ਚੰਡੀਗੜ੍ਹ ਪ੍ਰਸ਼ਾਸਨ ਵੱਲੋਂ ਸ਼ਹਿਰ ਵਿੱਚ ਪ੍ਰਦੂਸ਼ਣ ਦੇ ਪੱਧਰ ਨੂੰ ਘੱਟ ਕਰਨ ਲਈ ਇਲੈਕਟ੍ਰਿਕ ਵਾਹਨ ਨੀਤੀ ਦਾ ਨੋਟੀਫਿਕੇਸ਼ਨ ਜਾਰੀ ਕੀਤਾ ਗਿਆ ਹੈ । ਇਸ ਨੀਤੀ ਲਈ ਪੰਜ ਸਾਲ ਦਾ ਟੀਚਾ ਮਿੱਥਿਆ ਗਿਆ ਹੈ । ਜਿਸਦੇ ਤਹਿਤ ਦੋ ਸਾਲਾਂ ਵਿੱਚ ਪੈਟਰੋਲ ਮੋਟਰਸਾਈਕਲ ਬੰਦ ਕਰ ਦਿੱਤੇ ਜਾਣਗੇ । ਸਿਰਫ਼ ਈ-ਬਾਈਕ ਹੀ ਰਜਿਸਟਰਡ ਹੋਣਗੀਆਂ । ਪੈਟਰੋਲ-ਡੀਜ਼ਲ ਵਾਲੀਆਂ ਕਾਰਾਂ ਵੀ ਪੰਜ ਸਾਲਾਂ ਵਿੱਚ ਘਟਾਉਣ ਦੀ ਤਿਆਰੀ ਹੈ । ਨਵਾਂ ਈ-ਵਾਹਨ ਖਰੀਦਣ ‘ਤੇ ਲੋਕਾਂ ਨੂੰ ਤਿੰਨ ਹਜ਼ਾਰ ਤੋਂ ਦੋ ਲੱਖ ਰੁਪਏ ਤੱਕ ਦਾ ਇੰਸੈਂਟਿਵ ਵੀ ਮਿਲੇਗਾ।
ਇਸ ਸਬੰਧੀ ਸਲਾਹਕਾਰ ਧਰਮਪਾਲ ਨੇ ਕਿਹਾ ਕਿ ਪਹਿਲੇ ਪੰਜ ਸਾਲਾਂ ਲਈ ਇਹ ਨੀਤੀ ਬਣਾਈ ਗਈ ਹੈ । ਜਿਸ ਵਿੱਚ ਈ-ਸਾਈਕਲ, ਈ-ਟੂ-ਵ੍ਹੀਲਰ, ਈ-ਕਾਰਟ, ਈ-ਆਟੋ ਅਤੇ ਈ-ਫੋਰ ਵ੍ਹੀਲਰ ਸ਼ਾਮਲ ਹਨ। ਉਨ੍ਹਾਂ ਨੇ ਕਿਹਾ ਕਿ ਸਾਲ ਦਰ ਸਾਲ ਪੈਟਰੋਲ ਅਤੇ ਡੀਜ਼ਲ ਵਾਹਨਾਂ ਦੀ ਗਿਣਤੀ ਨੂੰ ਘਟਾਇਆ ਜਾਵੇਗਾ । ਇਹ ਫੈਸਲਾ ਕੀਤਾ ਗਿਆ ਹੈ ਕਿ ਹਰ ਸਾਲ ਡੀਜ਼ਲ-ਪੈਟਰੋਲ ਵਾਹਨਾਂ ਦੀ ਇੱਕ ਨਿਸ਼ਚਿਤ ਪ੍ਰਤੀਸ਼ਤਤਾ ਹੀ ਰਜਿਸਟਰ ਕੀਤੀ ਜਾਵੇਗੀ, ਉਸ ਤੋਂ ਬਾਅਦ ਸਿਰਫ ਈ-ਬਾਈਕ ਹੀ ਰਜਿਸਟਰਡ ਹੋਣਗੀਆਂ । ਉਨ੍ਹਾਂ ਕਿਹਾ ਕਿ ਸਿਰਫ਼ ਚੰਡੀਗੜ੍ਹ ਹੀ ਰਜਿਸਟਰਡ ਵਾਹਨਾਂ ਲਈ ਉਪਲਬਧ ਹੋਵੇਗਾ। ਹਰ ਸੈਕਟਰ ਵਿੱਚ ਚਾਰਜਿੰਗ ਸਟੇਸ਼ਨ ਬਣਾਏ ਜਾਣਗੇ। ਹੁਣ ਤੱਕ ਈਵੀ ‘ਤੇ ਪ੍ਰੋਤਸਾਹਨ ਦੇਣ ਦੀ ਅਧਿਕਤਮ ਸੀਮਾ 75,000 ਰੁਪਏ ਸੀ, ਇਸ ਨੂੰ ਵਧਾ ਕੇ 1.5 ਲੱਖ ਰੁਪਏ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਵਪਾਰਕ ਵਾਹਨਾਂ ‘ਤੇ ਵੱਧ ਤੋਂ ਵੱਧ 2 ਲੱਖ ਰੁਪਏ ਦੀ ਛੋਟ ਹੋਵੇਗੀ ।
ਇਸ ਤੋਂ ਇਲਾਵਾ ਬਿਲਡਿੰਗ ਉਪ-ਨਿਯਮਾਂ ਵਿੱਚ ਵੀ ਸੋਧ ਕੀਤੀ ਜਾਵੇਗੀ ਤਾਂ ਜੋ ਨਵੀਆਂ ਇਮਾਰਤਾਂ ਵਿੱਚ ਚਾਰਜਿੰਗ ਸਟੇਸ਼ਨਾਂ ਲਈ 20 ਪ੍ਰਤੀਸ਼ਤ ਘਰਾਂ ਦੀ ਪਾਰਕਿੰਗ ਥਾਂ ਰਾਖਵੀਂ ਰੱਖੀ ਜਾਵੇ । ਪਾਲਿਸੀ ਦੇ ਅਨੁਸਾਰ ਜਿਸ ਵਿਅਕਤੀ ਦੇ ਘਰ ਵਿੱਚ ਚਾਰ ਈਵੀ ਹੋਣਗੇ , ਉਸਨੂੰ ਲਾਜ਼ਮੀ ਤੌਰ ‘ਤੇ ਘਰ ਵਿੱਚ ਚਾਰਜਿੰਗ ਸਟੇਸ਼ਨ ਲਗਾਉਣਾ ਪਵੇਗਾ। ਇਸ ਦੇ ਲਈ ਲੋਕਾਂ ਨੂੰ ਪ੍ਰੋਤਸਾਹਨ ਵੀ ਦਿੱਤਾ ਜਾਵੇਗਾ । ਪਹਿਲੇ 30 ਹਜ਼ਾਰ ਚਾਰਜਿੰਗ ਪੁਆਇੰਟਾਂ ‘ਤੇ 6000 ਰੁਪਏ ਦੀ ਛੋਟ ਦਿੱਤੀ ਜਾਵੇਗੀ।
ਦੱਸ ਦੇਈਏ ਕਿ ਘਰ ਦੇ ਬਾਹਰ ਈਵੀ ਨੂੰ ਚਾਰਜ ਕਰਨ ਲਈ ਪ੍ਰਸ਼ਾਸਨ ਪੂਰੇ ਸ਼ਹਿਰ ਵਿੱਚ 100 ਚਾਰਜਿੰਗ ਸਟੇਸ਼ਨ ਸਥਾਪਤ ਕਰੇਗਾ। ਯੋਜਨਾ ਦੇ ਅਨੁਸਾਰ ਹਰੇਕ ਪਾਰਕਿੰਗ ਵਿੱਚ ਇੱਕ ਚਾਰਜਿੰਗ ਸਟੇਸ਼ਨ ਹੋਵੇਗਾ । ਇਸ ਸਮੇਂ ਸੈਕਟਰ-19 ਵਿੱਚ ਕਮਿਊਨਿਟੀ ਹਾਲ ਪਾਰਕਿੰਗ ਏਰੀਆ, ਸੈਕਟਰ-24ਏ ਵਿੱਚ ਪਬਲਿਕ ਪਾਰਕਿੰਗ ਏਰੀਆ, ਸੈਕਟਰ-50 ਵਿੱਚ ਬਿਜ਼ਨਸ ਕਾਲਜ, ਸੈਕਟਰ-42 ਵਿੱਚ ਪਾਮ ਗਾਰਡਨ, ਸਾਰੰਗਪੁਰ ਵਿੱਚ ਬੋਟੈਨੀਕਲ ਗਾਰਡਨ, ਸੈਕਟਰ-31ਏ ਵਿੱਚ ਦੋ ਜਪਾਨੀ ਗਾਰਡਨ ਅਤੇ ਸੈਕਟਰ-31 ਵਿੱਚ ਸਥਿਤ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
