Rahul gandhi attacks pm modi: ਨਵੀਂ ਦਿੱਲੀ: ਐਲ.ਪੀ.ਜੀ. ਦੀ ਕੀਮਤ ਵਧਾਉਣ ਕਾਰਨ ਕਾਂਗਰਸ ਨੇ ਮੋਦੀ ਸਰਕਾਰ ‘ਤੇ ਨਿਸ਼ਾਨਾ ਸਾਧਿਆ ਹੈ। ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਟਵਿੱਟਰ ‘ਤੇ#LPGPriceHike ਨਾਲ ਲਿਖਿਆ, “ਅੰਨਦਾਤਾ ਦੇ ਨਾਲ ਅੰਨਪੂਰਨਾ ‘ਤੇ ਵੀ ਵਾਰ, ਹੋਰ ਕਿੰਨਾ ਕਰੋਗੇ ਦੇਸ਼ ਨੂੰ ਲਾਚਾਰ!” ਇਸ ਦੇ ਨਾਲ ਹੀ, ਕਾਂਗਰਸ ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਟਵੀਟ ਕੀਤਾ, ”ਮੋਦੀ ਜੀ ਕਿਸਦੇ ਚੰਗੇ ਦਿਨ ਹਨ? ਗੈਰ ਸਬਸਿਡੀ ਵਾਲੇ ਰਸੋਈ ਗੈਸ ਦੀ ਕੀਮਤ 15 ਦਿਨਾਂ ਵਿੱਚ 100 ਰੁਪਏ ਵਧੀ ਹੈ। ਸਬਸਿਡੀ ਵਾਲਾ ਸਿਲੰਡਰ 16 ਮਈ, 2014 ਨੂੰ 412 ਰੁਪਏ ਸੀ ਅਤੇ ਅੱਜ ਇਹ 595.86 ਰੁਪਏ ਹੈ। ਇਹ ਕੀਮਤ ਵੱਧ ਕੇ ਲੱਗਭਗ 184 ਰੁਪਏ ਹੋ ਗਈ ਹੈ।” ਉਨ੍ਹਾਂ ਨੇ ਅੱਗੇ ਕਿਹਾ, “ਇਸੇ ਤਰ੍ਹਾਂ 1 ਅਗਸਤ, 2019 ਨੂੰ ਇੱਕ ਗੈਰ-ਸਬਸਿਡੀ ਵਾਲਾ ਸਿਲੰਡਰ 574.50 ਰੁਪਏ ਸੀ ਜੋ ਕਿ 694 ਰੁਪਏ ਹੈ। ਇਸ ਵਿੱਚ 120 ਰੁਪਏ ਦਾ ਵਾਧਾ ਹੋਇਆ ਹੈ।”
ਸਬਸਿਡੀ ਤੋਂ ਬਿਨਾਂ ਐਲਪੀਜੀ ਸਿਲੰਡਰ ਦੀ ਕੀਮਤ ਵਿੱਚ ਬੁੱਧਵਾਰ ਨੂੰ 50 ਰੁਪਏ ਪ੍ਰਤੀ ਸਿਲੰਡਰ ਦਾ ਵਾਧਾ ਕੀਤਾ ਗਿਆ ਹੈ। ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਵਧਦੀਆਂ ਕੀਮਤਾਂ ਤੋਂ ਬਾਅਦ, ਇਸ ਮਹੀਨੇ ਦੂਜੀ ਵਾਰ ਐਲਪੀਜੀ ਸਿਲੰਡਰ ਦੀ ਕੀਮਤ ਵਿੱਚ ਵਾਧਾ ਹੋਇਆ ਹੈ। ਜਨਤਕ ਖੇਤਰ ਦੀਆਂ ਪੈਟਰੋਲੀਅਮ ਉਤਪਾਦਾਂ ਦੀ ਮਾਰਕੀਟਿੰਗ ਕੰਪਨੀਆਂ ਦੁਆਰਾ ਜਾਰੀ ਨੋਟੀਫਿਕੇਸ਼ਨ ਅਨੁਸਾਰ ਸਬਸਿਡੀ ਤੋਂ ਬਿਨਾਂ 14.2 ਕਿਲੋ ਦੇ ਐਲਪੀਜੀ ਸਿਲੰਡਰ ਦੀ ਕੀਮਤ 644 ਰੁਪਏ ਤੋਂ ਵਧਾ ਕੇ 694 ਰੁਪਏ ਕਰ ਦਿੱਤੀ ਗਈ ਹੈ। ਇਸ ਮਹੀਨੇ ਇਸ ਸਿਲੰਡਰ ਦੀਆਂ ਕੀਮਤਾਂ ਇਹ ਦੂਜਾ ਵਾਧਾ ਹੈ। ਇਸ ਤੋਂ ਪਹਿਲਾਂ 1 ਦਸੰਬਰ ਨੂੰ ਇਸ ਦੀ ਕੀਮਤ ਵਿੱਚ 50 ਰੁਪਏ ਦਾ ਵਾਧਾ ਹੋਇਆ ਸੀ। ਇਸ ਤੋਂ ਪਹਿਲਾਂ ਘਰੇਲੂ ਰਸੋਈ ਗੈਸ ਸਿਲੰਡਰ ਦੀ ਕੀਮਤ ਜੁਲਾਈ ਤੋਂ 594 ਰੁਪਏ ਪ੍ਰਤੀ ਸਿਲੰਡਰ ‘ਤੇ ਸੀ। ਇਹ ਰੇਟ ਸਬਸਿਡੀ ਵਾਲੇ ਐਲ.ਪੀ.ਜੀ ਸਿਲੰਡਰ ਦੇ ਸਮਾਨ ਸੀ।
