ਇੰਦੌਰ ਦੇ ਟਰਾਂਸਪੋਰਟ ਕਾਰੋਬਾਰੀ ਰਾਜਾ ਰਘੂਵੰਸ਼ੀ ਦੇ ਸ਼ਿਲਾਂਗ ਵਿੱਚ ਕਤਲ ਤੋਂ ਬਾਅਦ ਉਸ ਦੀ ਪਤਨੀ ਸੋਨਮ ਸੋਮਵਾਰ, 9 ਜੂਨ ਨੂੰ ਯੂਪੀ ਦੇ ਗਾਜ਼ੀਪੁਰ ਵਿੱਚ ਮਿਲੀ। ਮੇਘਾਲਿਆ ਪੁਲਿਸ ਦਾ ਦਾਅਵਾ ਹੈ ਕਿ ਸੋਨਮ ਨੇ ਆਪਣੇ ਪਤੀ ਰਾਜਾ ਦਾ ਕਤਲ ਕਰਵਾਇਆ। ਹਾਲਾਂਕਿ, ਘਟਨਾ ਦਾ ਕਾਰਨ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਦੂਜੇ ਪਾਸੇ ਇੱਕ ਨਿਊਜ਼ ਚੈਨਲ ਨਾਲ ਰਾਜਾ ਦੀ ਮਾਂ ਅਤੇ ਪਿਤਾ ਨਾਲ ਸੋਨਮ ਨਾਲ ਆਪਣੇ ਸਬੰਧਾਂ ਬਾਰੇ ਗੱਲ ਕੀਤੀ।
ਰਾਜਾ ਦੀ ਮਾਂ ਨੇ ਦੱਸਿਆ ਕਿ ਰਿਸ਼ਤਾ ਤੈਅ ਹੋਣ ਤੋਂ ਬਾਅਦ ਰਾਜਾ ਨੇ ਇੱਕ ਵਾਰ ਕਿਹਾ ਸੀ ਕਿ ਉਹ (ਸੋਨਮ) ਮੇਰੇ ਵਿੱਚ ਦਿਲਚਸਪੀ ਨਹੀਂ ਲੈ ਰਹੀ ਹੈ। ਸੋਨਮ ਅਤੇ ਰਾਜਾ ਰਘੂਵੰਸ਼ੀ ਦਾ ਰਿਸ਼ਤਾ 1 ਅਕਤੂਬਰ 2024 ਨੂੰ ਸੁਸਾਇਟੀ ਦੀ ਜਾਣ-ਪਛਾਣ ਪੁਸਤਿਕਾ ਰਾਹੀਂ ਹੋਇਆ ਸੀ।
ਸੋਨਮ ਦੇ ਪਿਤਾ ਦੇਵੀ ਸਿੰਘ ਨੇ ਦੱਸਿਆ ਕਿ ਸੁਸਾਇਟੀ ਦਾ ਭੰਡਾਰਾ ਰਾਮ ਨੌਮੀ ਵਾਲੇ ਦਿਨ ਹੁੰਦਾ ਹੈ। ਉਸੇ ਦਿਨ ਵਿਆਹ ਯੋਗ ਮੁੰਡੇ-ਕੁੜੀਆਂ ਦੇ ਨਾਮ ਲਏ ਜਾਂਦੇ ਹਨ, ਤਾਂ ਜੋ ਉਨ੍ਹਾਂ ਨੂੰ ਸੁਸਾਇਟੀ ਦੀ ਪਰਿਚੈ ਪੁਸਤਿਕਾ ਵਿੱਚ ਪ੍ਰਕਾਸ਼ਤ ਕੀਤਾ ਜਾ ਸਕੇ। ਅਸੀਂ ਉਸੇ ਦਿਨ ਆਪਣੀ ਧੀ ਦਾ ਨਾਮ ਵੀ ਰਜਿਸਟਰ ਕਰਵਾਇਆ ਅਤੇ ਰਾਜਾ ਦੇ ਪਰਿਵਾਰ ਨੇ ਵੀ।
ਉਸ ਸਮੇਂ ਅਸੀਂ ਇੱਕ ਦੂਜੇ ਨੂੰ ਨਹੀਂ ਜਾਣਦੇ ਸੀ। ਜਦੋਂ ਪੁਸਤਿਕਾ ਪ੍ਰਕਾਸ਼ਿਤ ਹੋਈ, ਅਸੀਂ ਸਾਰੇ ਮੁੰਡਿਆਂ ਦੀ ਜਾਣਕਾਰੀ ਦੇਖੀ। ਸਾਨੂੰ ਰਾਜਾ ਦਾ ਪਰਿਵਾਰ ਪਸੰਦ ਆਇਆ, ਕਿਉਂਕਿ ਉਹ ਵੀ ਇੰਦੌਰ ਤੋਂ ਸਨ, ਇਸ ਲਈ ਅਸੀਂ ਆਪਣੇ ਆਪ ਉਨ੍ਹਾਂ ਬਾਰੇ ਜਾਣਕਾਰੀ ਇਕੱਠੀ ਕੀਤੀ।
ਰਾਜਾ ਦੀ ਮਾਂ ਮੁਤਾਬਕ ਵਿਆਹ ਤੋਂ ਬਾਅਦ ਸੋਨਮ 11 ਤੋਂ 20 ਮਈ ਤੱਕ ਸਾਡੇ ਨਾਲ ਰਹੀ। ਉਸ ਦੇ ਵਿਵਹਾਰ ਵਿੱਚ ਕੋਈ ਸਮੱਸਿਆ ਨਹੀਂ ਸੀ। ਵਿਆਹ ਤੋਂ ਬਾਅਦ ਸ਼ਿਲਾਂਗ ਜਾਣ ਦੀ ਕੋਈ ਗੱਲ ਨਹੀਂ ਹੋਈ। ਸੋਨਮ ਨੇ ਘੁੰਮਣ ਜਾਣ ਦੀ ਗੱਲ ਕੀਤੀ ਸੀ, ਪਰ ਰਾਜਾ ਨੇ ਮਨ੍ਹਾ ਕਰ ਦਿੱਤਾ ਸੀ।
ਇਹ ਵੀ ਪੜ੍ਹੋ : ‘ਨਸ਼ਾ ਛੱਡਣ ਵਾਲਿਆਂ ਦੇ ਇਲਾਜ ਲਈ 200 ਸਾਈਕੋਲੋਜਿਸਟ ਕੀਤੇ ਜਾਣਗੇ ਭਰਤੀ’- ਮੰਤਰੀ ਚੀਮਾ ਦਾ ਵੱਡਾ ਐਲਾਨ
ਬਾਅਦ ਵਿੱਚ ਰਾਜਾ ਨੇ ਕਿਹਾ ਕਿ ‘ਸੋਨਮ ਨੇ ਟਿਕਟ ਬੁੱਕ ਕਰ ਲਈ ਹੈ, ਹੁਣ ਮੈਂ ਕੀ ਕਰਾਂ?’ ਇਹ ਛੇ-ਸੱਤ ਦਿਨਾਂ ਦਾ ਟੂਰ ਸੀ, ਇਸ ਲਈ ਮੈਂ ਵੀ ਕਿਹਾ ਚਲੇ ਜਾਓ। ਜਾਣ ਤੋਂ ਇੱਕ ਦਿਨ ਪਹਿਲਾਂ, ਉਹ ਖਰੀਦਦਾਰੀ ਕਰਨ ਗਏ ਸਨ, ਪਰ ਉਸ ਨੇ ਵਾਪਸੀ ਦੀ ਟਿਕਟ ਬੁੱਕ ਨਹੀਂ ਕੀਤੀ ਸੀ।
ਰਾਜਾ ਦੀ ਮਾਂ ਨੇ ਸਵਾਲ ਉਠਾਇਆ ਕਿ ਇਸ ਹਮਲੇ ਵਿਚ ਸੋਨਮ ਨੂੰ ਕੋਈ ਖਰੋਚ ਕਿਉਂ ਨਹੀਂ ਆਈ। ਉਸ ਨੇ ਕਿਹਾ ਕਿ ਜਿਸ ਨੇ ਵੀ ਇਸ ਘਟਨਾ ਨੂੰ ਅੰਜਾਮ ਦਿੱਤਾ ਹੈ ਉਸ ਨੂੰ ਸਖਤ ਤੋਂ ਸਖਤ ਸਜ਼ਾ ਮਿਲਣੀ ਚਾਹੀਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
