PM Modi lay foundation stone: ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਅਨਾਥ ਅੱਜ ਬਹਰਾਇਚ ਦੌਰੇ ‘ਤੇ ਜਾ ਰਹੇ ਹਨ। ਜਿੱਥੇ ਉਹ ਮਹਾਰਾਜਾ ਸੁਹੇਲਦੇਵ ਸਮਾਰਕ ਦਾ ਭੂਮੀ ਪੂਜਨ ਕਰਨਗੇ । CM ਯੋਗੀ ਆਦਿਤਿਅਨਾਥ ਚਿੱਤੋਰਾ ਵਿੱਚ ਮਹਾਰਾਜਾ ਸੁਹੇਲਦੇਵ ਸਮਾਰਕ ਦੇ ਭੂਮੀ ਪੂਜਨ ਅਤੇ ਨੀਂਹ ਪੱਥਰ ਪ੍ਰੋਗਰਾਮ ਵਿੱਚ ਭਾਗ ਲੈਣਗੇ। ਇਸ ਪ੍ਰੋਗਰਾਮ ਵਿੱਚ ਖਾਸ ਗੱਲ ਇਹ ਹੋਵੇਗੀ ਕਿ ਪ੍ਰਧਾਨ ਮੰਤਰੀ ਮੋਦੀ ਵੀ ਵਰਚੁਅਲ ਤਰੀਕੇ ਨਾਲ ਇਸ ਪ੍ਰੋਗਰਾਮ ਵਿੱਚ ਭਾਗ ਲੈਣਗੇ ਅਤੇ ਨੀਂਹ ਪੱਥਰ ਰੱਖਣਗੇ । ਇਸ ਤੋਂ ਇਲਾਵਾ ਯੂਪੀ ਦੀ ਰਾਜਪਾਲ ਆਨੰਦੀਬੇਨ ਵੀ ਇਸ ਪ੍ਰੋਗਰਾਮ ਵਿੱਚ ਵਰਚੁਅਲੀ ਭਾਗ ਲੈਣਗੇ ।
ਮੁੱਖ ਮੰਤਰੀ ਦਫ਼ਤਰ ਅਨੁਸਾਰ CM ਯੋਗੀ ਆਦਿਤਿਅਨਾਥ ਅੱਜ ਸਵੇਰੇ 10 ਵਜੇ ਸੁਹੇਲਦੇਵ ਸਮਾਰਕ ਪਹੁੰਚਣਗੇ । ਇਸ ਤੋਂ ਬਾਅਦ ਲਗਭਗ 11 ਵਜੇ ਪ੍ਰਧਾਨ ਮੰਤਰੀ ਮੋਦੀ ਇਸ ਪ੍ਰੋਗਰਾਮ ਦਾ ਹਿੱਸਾ ਬਣਨ ਲਈ ਵਰਚੁਅਲ ਤਰੀਕੇ ਨਾਲ ਜੁੜਣਗੇ।
ਦੱਸ ਦੇਈਏ ਕਿ ਯੂਪੀ ਦੇ ਪੂਰਬੀ ਖੇਤਰ ਵਿੱਚ ਰਾਜਭਰ ਅਤੇ ਪਾਸੀ ਸਮਾਜ ਦੇ ਲੋਕਾਂ ਦੀ ਵਧੀਆ ਗਿਣਤੀ ਹੈ । ਮਹਾਰਾਜਾ ਸੁਹੇਲਦੇਵ ਨੂੰ ਪਾਸੀ ਅਤੇ ਰਾਜਭਾਰ ਦੋਵੇਂ ਸਮਾਜ ਆਪਣਾ ਮੰਨਦੇ ਹਨ। ਇਨ੍ਹਾਂ ਵੋਟਰਾਂ ਨੂੰ ਨਿਸ਼ਾਨਾ ਬਣਾਉਂਦਿਆਂ ਭਾਜਪਾ ਮਹਾਰਾਜਾ ਸੁਹੇਲਦੇਵ ਯਾਦਗਾਰ ਦੀ ਨੀਂਹ ਰੱਖ ਰਹੀ ਹੈ । ਉੱਤਰ ਪ੍ਰਦੇਸ਼ ਵਿੱਚ ਓਮਪ੍ਰਕਾਸ਼ ਰਾਜਭਾਰ ਦੀ ਅਗਵਾਈ ਵਾਲੀ ‘ਸੁਹੇਲਦੇਵ ਭਾਰਤੀ ਸਮਾਜ ਪਾਰਟੀ’ ਰਾਜਭਰ ਦੇ ਵੋਟਰਾਂ ਦਾ ਦਾਅਵਾ ਕਰਦੀ ਹੈ, ਸਾਲ 2017 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਭਾਜਪਾ ਅਤੇ ‘ਸੁਹੇਲਦੇਵ ਭਾਰਤੀ ਸਮਾਜ ਪਾਰਟੀ’ ਦੋਵੇਂ ਗੱਠਜੋੜ ਵਿੱਚ ਸਨ ।
