਦੀ ਤਿਆਰੀ ਕਰੋ । ਪੀਐਮ ਨੇ ਕਿਹਾ ਕਿ ਅੱਜ ਦੁਨੀਆ ਵਿੱਚ ਕੋਈ ਵੀ ਅਜਿਹਾ ਨਹੀਂ ਹੈ ਜਿਸ ਨੂੰ ਕੋਰੋਨਾ ਨੇ ਪ੍ਰਭਾਵਿਤ ਨਾ ਕੀਤਾ ਹੋਵੇ, ਜਿਸ ਨੂੰ ਇਸ ਮਹਾਂਮਾਰੀ ਨੇ ਨੁਕਸਾਨ ਨਾ ਪਹੁੰਚਾਇਆ ਹੋਵੇ । ਪੀਐਮ ਮੋਦੀ ਨੇ ਕਿਹਾ ਕਿ ਕੋਰੋਨਾ ਸੰਕ੍ਰਮਣ ਕਾਲ ਵਿੱਚ ਗਰੀਬ ਆਦਮੀ ਦਾ ਚੁੱਲ੍ਹਾ ਬਲਦਾ ਰਹੇ, ਉਸਨੂੰ ਦੀਵਾਲੀ ਤੇ ਛੱਠ ਵਿੱਚ ਵਿੱਚ ਤਕਲੀਫ਼ ਨਾ ਆਵੇ ਇਸਦੇ ਲਈ ਗਰੀਬਾਂ ਨੂੰ ਮੁਫਤ ਅਨਾਜ ਦਿੱਤਾ ਗਿਆ।
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, “ਹੁਣ ਕਿਸੇ ਮਾਂ ਨੂੰ ਇਸ ਗੱਲ ਦੀ ਚਿੰਤਾ ਨਹੀਂ ਕਰਨੀ ਚਾਹੀਦੀ ਕਿ ਛੱਠ ਕਿਸ ਤਰ੍ਹਾਂ ਮਨਾਇਆ ਜਾਵੇਗਾ, ਹੇ ਮੇਰੀ ਮਾਂ, ਤੁਸੀਂ ਇਸ ਬੇਟੇ ਨੂੰ ਦਿੱਲੀ ਵਿੱਚ ਬਿਠਾਇਆ ਹੈ, ਕੀ ਉਹ ਤੁਹਾਡੀ ਛੱਠ ਪੂਜਾ ਦੀ ਚਿੰਤਾ ਨਹੀਂ ਕਰੇਗਾ ! ਮਾਂ! ਛੱਠ ਪੂਜਾ ਦੀ ਤਿਆਰੀ ਕਰੋ, ਤੁਹਾਡਾ ਬੇਟਾ ਦਿੱਲੀ ਬੈਠਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅੱਜ ਬਿਹਾਰ ਦੇ ਸਾਹਮਣੇ ਡਬਲ ਇੰਜਨ ਦੀ ਸਰਕਾਰ ਹੈ,ਤਾਂ ਦੂਜੇ ਪਾਸੇ ਡਬਲ-ਡਬਲ ਯੁਵਰਾਜ ਵੀ ਹੈ। ਉਨ੍ਹਾਂ ਵਿਚੋਂ ਇੱਕ ਤਾਂ ਜੰਗਲ ਰਾਜ ਦੇ ਯੁਵਰਾਜ ਵੀ ਹਨ। ਡਬਲ ਇੰਜਣ ਵਾਲੀ ਐਨਡੀਏ ਸਰਕਾਰ ਬਿਹਾਰ ਦੇ ਵਿਕਾਸ ਲਈ ਵਚਨਬੱਧ ਹੈ, ਇਸ ਲਈ ਡਬਲ-ਡਬਲ ਯੁਵਰਾਜ ਆਪਣੇ-ਆਪਣੇ ਤਖਤ ਨੂੰ ਬਚਾਉਣ ਲਈ ਲੜ ਰਹੇ ਹਨ।
ਇਸ ਤੋਂ ਅੱਗੇ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ 3-4 ਸਾਲ ਪਹਿਲਾਂ ਯੂਪੀ ਦੀਆਂ ਚੋਣਾਂ ਵਿੱਚ ਵੀ ਡਬਲ-ਡਬਲ ਯੁਵਰਾਜ ਬੱਸ ਦੇ ਸਿਖਰ ‘ਤੇ ਚੜ੍ਹ ਕੇ ਲੋਕਾਂ ਦੇ ਸਾਹਮਣੇ ਹੱਥ ਮਿਲਾ ਰਿਹਾ ਸੀ। ਉੱਤਰ ਪ੍ਰਦੇਸ਼ ਦੇ ਲੋਕਾਂ ਨੇ ਉਸਨੂੰ ਘਰ ਭੇਜ ਦਿੱਤਾ ਸੀ। ਉੱਥੋਂ ਦੇ ਇੱਕ ਯੁਵਰਾਜ ਹੁਣ ਜੰਗਲ ਰਾਜ ਦੇ ਯੁਵਰਾਜ ਨੂੰ ਮਿਲ ਗਏ ਹਨ। ਉੱਤਰ ਪ੍ਰਦੇਸ਼ ਵਿੱਚ ਡਬਲ-ਡਬਲ ਯੁਵਰਾਜ ਦਾ ਹੋਇਆ, ਉਹ ਹੀ ਬਿਹਾਰ ਵਿੱਚ ਹੋਵੇਗਾ।
