sero survey delhi corona virus: ਦੇਸ਼ ਵਿੱਚ ਕੋਰੋਨਾ ਵਾਇਰਸ ਲਗਾਤਾਰ ਤਬਾਹੀ ਮਚਾ ਰਿਹਾ ਹੈ। ਹਾਲਾਂਕਿ, ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿੱਚ ਪਿੱਛਲੇ ਦਿਨਾਂ ਵਿੱਚ ਕੋਰੋਨਾ ਦੀ ਲਾਗ ਵਿੱਚ ਕਮੀ ਆਈ ਹੈ। ਇਸ ਦੌਰਾਨ, ਇੱਕ ਨਵਾਂ ਸੀਰੋ ਸਰਵੇ ਸਾਹਮਣੇ ਆਇਆ ਹੈ ਕਿ ਦਿੱਲੀ ਦੇ 29.1 ਫ਼ੀਸਦੀ ਲੋਕਾਂ ਵਿੱਚ ਕੋਵਿਡ -19 ਐਂਟੀਬਾਡੀ ਪਾਇਆ ਗਿਆ ਹੈ। ਦੂਜੇ ਸੀਰੋ ਸਰਵੇ ਦੀ ਰਿਪੋਰਟ ਜਾਰੀ ਕਰਦਿਆਂ ਦਿੱਲੀ ਦੇ ਸਿਹਤ ਮੰਤਰੀ ਸਤੇਂਦਰ ਜੈਨ ਨੇ ਕਿਹਾ ਕਿ ਦੇਸ਼ ਦੀ ਰਾਜਧਾਨੀ ਵਿੱਚ 1 ਤੋਂ 7 ਅਗਸਤ ਤੱਕ ਸੀਰੋ ਸਰਵੇ ਦੇ ਨਮੂਨੇ ਲਏ ਗਏ ਸਨ। ਇਸਦੇ ਅਨੁਸਾਰ, ਇਸ ਵਾਰ ਕੋਵਿਡ -19 ਐਂਟੀਬਾਡੀ 29.1% ਲੋਕਾਂ ਵਿੱਚ ਮਿਲੀ ਹੈ। ਦਿੱਲੀ ਦੀ ਆਬਾਦੀ ਕਰੀਬ 2 ਕਰੋੜ ਹੈ। ਜਿਸ ਵਿੱਚੋਂ 15 ਹਜ਼ਾਰ ਨਮੂਨੇ ਲਏ ਗਏ ਸਨ।
ਸਿਹਤ ਮੰਤਰੀ ਸਤੇਂਦਰ ਜੈਨ ਨੇ ਕਿਹਾ ਕਿ ਦੂਸਰੇ ਸੀਰੋ ਦੇ ਸਰਵੇਖਣ ਵਿੱਚ, ਮਰਦਾਂ ਵਿੱਚੋਂ 28.3% ਅਤੇ 32.2% ਔਰਤਾਂ ਵਿੱਚ ਐਂਟੀਬਾਡੀ ਪਾਈਆਂ ਗਈਆਂ ਹਨ। ਇਸ ਦੇ ਨਾਲ ਹੀ 60 ਲੱਖ ਲੋਕਾਂ ‘ਚ ਐਂਟੀਬਾਡੀਜ਼ ਬਣ ਗਏ ਹਨ। ਇਸ ਤੋਂ ਪਹਿਲਾਂ ਐਨ ਸੀ ਡੀ ਸੀ ਦੇ ਤਹਿਤ ਪਹਿਲਾ ਸੀਰੋ ਸਰਵੇ ਕੀਤਾ ਗਿਆ ਸੀ। ਜਿਸ ਵਿੱਚ ਲੱਗਭਗ 23.48 ਫ਼ੀਸਦੀ ਲੋਕਾਂ ‘ਚ ਐਂਟੀਬਾਡੀਜ਼ ਪਾਏ ਗਏ ਸਨ। ਦੱਸ ਦੇਈਏ ਕਿ ਜਿੱਥੇ ਦੇਸ਼ ਵਿੱਚ ਕੋਰੋਨਾ ਵਾਇਰਸ ਦੀ ਲਾਗ ਦੇ ਮਾਮਲੇ 28 ਲੱਖ ਨੂੰ ਪਾਰ ਕਰ ਚੁੱਕੇ ਹਨ, ਦੂਜੇ ਪਾਸੇ, ਦਿੱਲੀ ਵਿੱਚ 1.56 ਲੱਖ ਤੋਂ ਵੱਧ ਲੋਕਾਂ ਵਿੱਚ ਕੋਰੋਨਾ ਦੀ ਲਾਗ ਪਾਈ ਗਈ ਹੈ। ਇਨ੍ਹਾਂ ਵਿੱਚੋਂ 1.40 ਲੱਖ ਤੋਂ ਵੱਧ ਲੋਕਾਂ ਦਾ ਇਲਾਜ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ, ਹੁਣ ਦਿੱਲੀ ‘ਚ 11,137 ਐਕਟਿਵ ਕੋਰੋਨਾ ਮਾਮਲੇ ਹਨ।
