Shiv sena slams anna hazare : ਮਹਾਰਾਸ਼ਟਰ ਦੀ ਸੱਤਾਧਾਰੀ ਪਾਰਟੀ ਸ਼ਿਵ ਸੈਨਾ ਨੇ ਸਮਾਜ ਸੇਵੀ ਅੰਨਾ ਹਜ਼ਾਰੇ ਨੂੰ ਆਪਣੇ ਮੁੱਖ ਪੱਤਰ ‘ਸਾਮਨਾ’ ਰਾਹੀਂ ਨਿਸ਼ਾਨਾ ਬਣਾਇਆ ਹੈ ਅਤੇ ਉਨ੍ਹਾਂ ਦੇ ਪ੍ਰਸਤਾਵਿਤ ਵਰਤ ਨੂੰ ਰੱਦ ਕਰਨ ‘ਤੇ ਤੰਜ ਕਸਿਆ ਹੈ। ਸਾਮਨਾ ਦੇ ਸੰਪਾਦਕੀ ਵਿੱਚ ਲਿਖਿਆ ਹੈ ਕਿ ਹੁਣ ਅੰਨਾ ਨੂੰ ਦੱਸਣਾ ਚਾਹੀਦਾ ਹੈ ਕਿ ਉਹ ਕਿਸਾਨਾਂ ਦੇ ਨਾਲ ਹਨ ਜਾਂ ਸਰਕਾਰ ਦੇ ਨਾਲ? ਸੰਪਾਦਕੀ ਦਾ ਸਿਰਲੇਖ ਹੈ – ਅੰਨਾ ਕਿਸ ਦੇ ਵੱਲ ਹਨ? ਸੰਪਾਦਕੀ ਵਿੱਚ ਲਿਖਿਆ ਹੈ, “ਮਨਮੋਹਨ ਸਿੰਘ ਦੇ ਪ੍ਰਧਾਨ ਮੰਤਰੀ ਹੁੰਦੇ ਸਮੇਂ, ਅੰਨਾ ਦੋ ਵਾਰ ਦਿੱਲੀ ਆਏ ਅਤੇ ਇੱਕ ਜ਼ੋਰਦਾਰ ਅੰਦੋਲਨ ਸ਼ੁਰੂ ਕੀਤਾ। ਭਾਜਪਾ ਇਸ ਅੰਦੋਲਨ ਦੀ ਮਸ਼ਾਲ ਵਿੱਚ ਤੇਲ ਪਾਉਣ ਦਾ ਕੰਮ ਕਰ ਰਹੀ ਸੀ, ਪਰ ਪਿੱਛਲੇ ਸੱਤ ਸਾਲਾਂ ਵਿੱਚ ਮੋਦੀ ਸ਼ਾਸਨ ਦੇ ਅਧੀਨ ਨੋਟਬੰਦੀ ਤੋਂ ਲੈ ਕੇ ਤਾਲਾਬੰਦ ਤੱਕ ਲੋਕ ਫੈਸਲਿਆਂ ਤੋਂ ਨਿਰਾਸ਼ ਸਨ, ਪਰ ਅੰਨਾ ਨੇ ਵੀ ਕਰਵਟ ਨਹੀਂ ਬਦਲੀ, ਅਜਿਹਾ ਇਲਜ਼ਾਮ ਲਗਾਇਆ ਗਿਆ ਹੈ। ਕੀ ਅੰਦੋਲਨ ਸਿਰਫ ਕਾਂਗਰਸ ਦੇ ਸ਼ਾਸਨ ਵੇਲੇ ਹੀ ਕਰਨਾ ਹੈ ? ਬਾਕੀ ਹੁਣ ਰਾਮਰਾਜ ਚੱਲ ਰਿਹਾ ਹੈ ਕੀ ?”
ਇਸ ਸੰਪਾਦਕੀ ‘ਚ ਅੱਗੇ ਲਿਖਿਆ ਹੈ, “ਅੰਨਾ ਨੇ ਵਰਤ ਦਾ ਹਥਿਆਰ ਕੱਢਿਆ ਅਤੇ ਬਾਅਦ ਵਿੱਚ ਇਸਨੂੰ ਮਿਆਨ ‘ਚ ਪਾ ਦਿੱਤਾ, ਇਹ ਪਹਿਲਾਂ ਵੀ ਹੋਇਆ ਹੈ। ਇਸ ਲਈ ਜੇ ਇਹ ਅਜੇ ਵੀ ਹੋਇਆ ਤਾਂ ਇਸ ਵਿੱਚ ਕੋਈ ਅਚਾਨਕ ਕੁੱਝ ਨਹੀਂ ਹੋਇਆ। ਬੀਜੇਪੀ ਨੇਤਾਵਾਂ ਵੱਲੋਂ ਦਿੱਤੇ ਭਰੋਸੇ ‘ਤੇ ਜੇ ਅੰਨਾ ਸੰਤੁਸ਼ਟ ਹੋ ਗਏ ਫਿਰ ਇਹ ਉਨ੍ਹਾਂ ਦੀ ਸਮੱਸਿਆ ਹੈ। ਕਿਸਾਨਾਂ ਦੇ ਮਾਮਲੇ ਵਿੱਚ ਮੌਜੂਦਾ ਜ਼ੁਲਮ ਦਾ ਜੋ ਚੱਕਰ ਚੱਲ ਰਿਹਾ ਹੈ, ਖੇਤੀ ਕਾਨੂੰਨਾਂ ਕਾਰਨ ਜੋ ਦਹਿਸ਼ਤ ਪੈਦਾ ਹੋਈ ਹੈ, ਮੁੱਢਲੇ ਪ੍ਰਸ਼ਨ ਇਸ ਬਾਰੇ ਹਨ। ਇਸ ਪ੍ਰਸੰਗ ਵਿੱਚ ਇੱਕ ਫੈਸਲਾਕੁੰਨ ਭੂਮਿਕਾ ਅੰਨਾ ਦੀ ਰਹੀ ਹੈ ਅਤੇ ਉਸੇ ਦ੍ਰਿਸ਼ਟੀਕੋਣ ਤੋਂ ਵਰਤ ਰੱਖ ਰਹੇ ਹਨ, ਅਜਿਹਾ ਦ੍ਰਿਸ਼ ਸਿਰਜਿਆ ਗਿਆ ਸੀ, ਪਰ ਅੰਨਾ ਨੇ ਵਰਤ ਨੂੰ ਵਾਪਿਸ ਲੈ ਲਿਆ, ਤਾਂ ਖੇਤੀ ਕਾਨੂੰਨ ਬਾਰੇ ਉਨ੍ਹਾਂ ਦੀ ਪੱਕੀ ਭੂਮਿਕਾ ਕੀ ਹੈ, ਫਿਲਹਾਲ ਇਹ ਅਸਪਸ਼ਟ ਹੈ।” ਦੱਸ ਦੇਈਏ ਕਿ ਮਹਾਰਾਸ਼ਟਰ ਦੇ ਸਾਬਕਾ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਅਤੇ ਕੇਂਦਰੀ ਖੇਤੀਬਾੜੀ ਰਾਜ ਮੰਤਰੀ ਕੈਲਾਸ਼ ਚੌਧਰੀ ਨੇ ਕੱਲ੍ਹ ਅੰਨਾ ਹਜ਼ਾਰੇ ਨਾਲ ਮੁਲਾਕਾਤ ਕੀਤੀ ਸੀ ਅਤੇ ਸਰਕਾਰ ਦੁਆਰਾ ਉਠਾਏ ਮੁੱਦਿਆਂ ‘ਤੇ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਸੀ। ਇਸ ਤੋਂ ਬਾਅਦ ਅੰਨਾ ਨੇ ਆਪਣਾ ਵਰਤ ਖਤਮ ਕਰਨ ਦਾ ਐਲਾਨ ਕੀਤਾ ਹੈ।
ਇਹ ਵੀ ਦੇਖੋ : ਲੀਡਰਲੈੱਸ ਅੰਦੋਲਨ ਅਤੇ ਜੱਥੇਬੰਦੀਆਂ ਦੀ ਜ਼ਿੱਦ ਕਰਕੇ ਹੋਇਆ ਦੇਸ਼ ਦਾ ਨੁਕਸਾਨ
