Total corona recoveries cases : ਦੇਸ਼ ਨੇ ਇੱਕ ਬੇਮਿਸਾਲ ਅੰਕੜੇ ਨੂੰ ਛੂਹ ਲਿਆ ਹੈ। ਵੀਰਵਾਰ ਨੂੰ ਭਾਰਤ ਵਿੱਚ ਕੋਰੋਨਾ ਵਾਇਰਸ ਤੋਂ ਠੀਕ ਹੋਏ ਲੋਕਾਂ ਦੀ ਗਿਣਤੀ ਇੱਕ ਕਰੋੜ ਤੋਂ ਪਾਰ ਹੋ ਗਈ ਹੈ। ਜੇ ਕੋਰੋਨਾ ਤੋਂ ਠੀਕ ਹੋਏ ਕੇਸਾਂ ਦੀ ਤੁਲਨਾ ਮੌਜੂਦਾ ਸਮੇਂ ਕੋਰੋਨਾ ਪੀੜਤਾਂ ਨਾਲ ਕੀਤੀ ਜਾਵੇ, ਤਾਂ ਠੀਕ ਹੋਏ ਲੋਕਾਂ ਦੀ ਗਿਣਤੀ ਕੋਰੋਨਾ ਦੇ ਸਰਗਰਮ ਮਾਮਲਿਆਂ ਨਾਲੋਂ 44 ਗੁਣਾ ਵਧੇਰੇ ਹੈ। ਠੀਕ ਹੋਏ 1 ਕਰੋੜ ਲੋਕਾਂ ਵਿੱਚੋਂ 51% ਸਿਰਫ ਪੰਜ ਰਾਜਾਂ ਦੇ ਹਨ। 7 ਜਨਵਰੀ ਤੱਕ ਦੇ ਅੰਕੜਿਆਂ ਅਨੁਸਾਰ, ਦੇਸ਼ ਵਿੱਚ ਠੀਕ ਹੋਏ ਲੋਕਾਂ ਦੀ ਗਿਣਤੀ 1 ਕਰੋੜ, 16 ਹਜ਼ਾਰ, 859 ਤੱਕ ਪਹੁੰਚ ਗਈ ਹੈ। ਪਿੱਛਲੇ 24 ਘੰਟਿਆਂ ਵਿੱਚ, 19,587 ਮਰੀਜ਼ ਠੀਕ ਹੋਏ ਹਨ ਅਤੇ ਉਨ੍ਹਾਂ ਨੂੰ ਹਸਪਤਾਲਾਂ ਤੋਂ ਛੁੱਟੀ ਦਿੱਤੀ ਗਈ ਅਤੇ ਘਰ ਪਹੁੰਚ ਗਏ ਹਨ। ਦੇਸ਼ ਦੀ ਰਾਸ਼ਟਰੀ ਰਿਕਵਰੀ ਦੀ ਦਰ 96.36% ਤੱਕ ਪਹੁੰਚ ਗਈ ਹੈ। ਸਰਗਰਮ ਮਰੀਜ਼ਾਂ ਅਤੇ ਠੀਕ ਹੋਏ ਮਰੀਜ਼ਾਂ ਵਿਚਲਾ ਪਾੜਾ ਤੇਜ਼ੀ ਨਾਲ ਵੱਧ ਰਿਹਾ ਹੈ, ਜੋ ਕਿ ਇੱਕ ਚੰਗਾ ਸੰਕੇਤ ਹੈ।
ਇਸ ਸਮੇਂ ਕੋਰੋਨਾ ਨਾਲ ਸੰਕਰਮਿਤ ਸਰਗਰਮ ਮਰੀਜ਼ਾਂ ਦੀ ਕੁੱਲ ਸੰਖਿਆ 2,28,083 ਹੈ ਜੋ ਕਿ ਕੁੱਲ ਕੋਰੋਨਾ ਮਾਮਲਿਆਂ ਵਿੱਚੋਂ ਸਿਰਫ 2.19% ਦੇ ਨੇੜੇ ਹੈ। ਉਹ ਪੰਜ ਰਾਜ ਜਿਨ੍ਹਾਂ ਤੋਂ 51 ਪ੍ਰਤੀਸ਼ਤ ਠੀਕ ਮਰੀਜ਼ ਆਉਂਦੇ ਹਨ ਉਹ ਪੰਜ ਰਾਜ ਹਨ- ਮਹਾਰਾਸ਼ਟਰ, ਕਰਨਾਟਕ, ਆਂਧਰਾ ਪ੍ਰਦੇਸ਼, ਤਾਮਿਲਨਾਡੂ, ਕੇਰਲ ਆਦਿ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਦੀ ਰਿਕਵਰੀ ਰੇਟ ਪੂਰੀ ਦੁਨੀਆ ਵਿੱਚ ਸਭ ਤੋਂ ਵੱਧ ਹੈ। ਜਿਵੇਂ-ਜਿਵੇਂ ਦੇਸ਼ ਵਿੱਚ ਟੈਸਟਿੰਗ ਨਾਲ ਜੁੜੇ ਬੁਨਿਆਦੀ ਢਾਂਚੇ ਵਿੱਚ ਵਾਧਾ ਹੋ ਰਿਹਾ ਹੈ, ਕੋਰੋਨਾ ਸੰਕਰਮਿਤ ਮਾਮਲਿਆਂ ਦੀ ਗਿਣਤੀ ਘੱਟ ਰਹੀ ਹੈ। ਕੋਰੋਨਾ ਸਕਾਰਾਤਮਕ ਦਰ ਪ੍ਰਤੀ ਦਿਨ 3% ਤੋਂ ਘੱਟ ਹੈ।
