Western up rld kingmekar bjp lost : ਮੁਜ਼ੱਫਰਨਗਰ ਦੰਗਿਆਂ ਤੋਂ ਬਾਅਦ ਇੱਕ ਤੋਂ ਬਾਅਦ ਇੱਕ ਚੋਣ ਹਾਰਨ ਵਾਲੇ ਚੌਧਰੀ ਅਜੀਤ ਸਿੰਘ ਦੀ ਪਾਰਟੀ ਰਾਸ਼ਟਰੀ ਲੋਕ ਦਲ ਦੀ ਰਾਜਨੀਤਿਕ ਹੋਂਦ ਮੁਸੀਬਤ ਵਿੱਚ ਪੈਣ ਲੱਗੀ ਸੀ। ਅਜਿਹੀ ਸਥਿਤੀ ਵਿੱਚ, ਖੇਤੀਬਾੜੀ ਕਾਨੂੰਨਾਂ ਵਿਰੁੱਧ ਚੱਲ ਰਹੇ ਕਿਸਾਨ ਅੰਦੋਲਨ ਨੇ ਆਰ.ਐਲ.ਡੀ ਲਈ ਸੰਜੀਵਨੀ ਦਾ ਕੰਮ ਕੀਤਾ ਹੈ। ਪੱਛਮੀ ਉੱਤਰ ਪ੍ਰਦੇਸ਼ ਵਿੱਚ ਕਿਸਾਨ ਅੰਦੋਲਨ ਨੇ ਪੰਚਾਇਤੀ ਚੋਣਾਂ ਵਿੱਚ ਸਪੱਸ਼ਟ ਪ੍ਰਭਾਵ ਦਿਖਾਇਆ ਹੈ, ਜਿੱਥੇ ਭਾਜਪਾ ਨੂੰ ਰਾਜਨੀਤਿਕ ਤੋਰ ਵੱਡਾ ਝੱਟਕਾ ਲੱਗਿਆ ਹੈ ਤੇ ਆਰ.ਐਲ.ਡੀ ਨੂੰ ਇੱਕ ਵੱਡਾ ਫਾਇਦਾ ਮਿਲਿਆ ਹੈ। ਇਹੀ ਨਹੀਂ, ਵੋਟਰਾਂ ਨੇ ਸਪਾ ਅਤੇ ਬਸਪਾ ਪ੍ਰਤੀ ਵੀ ਝੁਕਾਅ ਦਿਖਾਇਆ ਹੈ। ਭਾਜਪਾ ਨੇ ਮੇਰਠ ਜ਼ਿਲੇ ਵਿੱਚ ਹੋਈਆਂ ਜ਼ਿਲ੍ਹਾ ਪੰਚਾਇਤ ਦੀਆਂ ਸਾਰੀਆਂ 33 ਸੀਟਾਂ ਲਈ ਉਮੀਦਵਾਰ ਖੜ੍ਹੇ ਕੀਤੇ ਸਨ। ਉਸੇ ਸਮੇਂ, ਆਰਐਲਡੀ ਅਤੇ ਐਸਪੀ ਨੇ 23-23 ਉਮੀਦਵਾਰ ਖੜ੍ਹੇ ਕੀਤੇ ਸੀ। ਬਸਪਾ ਨੇ ਵੀ ਦੋ ਦਰਜਨ ਸੀਟਾਂ ‘ਤੇ ਉਮੀਦਵਾਰ ਖੜੇ ਕੀਤੇ ਸਨ।
ਬਸਪਾ ਦੁਆਰਾ ਦਾਅਵਾ ਕੀਤਾ ਗਿਆ ਹੈ ਕਿ ਉਹ ਹੁਣ ਤੱਕ ਐਲਾਨੇ ਨਤੀਜਿਆਂ ਵਿੱਚ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉਭਰੀ ਹੈ। ਮੇਰਠ ਦੀਆਂ ਕੁੱਲ 33 ਸੀਟਾਂ ‘ਚੋਂ ਬਸਪਾ ਨੇ 9 ਸੀਟਾਂ ਜਿੱਤੀਆਂ ਹਨ, ਜਦਕਿ ਸਪਾ ਅਤੇ ਭਾਜਪਾ ਨੇ 6-6 ਸੀਟਾਂ ਜਿੱਤੀਆਂ ਹਨ। ਇੱਥੇ ਆਰਐਲਡੀ ਨੇ ਪੰਜ ਜ਼ਿਲ੍ਹਾ ਪੰਚਾਇਤ ਸੀਟਾਂ ਜਿੱਤੀਆਂ ਹਨ ਜਦਕਿ ਆਜ਼ਾਦ ਉਮੀਦਵਾਰਾਂ ਨੇ 7 ਸੀਟਾਂ ਜਿੱਤੀਆਂ ਹਨ। ਸ਼ਾਮਲੀ ਵਿੱਚ ਆਰਐਲਡੀ ਨੇ ਭਾਜਪਾ ਨੂੰ ਲੱਗਭਗ ਗੋਡਿਆਂ ‘ਤੇ ਲੈ ਆਂਦਾ ਹੈ। ਭਾਜਪਾ ਦੇ ਖੇਤਰੀ ਪ੍ਰਧਾਨ ਅਤੇ ਰਾਜ ਮੰਤਰੀ ਰਾਜ ਦਾ ਗ੍ਰਹਿ ਜ਼ਿਲ੍ਹਾ ਹੋਣ ਦੇ ਬਾਵਜੂਦ, ਆਰਐਲਡੀ ਨੇ 19 ਸੀਟਾਂ ਚੋਂ 8 ਸੀਟਾਂ ਜਿੱਤੀਆਂ ਹਨ, ਜਦਕਿ ਭਾਜਪਾ ਸਿਰਫ 6 ਸੀਟਾਂ ‘ਤੇ ਸਿਮਟ ਗਈ ਹੈ। ਇਸ ਤੋਂ ਇਲਾਵਾ ਸੱਤ ਹੋਰ ਉਮੀਦਵਾਰ ਜਿੱਤੇ ਹਨ।
ਇਸ ਖੇਤਰ ਨੂੰ ਪੂਰੀ ਤਰ੍ਹਾਂ ਜਾਟ ਅਤੇ ਗੁਰਜਰ-ਪ੍ਰਮੁੱਖ ਮੰਨਿਆ ਜਾਂਦਾ ਹੈ ਅਤੇ ਕਿਸਾਨੀ ਲਹਿਰ ਦਾ ਸਭ ਤੋਂ ਜਿਆਦਾ ਗਰਮ ਸਥਾਨ ਵੀ ਇੱਥੇ ਰਿਹਾ ਹੈ। ਬਿਜਨੌਰ ਵਿੱਚ ਵੀ ਬੀਜੇਪੀ ਨੂੰ ਸਖਤ ਟੱਕਰ ਮਿਲੀ ਹੈ। ਬਿਜਨੌਰ ਦੀਆਂ ਜ਼ਿਲ੍ਹਾ ਪੰਚਾਇਤ ਚੋਣਾਂ ਵਿੱਚ ਭਾਜਪਾ ਨੂੰ ਸਿਰਫ 7 ਸੀਟਾਂ ਮਿਲੀਆਂ ਹਨ ਜਦਕਿ ਸਪਾ ਨੇ 20 ਸੀਟਾਂ ਜਿੱਤੀਆਂ ਹਨ। ਇਸ ਤੋਂ ਇਲਾਵਾ ਬਸਪਾ 7 ਅਤੇ ਆਰਐਲਡੀ ਸਮੇਤ ਹੋਰਨਾਂ ਨੇ 22 ਸੀਟਾਂ ਜਿੱਤੀਆਂ ਹਨ। ਕਿਸਾਨ ਅੰਦੋਲਨ ਦਾ ਅਸਰ ਹਾਪੁੜ ਵਿੱਚ ਵੀ ਦਿਖਾਈ ਦੇ ਰਿਹਾ ਹੈ, ਬਸਪਾ ਇੱਥੇ ਲੜਾਈ ਵਿੱਚ ਨਜ਼ਰ ਆ ਰਹੀ ਹੈ। 19 ਵਾਰਡਾਂ ਵਿੱਚ ਬਸਪਾ ਨੂੰ 5, ਭਾਜਪਾ ਨੂੰ 3, ਸਪਾ ਨੂੰ 2 ਅਤੇ ਹੋਰਾਂ ਨੂੰ ਤਿੰਨ ਸੀਟਾਂ ਮਿਲੀਆਂ ਹਨ। ਬਾਗਪਤ ਵਿੱਚ ਆਰਐਲਡੀ ਅਤੇ ਭਾਜਪਾ ਦਰਮਿਆਨ ਸਖਤ ਟੱਕਰ ਹੈ, ਪਰ ਚੌਧਰੀ ਅਜੀਤ ਸਿੰਘ ਦਾ ਪੱਲੜਾ ਭਾਰੀ ਹੈ।
