ਪੰਜਾਬ ‘ਚ ਠੰਡ ਨੇ ਦਸਤਕ ਦੇ ਦਿੱਤੀ ਹੈ ਅਤੇ ਧੁੰਦ ਦੇ ਮੌਸਮ ਵਿੱਚ ਸੜਕ ਹਾਦਸੇ ਹੁੰਦੇ ਰਹਿੰਦੇ ਹੈ। ਐੱਨਸੀਆਰਬੀ ਨੇ ਇੱਕ ਰਿਪੋਰਟ ਪੇਸ਼ ਕੀਤੀ ਹੈ। ਰਿਪੋਰਟ ਅਨੁਸਾਰ ਲੁਧਿਆਣਾ 2020 ਵਿੱਚ ਸੜਕ ਹਾਦਸਿਆਂ ਵਿੱਚ ਉੱਚ ਮੌਤ ਦਰ ਵਾਲੇ ਦੇਸ਼ ਦੇ ਚੋਟੀ ਦੇ 10 ਸ਼ਹਿਰਾਂ ਵਿੱਚ ਸ਼ਾਮਲ ਸੀ। ਅੰਕੜਿਆਂ ਤੋਂ ਪਤਾ ਲੱਗਿਆ ਹੈ ਕਿ ਲੁਧਿਆਣਾ ਵਿੱਚ ਮੌਤ ਦਰ 72.4 ਫ਼ੀਸਦ ਹੈ, ਜਿਸਦਾ ਮਤਲਬ ਹੈ ਕਿ ਹਰ 100 ਸੜਕ ਹਾਦਸਿਆਂ ਵਿੱਚ 72 ਤੋਂ ਵੱਧ ਵਿਅਕਤੀਆਂ ਦੀ ਮੌਤ ਹੋ ਜਾਂਦੀ ਹੈ। ਜਾਣਕਾਰੀ ਅਨੁਸਾਰ ਮੌਤ ਦਰ ਵਿੱਚ ਦੇਸ਼ ਦੇ 53 ਸ਼ਹਿਰਾਂ ‘ਚੋਂ ਲੁਧਿਆਣਾ ਅੱਠਵੇਂ ਸਥਾਨ ‘ਤੇ ਹੈ। ਗਾਜ਼ੀਆਬਾਦ 106.5 ਫ਼ੀਸਦ ਨਾਲ ਸਭ ਤੋਂ ਖ਼ਰਾਬ ਸ਼ਹਿਰ ਮੰਨਿਆ ਜਾਂਦਾ ਹੈ, ਇਸ ਤੋਂ ਬਾਅਦ ਨਾਸਿਕ 106.12 ਫ਼ੀਸਦ ਅਤੇ ਆਗਰਾ ਅਤੇ ਮੁੰਬਈ 100 ਫ਼ੀਸਦ ‘ਤੇ ਹੈ। ਸਾਰੇ ਸ਼ਹਿਰਾਂ ਲਈ ਔਸਤ ਮੁੱਲ 23.9 ਫ਼ੀਸਦ ਸੀ।
ਸਾਲ 2020 ਦੌਰਾਨ ਲੁਧਿਆਣਾ ਵਿੱਚ ਸਭ ਤੋਂ ਵੱਧ ਮੌਤ ਦਰ ਸੀ। ਅੰਮ੍ਰਿਤਸਰ 66 ਫ਼ੀਸਦ, ਫਰੀਦਾਬਾਦ 43.9 ਫ਼ੀਸਦ, ਚੰਡੀਗੜ੍ਹ 33.8 ਫ਼ੀਸਦ ਅਤੇ ਸ਼੍ਰੀਨਗਰ 16.3 ਫ਼ੀਸਦ ਨਾਲ ਦੂਜੇ ਸਥਾਨ ‘ਤੇ ਸੀ। ਇਸ ਦੌਰਾਨ, ਇੱਕ ਸੜਕ ਸੁਰੱਖਿਆ ਮਾਹਰ ਨੇ ਲੋਕਾਂ ਨੂੰ ਖਾਸ ਤੌਰ ‘ਤੇ ਧੁੰਦ ਦੇ ਮੌਸਮ ‘ਚ ਧਿਆਨ ਨਾਲ ਵਾਹਨ ਚਲਾਉਣ ਦੀ ਸਲਾਹ ਦਿੱਤੀ ਜਦੋਂ ਵਿਜ਼ੀਬਿਲਟੀ ਘੱਟ ਹੋਵੇ। ਭਾਰਤ ‘ਚ ਸੜਕ ਸੁਰੱਖਿਆ ਲਈ ਇੱਕ ਸਿਖਰਲੀ ਸੰਸਥਾ ਨੈਸ਼ਨਲ ਰੋਡ ਸੇਫਟੀ ਕੌਂਸਲ ਦੇ ਮੈਂਬਰ ਕਮਲਜੀਤ ਸੋਈ ਨੇ ਕਿਹਾ,ਧੁੰਦ ਦੇ ਮੌਸਮ ਵਿੱਚ ਜਦੋਂ ਵਿਜ਼ੀਬਿਲਟੀ ਘੱਟ ਹੁੰਦੀ ਹੈ, ਉੱਥੇ ਰੋਡ ਮਾਰਕਿੰਗ, ਡੈਲੀਨੇਟਰ ਅਤੇ ਰੋਡ ਸਟੱਡਸ ਸਣੇ ਸੜਕ ਸੁਰੱਖਿਆ ਦੀ ਲੋੜ ਹੁੰਦੀ ਹੈ। ਅਜਿਹੇ ਮੌਸਮ ਵਿੱਚ ਵਾਹਨ ਚਲਾਉਣ ਵਾਲਿਆਂ ਨੂੰ ਬਹੁਤ ਸਾਵਧਾਨੀ ਨਾਲ ਗੱਡੀ ਚਲਾਉਣੀ ਚਾਹੀਦੀ ਹੈ ਕਿਉਂਕਿ ਜ਼ਿਆਦਾਤਰ ਦੁਰਘਟਨਾਵਾਂ ਘਾਤਕ ਹੁੰਦੀਆਂ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
Congress Person open CM Channi’s ” ਪੋਲ”, “CM Channi Spent crores of rupees for advertisement”
