5 ਅਗਸਤ 2019 ਨੂੰ ਜੰਮੂ -ਕਸ਼ਮੀਰ ਤੋਂ ਧਾਰਾ 370 ਹਟਾਏ ਜਾਣ ਦੇ ਲਗਭਗ 25 ਮਹੀਨਿਆਂ ਬਾਅਦ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਪਹਿਲੀ ਵਾਰ ਜੰਮੂ -ਕਸ਼ਮੀਰ ਦਾ ਦੌਰਾ ਕਰ ਰਹੇ ਹਨ। ਉਹ ਅੱਜ ਦੁਪਹਿਰ 1 ਵਜੇ ਤੋਂ ਬਾਅਦ ਸ੍ਰੀਨਗਰ ਪਹੁੰਚਣਗੇ। ਘਾਟੀ ‘ਚ ਹਾਲ ਹੀ ‘ਚ ਹੋਈਆਂ ਅੱਤਵਾਦੀ ਘਟਨਾਵਾਂ ‘ਚ ਆਮ ਲੋਕਾਂ ‘ਤੇ ਹੋਏ ਹਮਲਿਆਂ ਤੋਂ ਬਾਅਦ ਸ਼ਾਹ ਦੀ ਯਾਤਰਾ ਨੂੰ ਸੁਰੱਖਿਆ ਦੇ ਨਜ਼ਰੀਏ ਤੋਂ ਬਹੁਤ ਅਹਿਮ ਮੰਨਿਆ ਜਾ ਰਿਹਾ ਹੈ। ਸ਼ਾਹ ਤਿੰਨ ਦਿਨ ਜੰਮੂ-ਕਸ਼ਮੀਰ ‘ਚ ਰਹਿਣਗੇ ਅਤੇ ਕਈ ਅਹਿਮ ਬੈਠਕਾਂ ਕਰਨਗੇ। ਸ਼ਾਹ ਦੇ ਦੌਰੇ ਦੇ ਮੱਦੇਨਜ਼ਰ, ਗ੍ਰਹਿ ਮੰਤਰਾਲੇ ਨੇ ਕਸ਼ਮੀਰ ਵਿੱਚ ਵਿਸ਼ੇਸ਼ ਤੌਰ ‘ਤੇ ਸਨਾਈਪਰ, ਡਰੋਨ ਅਤੇ ਸ਼ਾਰਪ ਸ਼ੂਟਰ ਤਾਇਨਾਤ ਕੀਤੇ ਹਨ।
ਸ਼੍ਰੀਨਗਰ ਪਹੁੰਚਣ ਤੋਂ ਬਾਅਦ ਸ਼ਾਹ ਐੱਲ.ਜੀ. ਮਨੋਜ ਸਿਨਹਾ ਨਾਲ ਰਾਜ ਭਵਨ ਜਾਣਗੇ। ਇੱਥੇ ਉਹ RAW ਦੇ ਮੁਖੀ ਸਾਮੰਤ ਕੁਮਾਰ ਗੋਇਲ, ਫੌਜ ਦੇ ਸੀਨੀਅਰ ਅਧਿਕਾਰੀਆਂ, ਆਈਬੀ ਮੁਖੀ ਸਮੇਤ 12 ਵੱਡੇ ਸੁਰੱਖਿਆ ਅਧਿਕਾਰੀਆਂ ਨਾਲ ਉੱਚ ਪੱਧਰੀ ਮੀਟਿੰਗ ਵੀ ਕਰਨਗੇ। IB ਚੀਫ ਅਰਵਿੰਦ ਕੁਮਾਰ, DGP CRPF ਅਤੇ NIA ਕੁਲਦੀਪ ਸਿੰਘ, DGP NSG ਅਤੇ CISF ਐਮਏ ਗਣਪਤੀ, DGP BSF ਪੰਕਜ ਸਿੰਘ, ਡੀਜੀਪੀ ਜੇਐਂਡਕੇ ਦਿਲਬਾਗ ਸਿੰਘ, ਆਰਮੀ ਕਮਾਂਡਰ ਅਤੇ ਤਿੰਨ ਪ੍ਰਮੁੱਖ ਕੋਰ ਕਮਾਂਡਰ ਵੀ ਯੂਨੀਫਾਈਡ ਕਮਾਂਡ ਮੀਟਿੰਗ ਵਿੱਚ ਸ਼ਾਮਲ ਹੋਣਗੇ। ਗ੍ਰਹਿ ਮੰਤਰੀ ਦੀ ਯਾਤਰਾ ਲਈ ਪੂਰੇ ਕਸ਼ਮੀਰ ਵਿੱਚ ਸੁਰੱਖਿਆ ਦੇ ਸਖਤ ਪ੍ਰਬੰਧ ਕੀਤੇ ਗਏ ਹਨ। IB, NIA, ਆਰਮੀ, CRPF ਦੇ ਸੀਨੀਅਰ ਅਧਿਕਾਰੀ ਇਸ ਸਮੇਂ ਜੰਮੂ-ਕਸ਼ਮੀਰ ਵਿੱਚ ਡੇਰੇ ਲਾਏ ਹੋਏ ਹਨ। ਉਹ ਹਰੇਕ ਖੁਫੀਆ ਜਾਣਕਾਰੀ ਦੀ ਨਿਗਰਾਨੀ ਕਰ ਰਹੇ ਹਨ।
ਸ੍ਰੀਨਗਰ ਵਿੱਚ ਅਰਧ ਸੈਨਿਕ ਬਲਾਂ ਦੇ ਵਾਧੂ ਜਵਾਨ ਤਾਇਨਾਤ ਕੀਤੇ ਗਏ ਹਨ। ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿੱਚ ਸੀਆਰਪੀਐਫ ਦੀਆਂ 10 ਵਾਧੂ ਕੰਪਨੀਆਂ ਅਤੇ ਬੀਐਸਐਫ ਦੀਆਂ 15 ਵਾਧੂ ਕੰਪਨੀਆਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਡਰੋਨ ਅਤੇ ਇੰਟੈਲੀਜੈਂਸ ਕੈਮਰਿਆਂ ਨਾਲ ਚੌਵੀ ਘੰਟੇ ਨਿਗਰਾਨੀ ਕੀਤੀ ਜਾ ਰਹੀ ਹੈ। CRPF ਦੀ ਇੱਕ ਟੀਮ ਡਲ ਝੀਲ ਅਤੇ ਜੇਹਲਮ ਨਦੀ ਵਿੱਚ ਗਸ਼ਤ ਕਰ ਰਹੀ ਹੈ। ਹਰ ਸੜਕ ਅਤੇ ਗਲੀ ਵਿੱਚ ਸੁਰੱਖਿਆ ਦੇ ਸਖਤ ਪ੍ਰਬੰਧ ਵੀ ਕੀਤੇ ਗਏ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
ਸਰਕਾਰੀ ਬੰਦਾ ਮੰਗੇ ਰਿਸ਼ਵਤ ਤਾਂ ਵੀਡੀਓ ਬਣਾ ਕਰੋ ਇਸ ਨੰਬਰ ਤੇ Send, ਲੱਗੂ ਕਲਾਸ, ਆਹ ਨੰਬਰ ਕਰ ਲਓ Save !
