west bengal suvendu adhikari: ਅਗਲੇ ਸਾਲ ਪੱਛਮੀ ਬੰਗਾਲ ਵਿੱਚ ਵਿਧਾਨ ਸਭਾ ਚੋਣਾਂ ਹੋਣ ਜਾ ਰਹੀਆਂ ਹਨ, ਜਿਸ ਕਾਰਨ ਰਾਜ ਵਿੱਚ ਰਾਜਨੀਤਿਕ ਹਲਚਲ ਵੱਧ ਗਈ ਹੈ। ਇੱਕ ਮਹੀਨੇ ਤੋਂ ਵੀ ਘੱਟ ਸਮਾਂ ਪਹਿਲਾਂ, ਸੁਵੇਂਦੂ ਅਧਿਕਾਰੀ, ਜੋ ਤ੍ਰਿਣਮੂਲ ਕਾਂਗਰਸ ਛੱਡ ਕੇ ਭਾਜਪਾ ਵਿੱਚ ਸ਼ਾਮਿਲ ਹੋਏ ਨੂੰ ਜੂਟ ਕਾਰਪੋਰੇਸ਼ਨ ਆਫ਼ ਇੰਡੀਆ ਦਾ ਚੇਅਰਮੈਨ ਬਣਾਇਆ ਜਾ ਸਕਦਾ ਹੈ। ਜੇ ਉਨ੍ਹਾਂ ਨੂੰ ਇਹ ਅਹੁਦਾ ਦਿੱਤਾ ਜਾਂਦਾ ਹੈ, ਤਾਂ ਉਹ ਕੈਬਨਿਟ ਮੰਤਰੀ ਦਾ ਅਹੁਦਾ ਪ੍ਰਾਪਤ ਕਰਨਗੇ। ਇਸ ਦੇ ਨਾਲ ਹੀ, ਭਾਜਪਾ ਵਿੱਚ ਸ਼ਾਮਿਲ ਹੋਣ ਤੋਂ ਪਹਿਲਾਂ ਉਸ ਨੂੰ ਜ਼ੈੱਡ ਸ਼੍ਰੇਣੀ ਦੀ ਸੁਰੱਖਿਆ ਦਿੱਤੀ ਗਈ ਸੀ।
ਕੇਂਦਰ ਸਰਕਾਰ ਨੇ ਉਸ ਦਾ ਬਾਇਓਡਾਟਾ ਮੰਗਿਆ ਹੈ, ਉਸ ਦੀ ਨਿਯੁਕਤੀ ਜਨਵਰੀ ਵਿੱਚ ਹੋ ਸਕਦੀ ਹੈ। TMC ਛੱਡਣ ਤੋਂ ਪਹਿਲਾਂ ਸੁਵੇਂਦੂ ਬੰਗਾਲ ਸਰਕਾਰ ਵਿੱਚ ਲੰਮੇ ਸਮੇਂ ਤੋਂ ਮੰਤਰੀ ਰਹੇ ਹਨ। ਜਦੋਂ ਅਧਿਕਾਰੀ ਜੂਟ ਕਾਰਪੋਰੇਸ਼ਨ ਦਾ ਪ੍ਰਧਾਨ ਬਣਿਆ, ਬੰਗਾਲ ਭਾਜਪਾ ਦੇ ਉਪ-ਪ੍ਰਧਾਨ ਰਾਜੂ ਬੈਨਰਜੀ ਨੇ ਕਿਹਾ, ‘ਇਹ ਰਾਜ ਲਈ ਚੰਗੀ ਖ਼ਬਰ ਹੈ। ਬਹੁਤ ਸਾਰੇ ਕਿਸਾਨ ਬੰਗਾਲ ਵਿਚ ਜੂਟ ਦੀ ਕਾਸ਼ਤ ‘ਤੇ ਨਿਰਭਰ ਕਰਦੇ ਹਨ। ਰਾਜ ਵਿੱਚ ਕਿਸਾਨਾਂ ਲਈ ਕੰਮ ਕਰਨ ਲਈ ਉਸ ਕੋਲ ਇਕ ਮਹੱਤਵਪੂਰਨ ਅਹੁਦਾ ਹੋਵੇਗਾ।
ਜੂਟ ਕਾਰਪੋਰੇਸ਼ਨ ਆਫ਼ ਇੰਡੀਆ (ਜੇ.ਸੀ.ਆਈ.) ਦੀ ਸਥਾਪਨਾ 1971 ਵਿੱਚ ਇਕੋ ਮੰਤਵ ਨਾਲ ਕੀਤੀ ਗਈ ਸੀ। ਜਿਸ ਨਾਲ ਕਿਸਾਨਾਂ ਨੂੰ ਉਨ੍ਹਾਂ ਦੀ ਉਪਜ ਦਾ ਘੱਟੋ ਘੱਟ ਸਮਰਥਨ ਮੁੱਲ (ਐਮ.ਐੱਸ.ਪੀ.) ਪ੍ਰਾਪਤ ਕਰਨ ਵਿੱਚ ਮਦਦ ਮਿਲੇ। ਇਸ ਦਾ ਮੁੱਖ ਦਫਤਰ ਕੋਲਕਾਤਾ ਵਿੱਚ ਹੈ। JCI ਨੇ ਬੰਗਾਲ ਦੇ ਲਗਭਗ 17 ਜ਼ਿਲ੍ਹਿਆਂ ਵਿਚ ਜੂਟ ਦੀ ਕਾਸ਼ਤ ਵਿੱਚ ਅਹਿਮ ਰੋਲ ਅਦਾ ਕੀਤਾ ਹੈ। ਸੁਵੇਂਦੁ ਦੀ ਨਿਯੁਕਤੀ ਅਜਿਹੇ ਸਮੇਂ ਹੋ ਰਹੀ ਹੈ ਜਦੋਂ ਜੇਸੀਆਈ ਤਬਦੀਲੀ ਦੇ ਪੜਾਅ ਵਿੱਚ ਹੈ ਇਸ ਨੇ ਮਿਡਲਮੇਨਾਂ ਨੂੰ ਖਤਮ ਕਰਨ ਲਈ ਕਿਸਾਨਾਂ ਨੂੰ ਈ-ਪਾਸਬੁੱਕ ਵੀ ਜਾਰੀ ਕੀਤੀ ਹੈ।
ਤੁਸੀਂ ਵੀ ਕਰੋ 2021 ਦੇ ਪਹਿਲੇ ਦਿਨ ਦਰਬਾਰ ਸਾਹਿਬ ਅੰਮ੍ਰਿਤਸਰ ਦੇ LIVE ਦਰਸ਼ਨ, ਪੁੱਜੀਆਂ ਹਜ਼ਾਰਾਂ ਸੰਗਤਾਂ…
