Shiv Sena MLA Sanjay Gaikwad: ਜੀਵਨ ਬਚਾਉਣ ਵਾਲੀ ਦਵਾਈ ਰੇਮਡੇਸਿਵਿਰ ਦਾ ਉਤਪਾਦਨ ਕਰਨ ਵਾਲੀ ਇੱਕ ਦਵਾਈ ਵਾਲੀ ਕੰਪਨੀ ਦੇ ਇੱਕ ਉੱਚ ਅਧਿਕਾਰੀ ਨਾਲ ਦਵਾਈ ਦੀ ਕਥਿਤ ਜਮਾਖੋਰੀ ਨੂੰ ਲੈ ਕੇ ਉੱਠੇ ਵਿਵਾਦ ਦੇ ਵਿਚਾਲੇ ਸ਼ਿਵ ਸੈਨਾ ਦੇ ਵਿਧਾਇਕ ਸੰਜੇ ਗਾਇਕਵਾੜ ਨੇ ਕਿਹਾ ਹੈ ਕਿ ਜੇ ਉਨ੍ਹਾਂ ਨੂੰ ਕਿਤੇ ਕੋਰੋਨਾ ਵਾਇਰਸ ਮਿਲ ਜਾਂਦਾ ਤਾਂ ਉਹ ਉਸਨੂੰ ਭਾਜਪਾ ਨੇਤਾ ਦੇਵੇਂਦਰ ਫੜਨਵੀਸ ਦੇ ਮੂੰਹ ਵਿੱਚ ਪਾ ਦਿੰਦੇ। ਜ਼ਿਕਰਯੋਗ ਹੈ ਕਿ ਰੇਮਡੇਸਿਵਿਰ ਦਾ ਉਤਪਾਦਨ ਕਰਨ ਵਾਲੀ ਇੱਕ ਦਵਾਈ ਵਾਲੀ ਕੰਪਨੀ ਦੇ ਮੁੱਖ ਅਧਿਕਾਰੀ ਤੋਂ ਦਵਾਈ ਦੀ ਕਥਿਤ ਜਮਾਖੋਰੀ ਨੂੰ ਲੈ ਕੇ ਮੁੰਬਈ ਪੁਲਿਸ ਵੱਲੋਂ ਪੁੱਛਗਿੱਛ ਕਰਨ ਦੇ ਮਾਮਲੇ ਵਿੱਚ ਮਹਾਰਾਸ਼ਟਰ ਦੀ ਸੱਤਾਧਾਰੀ ਪਾਰਟੀ ਸਾਬਕਾ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੂੰ ਨਿਸ਼ਾਨਾ ਬਣਾ ਰਹੀ ਹੈ।
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਬੁਲਢਾਣਾ ਤੋਂ ਵਿਧਾਇਕ ਗਾਇਕਵਾੜ ਨੇ ਪੁੱਛਿਆ ਕਿ ਜੇ ਮਹਾਂਮਾਰੀ ਦੇ ਇਸ ਪੜਾਅ ਵਿੱਚ ਫੜਨਵੀਸ ਮੁੱਖ ਮੰਤਰੀ ਹੁੰਦੇ ਤਾਂ ਉਹ ਕੀ ਕਰਦੇ? ਉਨ੍ਹਾਂ ਕਿਹਾ ਕਿ ਰਾਜ ਦੇ ਮੰਤਰੀਆਂ ਦਾ ਸਮਰਥਨ ਕਰਨ ਦੀ ਬਜਾਏ ਭਾਜਪਾ ਨੇਤਾ ਉਨ੍ਹਾਂ ਦਾ ਮਜ਼ਾਕ ਉਡਾ ਰਹੇ ਹਨ ਅਤੇ ਸੋਚ ਰਹੇ ਹਨ ਕਿ ਕਿਸ ਤਰ੍ਹਾਂ ਸੂਬਾ ਸਰਕਾਰ ਨੂੰ ਅਸਫਲ ਕੀਤਾ ਜਾ ਸਕਦਾ ਹੈ । ਗਾਇਕਵਾੜ ਨੇ ਕਿਹਾ, “ਇਸ ਲਈ, ਜੇ ਮੈਨੂੰ ਕੋਰੋਨਾ ਵਾਇਰਸ ਮਿਲ ਜਾਂਦਾ ਤਾਂ ਮੈਂ ਉਸਨੂੰ ਦੇਵੇਂਦਰ ਫੜਨਵੀਸ ਦੇ ਮੂੰਹ ਵਿੱਚ ਪਾ ਦਿੰਦਾ।”
ਇਸ ਤੋਂ ਇਲਾਵਾ ਗਾਇਕਵਾੜ ਨੇ ਦੋਸ਼ ਲਾਇਆ ਕਿ ਫੜਨਵੀਸ ਅਤੇ ਭਾਜਪਾ ਨੇਤਾ ਪ੍ਰਵੀਨ ਦਾਰੇਕਰ ਅਤੇ ਚੰਦਰਕਾਂਤ ਪਾਟਿਲ ਮਹਾਂਮਾਰੀ ਅਤੇ ਰੇਮਡੇਸਿਵਿਰ ਟੀਕੇ ਦੀ ਵੰਡ ਨੂੰ ਲੈ ਕੇ ਛੋਟੀ ਰਾਜਨੀਤੀ ਕਰ ਰਹੇ ਹਨ । ਉਨ੍ਹਾਂ ਦੋਸ਼ ਲਾਇਆ ਕਿ ਕੇਂਦਰ ਨੇ ਮਹਾਰਾਸ਼ਟਰ ਵਿੱਚ ਰੇਮਡੇਸਿਵਿਰ ਨਿਰਮਾਤਾ ਕੰਪਨੀਆਂ ਨੂੰ ਕਿਹਾ ਕਿ ਰਾਜ ਵਿੱਚ ਦਵਾਈ ਸਪਲਾਈ ਨਾ ਕਰਨ ਲਈ ਕਿਹਾ ਹੈ।
ਇਹ ਵੀ ਦੇਖੋ: ਅੰਮ੍ਰਿਤਸਰ ਦੇ ਹਸਪਤਾਲ ‘ਚ ਬੁਰਾ ਹਾਲ, ਆਕਸੀਜਨ ਦੀ ਕਮੀ ਕਾਰਨ ਤੜਫ ਰਹੇ ਮਰੀਜ਼, ਖੌਫਨਾਕ ਤਸਵੀਰਾਂ
