ਅੱਜਕੱਲ੍ਹ ਮੱਧ ਪ੍ਰਦੇਸ਼ ਦੇ ਬੈਤੂਲ ਵਿੱਚ ਇੱਕ ਚਾਹ ਦੀ ਦੁਕਾਨ ਆਪਣੇ ਵਿਲੱਖਣ ਨਾਮ ਦੇ ਕਾਰਨ ਕਾਫ਼ੀ ਮਸ਼ਹੂਰ ਹੋ ਰਹੀ ਹੈ। ਜੀ ਹਾਂ, ਚਾਹ ਦੀ ਦੁਕਾਨ ਦਾ ਨਾਂ ‘ਬੇਵਫਾ ਚਾਹ ਵਾਲਾ’ ਹੈ। ਕੀ ਆਮ, ਕੀ ਖਾਸ, ਜੋ ਵੀ ਇਸ ਚਾਹ ਦੀ ਦੁਕਾਨ ਦਾ ਨਾਮ ਸੁਣਦਾ ਹੈ, ਇੱਥੇ ਚਾਹ ਪੀਣ ਜਰੂਰ ਆਉਂਦਾ ਹੈ।
ਬੈਤੂਲ ਦੇ ਸ਼ਾਹਪੁਰ ਖੇਤਰ ਦੇ ਐਨਐਚ 69 ਉੱਤੇ ਸਥਿਤ ਡੋਡਰਾਮੋਹਰ ਪਿੰਡ ਵਿੱਚ ਇੱਕ ਚਾਹ ਦੀ ਦੁਕਾਨ ਹੈ। ਜਿਸਦਾ ਨਾਮ ਬੇਵਫਾ ਚਾਹ ਵਾਲਾ ਹੈ। ਇਸ ਦੁਕਾਨ ਦੀ ਫੋਟੋ ਸੋਸ਼ਲ ਮੀਡੀਆ ‘ਤੇ ਬਹੁਤ ਵਾਇਰਲ ਹੋ ਰਹੀ ਹੈ। ਇੱਥੇ ਲੋਕ ਮਜ਼ੇ ਨਾਲ ਚਾਹ ਪੀਂਦੇ ਹਨ ਅਤੇ ਸੈਲਫੀ ਲੈਣਾ ਨਹੀਂ ਭੁੱਲਦੇ। ਕਿਉਂਕਿ ਲੋਕਾਂ ਨੂੰ ਇਹ ਨਾਮ ਬਹੁਤ ਹੀ ਆਕਰਸ਼ਕ ਲਗਦਾ ਹੈ। ਦਰਅਸਲ ਲੜਕੀ ਤੋਂ ਧੋਖਾ ਖਾਣ ਤੋਂ ਬਾਅਦ, ਮੰਗਲ ਟੁੱਟ ਗਿਆ ਅਤੇ ਬਹੁਤ ਪਰੇਸ਼ਾਨ ਹੋਣ ਲੱਗਾ। ਦੋਸਤਾਂ ਅਤੇ ਪਰਿਵਾਰ ਨੇ ਸਮਝਾਇਆ, ਫਿਰ ਉਸ ਨੇ ਮਜ਼ਦੂਰੀ ਕਰ ਕੇ ਪੈਸਾ ਜੋੜਿਆ ਅਤੇ ਰੇਲਵੇ ਕ੍ਰਾਸਿੰਗ ਦੇ ਕੋਲ ਚਾਹ ਦੀ ਦੁਕਾਨ ਖੋਲ੍ਹੀ। ਆਪਣੇ ਪਿਆਰ ਨੂੰ ਹਮੇਸ਼ਾ ਯਾਦ ਰੱਖਣ ਲਈ ਉਸ ਨੇ ਦੁਕਾਨ ਦਾ ਨਾਮ ਹੀ ‘ਬੇਵਫਾ ਚਾਹ ਵਾਲਾ’ ਰੱਖ ਲਿਆ।
ਇਹ ਵੀ ਪੜ੍ਹੋ : ਮੌਨਸੂਨ ਡਾਈਟ ਪਲਾਨ : ਬਰਸਾਤ ਦੇ ਮੌਸਮ ‘ਚ ਖਾਓ ਇਹ ਚੀਜ਼ਾਂ ਜ਼ੁਕਾਮ ਅਤੇ ਵਾਇਰਲ ਬੁਖਾਰ ਤੋਂ ਰਹੇਗਾ ਬਚਾਅ
ਚਾਹ ਦੀ ਦੁਕਾਨ ਦੇ ਮਾਲਕ ਮੰਗਲ ਨੇ ਦੱਸਿਆ ਕਿ ਉਸ ਨੂੰ ਇੱਕ ਲੜਕੀ ਨਾਲ ਪਿਆਰ ਸੀ। ਲੜਕੀ ਨੇ ਉਸ ਨੂੰ ਧੋਖਾ ਦਿੱਤਾ ਅਤੇ ਕਿਸੇ ਹੋਰ ਜਗ੍ਹਾ ਵਿਆਹ ਕਰਵਾ ਲਿਆ। ਆਪਣੀ ਪ੍ਰੇਮਿਕਾ ਦੀ ਯਾਦ ਵਿੱਚ, ਉਸਨੇ ਆਪਣੀ ਦੁਕਾਨ ਦਾ ਨਾਮ ਬੇਵਫਾ ਚਾਹ ਵਾਲਾ ਰੱਖ ਲਿਆ। ਕਰੀਬ 6 ਮਹੀਨਿਆਂ ਤੋਂ ਉਹ ਚਾਹ ਦੀ ਦੁਕਾਨ ਚਲਾ ਰਿਹਾ ਹੈ ਅਤੇ ਆਪਣਾ ਗੁਜ਼ਾਰਾ ਚਲਾ ਰਿਹਾ ਹੈ। ਹਰ ਕੋਈ ਚਾਹ ਦੀ ਦੁਕਾਨ ਚਲਾਉਣ ਵਾਲੇ ਮੰਗਲ ਨਾਮ ਦੇ ਨੌਜਵਾਨ ਦੀ ਪ੍ਰਸ਼ੰਸਾ ਕਰਦਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਚਾਹ ਵੀ ਸ਼ਾਨਦਾਰ ਬਣਾਉਂਦਾ ਹੈ। ਲੋਕ ਖੁਸ਼ੀ ਨਾਲ ਚਾਹ ਪੀਂਦੇ ਹਨ ਅਤੇ ਸੈਲਫੀ ਲੈਂਦੇ ਹਨ ਅਤੇ ਫਿਰ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਦੇ ਹਨ। ਪਿਆਰ ਵਿੱਚ ਧੋਖਾ ਖਾਣ ਤੋਂ ਬਾਅਦ, ਕਬਾਇਲੀ ਨੌਜਵਾਨ ਮੰਗਲ ਸਿੰਘ ਨੇ ਇਸਨੂੰ ਇੱਕ ਕਾਰੋਬਾਰ ਆਈਡੀਆ ਬਣਾਇਆ ਜੋ ਕਿ ਕਾਫ਼ੀ ਹਿੱਟ ਸਾਬਿਤ ਹੋ ਰਿਹਾ ਹੈ।
ਇਹ ਵੀ ਦੇਖੋ :ਸੁਣੋ ਕੀ ਸੀ Ludhiana ਤੋਂ ਬੱਚਾ ਚੁੱਕਣ ਵਾਲੇ ਬਿਹਾਰੀ ਨੌਕਰ ਦਾ ਪਲੈਨ LIVE, ਮੰਗੇ ਸੀ 4 ਲੱਖ ਤੇ ਫੜਿਆ ਕਿਵੇਂ ਗਿਆ !
