ਪੰਜਾਬ ਕਿੰਗਜ਼ ਦੇ ਕਪਤਾਨ ਅਤੇ ਭਾਰਤੀ ਬੱਲੇਬਾਜ਼ ਲੋਕੇਸ਼ ਰਾਹੁਲ ਦੀ ਸਿਹਤ ਵਿੱਚ ਹੁਣ ਸੁਧਾਰ ਹੋ ਰਿਹਾ ਹੈ ਅਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਹ 2 ਜੂਨ ਨੂੰ ਟੀਮ ਨਾਲ ਇੰਗਲੈਂਡ ਲਈ ਰਵਾਨਾ ਹੋ ਸਕਦਾ ਹੈ। ਰਾਹੁਲ ਅਪੈਂਡਿਸਾਈਟਸ ਦੀ ਬਿਮਾਰੀ ਨਾਲ ਜੂਝ ਰਿਹਾ ਹੈ ਪਰ ਉਹ ਇੰਗਲੈਂਡ ਦੌਰੇ ਲਈ ਟੀਮ ਵਿੱਚ ਸ਼ਾਮਿਲ ਸੀ। ਹਾਲਾਂਕਿ, ਉਨ੍ਹਾਂ ਦੇ ਫਿੱਟ ਹੋਣ ਤੋਂ ਬਾਅਦ ਹੀ ਉਨ੍ਹਾਂ ਦੇ ਖੇਡਣ ‘ਤੇ ਫੈਸਲਾ ਲਿਆ ਜਾਵੇਗਾ।
ਰਾਹੁਲ ਦੇ ਨਜ਼ਦੀਕੀ ਸੂਤਰ ਨੇ ਕਿਹਾ, “ਰਾਹੁਲ ਤੰਦਰੁਸਤ ਹੈ ਅਤੇ ਜਿੱਥੋਂ ਤੱਕ ਮੈਨੂੰ ਪਤਾ ਹੈ ਉਹ ਤੰਦਰੁਸਤ ਹੈ। ਉਹ ਟੀਮ ਦੇ ਨਾਲ ਇੰਗਲੈਂਡ ਜਾਣਗੇ।” ਸੂਤਰ ਨੇ ਕਿਹਾ, “ਹੁਣ ਸਮਾਂ ਹੈ। ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਤਕਰੀਬਨ ਇੱਕ ਮਹੀਨਾ ਹੈ ਅਤੇ ਉਸ ਤੋਂ ਬਾਅਦ ਇੰਗਲੈਂਡ ਖ਼ਿਲਾਫ਼ ਲੜੀ ਲਈ ਡੇਢ ਮਹੀਨੇ ਦਾ ਸਮਾਂ ਹੋਵੇਗਾ। ਭਾਰਤੀ ਟੀਮ ਇਸ ਤੋਂ ਪਹਿਲਾਂ ਵੀ ਅਜਿਹਾ ਕਰ ਚੁੱਕੀ ਹੈ। ਪਿੱਛਲੇ ਸਾਲ ਆਸਟ੍ਰੇਲੀਆ ਦੌਰੇ ‘ਤੇ ਵੀ ਜ਼ਖਮੀ ਰਿਧੀਮਾਨ ਸਾਹਾ ਨੂੰ ਲਿਜਾਇਆ ਗਿਆ ਸੀ।”
ਇਹ ਵੀ ਪੜ੍ਹੋ : ਚੱਕਰਵਾਤੀ ਤੂਫਾਨ ਯਾਸ ਅਗਲੇ 12 ਘੰਟਿਆਂ ‘ਚ ਹੋ ਸਕਦਾ ਹੈ ਖਤਰਨਾਕ…
ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਨੇ ਹਾਲਾਂਕਿ ਅਧਿਕਾਰਤ ਤੌਰ ‘ਤੇ ਇਹ ਘੋਸ਼ਣਾ ਨਹੀਂ ਕੀਤੀ ਹੈ ਕਿ ਕੀ ਸਾਹਾ ਅਤੇ ਰਾਹੁਲ ਦੌਰੇ ਦੇ ਲਈ ਫਿੱਟ ਹਨ ਜਾਂ ਨਹੀਂ। ਰਾਹੁਲ ਅਗਸਤ-ਸਤੰਬਰ 2019 ਤੋਂ ਬਾਅਦ ਟੈਸਟ ਨਹੀਂ ਖੇਡਿਆ ਹੈ। ਰਾਹੁਲ ਵੀ ਆਸਟ੍ਰੇਲੀਆ ਸੀਰੀਜ਼ ਦੌਰਾਨ ਟੀਮ ਵਿੱਚ ਸ਼ਾਮਿਲ ਸੀ ਪਰ ਉਸ ਨੂੰ ਖੇਡਣ ਦਾ ਮੌਕਾ ਨਹੀਂ ਮਿਲਿਆ। 29 ਸਾਲਾ ਬੱਲੇਬਾਜ਼ ਨੇ ਹੁਣ ਤੱਕ 36 ਟੈਸਟ ਮੈਚ ਖੇਡੇ ਹਨ ਅਤੇ 2006 ਦੌੜਾਂ ਬਣਾਈਆਂ ਹਨ ਜਿਸ ਵਿੱਚ ਪੰਜ ਸੈਂਕੜੇ ਅਤੇ 11 ਅਰਧ ਸੈਂਕੜੇ ਸ਼ਾਮਿਲ ਹਨ।
ਇਹ ਵੀ ਦੇਖੋ : BJP ਤੇ JJP ਵਾਲਿਆਂ ਨਾਲ ਨਹੀਂ ਕਰੇਗਾ ਕੋਈ ਵਿਆਹ, ਹੋ ਗਿਆ ਐਲਾਨ, ਕਿਸਾਨਾਂ ਨੇ ਤੋੜੇ ਸਾਰੇ ਰਿਸ਼ਤੇ
