ਬਾਲਕ ਗੋਬਿੰਦ ਰਾਏ ਦੀ ਨਿਡਰਤਾ ਵੇਖ ਜਦੋਂ ਨਵਾਬ ਵੀ ਹੋ ਗਿਆ ਨਤਮਸਤਕ

See the fearlessness of the boy Gobind Rai : ਇੱਕ ਦਿਨ ਪਟਨਾ ਸਾਹਿਬ ਨਗਰ ਦੇ ਮੁੱਖ ਬਾਜ਼ਾਰ ਵਿੱਚੋਂ ਸਥਨੀਏ ਨਵਾਬ ਦੀ ਸਵਾਰੀ ਗੁਜਰਨੀ ਸੀ। ਉਨ੍ਹਾਂ ਦਿਨਾਂ ਦੀ ਪਰੰਪਰਾ ਦੇ ਅਨੁਸਾਰ ਅੱਗੇ–ਅੱਗੇ ਨਗਾੜਚੀ ਉੱਚੀ ਆਵਾਜ਼ ਵਿੱਚ ਬੋਲ ਰਿਹਾ ਸੀ, ਬਾ–ਇੱਜਤ, ਬਾ– ਮੁਲਾਹਿਜਾ ਹੋਸ਼ਿਆਰ ਪਟਨਾ ਦੇ ਨਵਾਬ ਤਸ਼ਰੀਫ ਲਿਆ ਰਹੇ ਹਨ।

ਇਹ ਵਾਕ ਸੁਣਦੇ ਹੀ ਉਥੇ ਦੇ ਲੋਕ ਆਪਣੇ-ਆਪਣੇ ਸਥਾਨ ਉੱਤੇ ਕਤਾਰਾਂ ਵਿੱਚ ਖੜ੍ਹੇ ਹੋ ਕੇ ਸਿਰ ਝੁਕਾ ਕੇ ਪ੍ਰਣਾਮ ਕਰਨ ਦੀ ਮੁਦਰਾ ਵਿੱਚ ਖੜ੍ਹੇ ਹੋ ਗਏ। ਪਰ ਗੋਬਿੰਦ ਰਾਏ ਨੂੰ ਇਹ ਸਭ ਬਹੁਤ ਅਜੀਬ ਜਿਹਾ ਲਗਿਆ ਕਿ ਆਮ ਲੋਕ ਇੱਕ ਵਿਅਕਤੀ ਵਿਸ਼ੇਸ਼ ਦੇ ਸਨਮਾਨ ਵਿੱਚ ਅਕਾਰਣ ਨਤ–ਮਸਤਕ ਹੋ ਗੁਲਾਮੀ ਜ਼ਾਹਰ ਕਰਣ।

ਇਹ ਵੀ ਪੜ੍ਹੋ : ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ ਵੱਲੋਂ ਅਖੀਰਲੇ ਸੁਆਸਾਂ ‘ਚ ਪੈਂਦੇ ਖਾਂ ਦੀ ਭੁੱਲ ਬਖਸ਼ਣਾ

ਉਨ੍ਹਾਂਨੇ ਤੁਰੰਤ ਆਪਣੇ ਸਾਥੀ ਬੱਚਿਆਂ ਨੂੰ ਇਸਦੇ ਉਲਟ ਕਰਣ ਦਾ ਨਿਰਦੇਸ਼ ਦਿੱਤਾ: ਫਿਰ ਕੀ ਸੀ, ਸਾਰੇ ਬਾਲਕ ਅੰਗ–ਰਕਸ਼ਕਾਂ ਨੂੰ ਮੁੰਹ ਚਿੜਾਉਣ ਲੱਗੇ ਅਤੇ ਉਨ੍ਹਾਂ ਦਾ ਮਜ਼ਾਕ ਉਡਾਉਂਦੇ ਹੋਏ ਊਧਮ ਮਚਾਉਣ ਲੱਗੇ। ਜਦੋਂ ਉਨ੍ਹਾਂ ਦੇ ਅੰਗ–ਰੱਖਿਅਕ ਬੱਚਿਆਂ ਨੂੰ ਫੜਨ ਭੱਜੇ ਤਾਂ ਉਹ ਇਧਰ–ਉੱਧਰ ਭੱਜ ਗਏ।

ਨਵਾਬ ਰਹੀਮਬਖਸ਼ ਨੇ ਪੁੱਛਗਿਛ ਕੀਤੀ ਕਿ ਉਹ ਬਾਲਕ ਕੌਣ ਸਨ ? ਕਿਉਂਕਿ ਪਹਿਲਾਂ ਕਦੇ ਅਜਿਹਾ ਨਹੀਂ ਹੋਇਆ ਸੀ ਕਿ ਕੋਈ ਵਿਅਕਤੀ ਅਤੇ ਬਾਲਕ ਉਨ੍ਹਾਂ ਦੇ ਅੰਗ-ਰੱਖਿਅਕਾਂ ਦੇ ਹੁਕਮਾਂ ਗੀ ਉਲੰਘਣਾ ਕਰਨ ਅਤੇ ਉਨ੍ਹਾਂ ਨੂੰ ਚੁਣੌਤੀ ਦੇਣ। ਜਦੋਂ ਉਸ ਨੂੰ ਪਤਾ ਲੱਗਾ ਕਿ ਉਨ੍ਹਾਂ ਬੱਚਿਆਂ ਦੀ ਅਗਵਾਈ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦਾ ਸਪੁੱਤਰ ਸ਼੍ਰੀ ਗੋਬਿੰਦ ਰਾਏ ਕਰ ਰਹੇ ਸਨ ਤਾਂ ਉਹ ਉਨ੍ਹਾਂ ਦੀ ਨਿਡਰਤਾ ਕਾਰਨ ਸ਼ਰਧਾ ਵਿੱਚ ਆ ਗਿਆ ਅਤੇ ਉਹ ਉਪਵਨ ਸੁੰਦਰ ਬਗੀਚੀ ਗੁਰੂ ਘਰ ਨੂੰ ਸਮਰਪਿਤ ਕਰ ਦਿੱਤੀ ਜਿਸ ਵਿਚ ਕੁੱਝ ਸਾਲ ਪਹਿਲਾਂ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਨੇ ਅਰਾਮ ਕੀਤਾ ਸੀ।