cm kejriwal address to the country: ਨਵੀਂ ਦਿੱਲੀ: ਸੁਤੰਤਰਤਾ ਦਿਵਸ ਦੀ 74 ਵੀਂ ਵਰ੍ਹੇਗੰਢ ਦੇ ਮੌਕੇ ‘ਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਦੇਸ਼ ਦੇ ਨਾਮ ਸੰਬੋਧਨ ਕੀਤਾ ਹੈ। ਇਸ ਸੰਬੋਧਨ ਵਿੱਚ ਅਰਵਿੰਦ ਕੇਜਰੀਵਾਲ ਨੇ ਦੇਸ਼ ਵਾਸੀਆਂ ਨੂੰ ਸੁਤੰਤਰਤਾ ਦਿਵਸ ‘ਤੇ ਪ੍ਰਣ ਲੈਣ ਦੀ ਅਪੀਲ ਕਰਦਿਆਂ ਕਿਹਾ ਕਿ ਇੱਕ ਅਜਿਹਾ ਭਾਰਤ ਉਸਾਰੋ ਜੋ ਸਾਡੇ ਅਮਰ ਸ਼ਹੀਦਾਂ ਦੇ ਸੁਪਨਿਆਂ ਦਾ ਭਾਰਤ ਹੋਵੇ। ਪਹਿਲਾ ਵਾਅਦਾ, ਜ਼ਿੰਦਗੀ ‘ਚ ਕੋਈ ਭ੍ਰਿਸ਼ਟਾਚਾਰ ਨਹੀਂ ਕਰਾਂਗੇ। ਨਾ ਰਿਸ਼ਵਤ ਲਵਾਂਗੇ ਅਤੇ ਨਾ ਹੀ ਰਿਸ਼ਵਤ ਦੇਵਾਂਗੇ। ਰਿਸ਼ਵਤ ਲੈਣਾ, ਰਿਸ਼ਵਤ ਦੇਣਾ ਅਤੇ ਭ੍ਰਿਸ਼ਟਾਚਾਰ ਕਰਨਾ ਦੇਸ਼ ਅਤੇ ਭਾਰਤ ਮਾਤਾ ਨਾਲ ਧੋਖਾ ਹੈ, ਅਤੇ ਉਨ੍ਹਾਂ ਸੈਨਿਕਾਂ ਨਾਲ ਗਦਾਰੀ ਵੀ ਹੈ ਜੋ ਸਰਹੱਦ ‘ਤੇ ਆਪਣੀਆਂ ਜਾਨਾਂ ਕੁਰਬਾਨ ਕਰਦੇ ਹਨ। ਇਹ ਉਨ੍ਹਾਂ ਨਾਲ ਧੋਖਾ ਹੈ, ਜਿਨ੍ਹਾਂ ਨੇ ਦੇਸ਼ ਨੂੰ ਅਜ਼ਾਦ ਕਰਵਾਉਣ ਲਈ ਆਪਣੀ ਜਾਨ ਦਿੱਤੀ। ਇਹ ਭਗਤ ਸਿੰਘ, ਚੰਦਰਸ਼ੇਖਰ, ਸੁਭਾਸ਼ ਚੰਦਰ ਬੋਸ ਨਾਲ ਗਦਾਰੀ ਹੈ। ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਸਾਨੂੰ ਇੱਕ ਪ੍ਰਣ ਲੈਣਾ ਚਾਹੀਦਾ ਹੈ ਕਿ ਅਸੀਂ ਅਜਿਹਾ ਕੋਈ ਕੰਮ ਨਹੀਂ ਕਰਾਂਗੇ, ਜਿਸ ਨਾਲ ਪਾਣੀ ਜਾਂ ਹਵਾ ਦੇ ਪ੍ਰਦੂਸ਼ਣ ਦਾ ਕਾਰਨ ਬਣੇਗਾ। ਜੇ ਅਸੀਂ ਅੱਜ ਆਪਣੀ ਧਰਤੀ ਨੂੰ ਪ੍ਰਦੂਸ਼ਿਤ ਕਰਦੇ ਹਾਂ, ਤਾਂ ਅਸੀਂ ਨਾ ਸਿਰਫ ਆਪਣੇ ਦੇਸ਼ ਵਾਸੀਆਂ ਦੀਆਂ ਜ਼ਿੰਦਗੀਆਂ ਨਾਲ ਖੇਡ ਰਹੇ ਹਾਂ, ਬਲਕਿ ਆਉਣ ਵਾਲੀਆਂ ਪੀੜ੍ਹੀਆਂ ਦੀਆਂ ਜ਼ਿੰਦਗੀਆਂ ਨੂੰ ਵੀ ਦਾਅ ‘ਤੇ ਲਗਾ ਰਹੇ ਹਾਂ।
ਕੇਜਰੀਵਾਲ ਨੇ ਕਿਹਾ ਕਿ ਜਦੋਂ ਅਸੀਂ ਸੜਕ ‘ਤੇ ਨਿਕਲਦੇ ਹਾਂ, ਤਾਂ 2 ਮਿੰਟ ਲਈ ਵੀ ਨਹੀਂ ਸੋਚਦੇ ਤੇ ਕੁੱਝ ਖਾ ਕੂੜਾ ਸੜਕ ‘ਤੇ ਸੁੱਟ ਦਿੰਦੇ ਹਾ। ਇਹ ਸੜਕ ਵੀ ਆਪਣੀ ਹੈ, ਆਪਣੇ ਘਰ ‘ਚ ਨਹੀਂ ਸੁੱਟਦੇ, ਆਪਣੇ ਡਰਾਇੰਗ ਰੂਮ ‘ਚ ਨਹੀਂ ਸੁੱਟਦੇ, ਪਰ ਇਸਨੂੰ ਸੜਕ ‘ਤੇ ਸੁੱਟ ਦਿੰਦੇ ਹਾਂ। ਸਾਨੂੰ ਆਪਣੇ ਦੇਸ਼ ਨੂੰ ਸਾਫ ਸੁਥਰਾ ਰੱਖਣਾ ਪਏਗਾ। ਮੁੱਖ ਮੰਤਰੀ ਨੇ ਕਿਹਾ ਕਿ ਅੱਜ, 15 ਅਗਸਤ ਨੂੰ ਸਾਨੂੰ ਇਹ ਤਿੰਨ ਪ੍ਰਣ ਲੈਂਣੇ ਚਾਹੀਦੇ ਹਨ, ਤਾਂ ਹੀ ਅਸੀਂ ਸੋਚ ਸਕਦੇ ਹਾਂ, ਅਸੀਂ ਉਨ੍ਹਾਂ ਲੋਕਾਂ ਦੀ ਕੁਰਬਾਨੀ ਨੂੰ ਯਾਦ ਕਰ ਰਹੇ ਹਾਂ ਜਿਨ੍ਹਾਂ ਨੇ ਸਾਨੂੰ ਆਜ਼ਾਦੀ ਦਿੱਤੀ ਹੈ। ਕੋਰੋਨਾ ਯੁੱਗ ਦਾ ਜ਼ਿਕਰ ਕਰਦਿਆਂ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਵੀ ਦਿੱਲੀ ਮਾਡਲ ਦਾ ਜ਼ਿਕਰ ਕੀਤਾ ਅਤੇ ਆਪਣੀ ਗੱਲ ਰੱਖੀ ਕਿ ਰਾਜਧਾਨੀ ਵਿੱਚ ਕੋਰੋਨਾ ਕਿਵੇਂ ਕਾਬੂ ਵਿੱਚ ਆ ਰਿਹਾ ਹੈ। ਕੇਜਰੀਵਾਲ ਨੇ ਕਿਹਾ ਕਿ ਮੈਨੂੰ ਡਰ ਹੈ ਕਿ ਜੇ ਇਹ ਪਿੰਡਾਂ ‘ਚ ਫੈਲ ਜਾਂਦਾ ਹੈ, ਤਾਂ ਇਹ ਦੇਸ਼ ਦੇ ਅੰਦਰ ਇੱਕ ਤਬਾਦਾ ਦਾ ਰੂਪ ਲੈ ਸਕਦਾ ਹੈ, ਇਸ ਲਈ ਹਰ ਪਿੰਡ ਦੇ ਅੰਦਰ ਆਕਸੀਮੀਟਰ, ਆਕਸੀਜਨ ਸਿਲੰਡਰ ਲਿਜਾਣਾ ਚਾਹੀਦਾ ਹੈ।
ਹਰ ਪਿੰਡ ਵਿੱਚ ਟੈਸਟਿੰਗ ਸਹੂਲਤਾਂ ਸ਼ੁਰੂ ਕੀਤੀਆਂ ਜਾਣੀਆਂ ਚਾਹੀਦੀਆਂ ਹਨ। ਅਜਿਹੀ ਸਥਿਤੀ ‘ਚ, ਜੇ ਕੋਈ ਬੀਮਾਰ ਹੈ, ਤਾਂ ਉਹ ਆਸਾਨੀ ਨਾਲ ਆਕਸੀਜਨ ਲੈ ਸਕਦਾ ਹੈ, ਜੇ ਲੱਛਣ ਘੱਟ ਹੋਣ ਤਾਂ ਉਸ ਦਾ ਘਰ ‘ਚ ਇਲਾਜ ਕੀਤਾ ਜਾ ਸਕਦਾ ਹੈ ਅਤੇ ਜੇ ਉਹ ਵਧੇਰੇ ਬੀਮਾਰ ਹੈ, ਤਾਂ ਉਸਨੂੰ ਹਸਪਤਾਲ ਭੇਜਿਆ ਜਾ ਸਕਦਾ ਹੈ। ਇਸ ਤਰ੍ਹਾਂ ਕਰਨ ਨਾਲ, ਹਰ ਪਿੰਡ ਵਿੱਚ ਕੋਰੋਨਾ ਦੇ ਨਿਯੰਤਰਣ ਦੀ ਸਹੂਲਤ ਤਿਆਰ ਹੋ ਜਾਵੇਗੀ ਅਤੇ ਹਸਪਤਾਲਾਂ ਉੱਤੇ ਦਬਾਅ ਘੱਟ ਹੋਵੇਗਾ। ਇਹ ਸਮਾਂ ਇੱਕ ਦੂਜੇ ਜਾਂ ਕਿਸੇ ਸਰਕਾਰ ਦੀ ਬੁਰਾਈ ਕਰਨ ਦਾ ਨਹੀਂ, ਇੱਕ ਦੂਜੇ ਨਾਲ ਲੜਨ ਦਾ ਨਹੀਂ ਹੈ। ਹੁਣ ਸਮਾਂ ਆ ਗਿਆ ਹੈ ਕਿ ਹਰ ਕੋਈ ਇਕੱਠੇ ਹੋ ਕੇ ਕੋਰੋਨਾ ਨਾਲ ਲੜੇ। ਕੋਰੋਨਾ ਹਾਰ ਜਾਵੇਗਾ ਜੇ ਅਸੀਂ ਇਕੱਠੇ ਲੜਾਂਗੇ, ਆਪਸ ਵਿੱਚ ਲੜਾਂਗੇ ਤਾ ਕੋਰੋਨਾ ਜਿੱਤੇਗਾ।
