ਯੂਕਰੇਨ ‘ਤੇ ਰੂਸ ਦੇ ਹਮਲੇ ਦਾ ਦੁਨੀਆ ਭਰ ਵਿੱਚ ਵਿਰੋਧ ਹੋ ਰਿਹਾ ਹੈ । ਖੇਡ ਜਗਤ ਨਾਲ ਜੁੜੇ ਲੋਕ ਵੀ ਰੂਸੀ ਹਮਲੇ ਦੀ ਕੜੀ ਨਿੰਦਾ ਕਰ ਰਹੇ ਹਨ। ਇਸ ਕੜੀ ਵਿੱਚ ਪੋਲੈਂਡ ਅਤੇ ਸਵੀਡਨ ਦੀਆਂ ਫੁੱਟਬਾਲ ਟੀਮਾਂ ਨੇ ਰੂਸ ਖਿਲਾਫ ਫੀਫਾ ਵਿਸ਼ਵ ਕੱਪ 2022 ਦਾ ਕੁਆਲੀਫਾਇਰ ਮੈਚ ਖੇਡਣ ਤੋਂ ਇਨਕਾਰ ਕਰ ਦਿੱਤਾ ਹੈ । ਪੋਲਿਸ਼ ਫੁੱਟਬਾਲ ਐਸੋਸੀਏਸ਼ਨ ਦੇ ਮੁਖੀ ਸੇਜਾਰੀ ਕੁਲੇਸਜਾ ਨੇ ਕਿਹਾ ਕਿ ਕੋਈ ਹੋਰ ਸ਼ਬਦ ਨਹੀਂ, ਕੰਮ ਕਰਨ ਦਾ ਸਮਾਂ! ਯੂਕਰੇਨ ਪ੍ਰਤੀ ਰੂਸੀ ਫੈਡਰੇਸ਼ਨ ਦੇ ਵਧੇ ਹੋਏ ਹਮਲੇ ਕਾਰਨ ਪੋਲਿਸ਼ ਰਾਸ਼ਟਰੀ ਟੀਮ ਰੂਸ ਦਾ ਰੂਸ ਖਿਲਾਫ਼ ਪਲੇਅ-ਆਫ ਮੈਚ ਖੇਡਣ ਦਾ ਇਰਾਦਾ ਨਹੀਂ ਹੈ । ਇਹ ਹੀ ਸਹੀ ਫੈਸਲਾ ਹੈ। ਅਸੀਂ ਸਵੀਡਨ ਅਤੇ ਚੈੱਕ ਗਣਰਾਜ ਦੇ ਫੁੱਟਬਾਲ ਸੰਘਾਂ ਨਾਲ ਗੱਲਬਾਤ ਕਰ ਰਹੇ ਹਾਂ।
ਪੋਲੈਂਡ ਦੇ ਕਪਤਾਨ ਰੌਬਰਟ ਲੇਵਾਂਡੋਵਸਕੀ ਨੇ ਆਪਣੇ ਆਉਣ ਵਾਲੇ ਵਿਸ਼ਵ ਕੱਪ ਪਲੇਆਫ ਵਿੱਚ ਰੂਸ ਨਾਲ ਖੇਡਣ ਤੋਂ ਇਨਕਾਰ ਕਰਨ ਦੇ ਫੈਸਲੇ ਦਾ ਤੁਰੰਤ ਸਮਰਥਨ ਕੀਤਾ। ਕੁਲੇਸਜਾ ਦੀ ਪੋਸਟ ਨੂੰ ਰੀਟਵੀਟ ਕਰਦੇ ਹੋਏ ਲੇਵਾਂਡੋਵਸਕੀ ਨੇ ਲਿਖਿਆ, ‘ਇਹ ਸਹੀ ਫੈਸਲਾ ਹੈ! ਮੈਂ ਅਜਿਹੀ ਸਥਿਤੀ ਵਿੱਚ ਰੂਸੀ ਰਾਸ਼ਟਰੀ ਟੀਮ ਨਾਲ ਮੈਚ ਖੇਡਣ ਦੀ ਕਲਪਨਾ ਨਹੀਂ ਕਰ ਸਕਦਾ ਜਦੋਂ ਯੂਕਰੇਨ ਵਿੱਚ ਹਮਲਾ ਹੋ ਰਿਹਾ ਹੈ। ਰੂਸੀ ਫੁੱਟਬਾਲਰ ਅਤੇ ਪ੍ਰਸ਼ੰਸਕ ਇਸਦੇ ਲਈ ਜ਼ਿੰਮੇਵਾਰ ਨਹੀਂ ਹਨ, ਪਰ ਅਸੀਂ ਇਹ ਦਿਖਾਵਾ ਨਹੀਂ ਕਰ ਸਕਦੇ ਕਿ ਕੁਝ ਨਹੀਂ ਹੋ ਰਿਹਾ ਹੈ।
ਇਹ ਵੀ ਪੜ੍ਹੋ: 2 ਯੂਕਰੇਨੀ ਸ਼ਹਿਰਾਂ ‘ਤੇ ਕਬਜ਼ੇ ਤੋਂ ਬਾਅਦ ਰੂਸ ਨੇ ਗੱਲਬਾਤ ਦੀ ਕੀਤੀ ਪੇਸ਼ਕਸ਼, ਯੂਕਰੇਨ ਨੇ ਰੱਖੀ ਇਹ ਸ਼ਰਤ
ਉੱਥੇ ਹੀ ਸਵੀਡਿਸ਼ ਫੁੱਟਬਾਲ ਐਸੋਸੀਏਸ਼ਨ ਦੇ ਪ੍ਰਧਾਨ ਕਾਰਲ-ਏਰਿਕ ਨਿੱਸਨ ਨੇ ਕਿਹਾ ਕਿ ਯੂਕਰੇਨ ਦੇ ਗੈਰ-ਕਾਨੂੰਨੀ ਅਤੇ ਡੂੰਘੇ ਬੇਇਨਸਾਫੀ ਵਾਲੇ ਹਮਲੇ ਨੇ ਰੂਸ ਨਾਲ ਸਾਰੇ ਫੁੱਟਬਾਲ ਮੈਚਾਂ ਨੂੰ ਅਸੰਭਵ ਬਣਾ ਦਿੱਤਾ ਹੈ। ਇਸ ਲਈ ਅਸੀਂ ਫੀਫਾ ਨੂੰ ਇਹ ਤੈਅ ਕਰਨ ਦੀ ਬੇਨਤੀ ਕਰਦੇ ਹਾਂ ਕਿ ਮਾਰਚ ਵਿੱਚ ਹੋਣ ਵਾਲੇ ਪਲੇਆਫ ਮੈਚ ਨੂੰ ਰੱਦ ਕਰ ਦਿੱਤਾ ਜਾਵੇ, ਜਿਸ ਵਿੱਚ ਰੂਸ ਨਾਲ ਮੁਕਾਬਲਾ ਹੋਣਾ ਹੈ। ਪਰ ਫੀਫਾ ਜੋ ਵੀ ਕਰੇ, ਅਸੀਂ ਮਾਰਚ ਵਿੱਚ ਰੂਸ ਦੇ ਖਿਲਾਫ ਨਹੀਂ ਖੇਡਾਂਗੇ।
ਦੱਸ ਦੇਈਏ ਕਿ ਦੂਜੇ ਪਾਸੇ ਫੀਫਾ ਦੇ ਪ੍ਰਧਾਨ ਗਿਆਨੀ ਇਨਫੈਂਟੀਨੋ ਨੇ ਕਿਹਾ ਕਿ ਅਸੀਂ ਸਥਿਤੀ ‘ਤੇ ਨਜ਼ਰ ਰੱਖ ਰਹੇ ਹਾਂ। ਅਸੀਂ ਜਲਦੀ ਹੀ ਵਿਸ਼ਵ ਕੱਪ ਕੁਆਲੀਫਾਇਰ ਬਾਰੇ ਅਪਡੇਟ ਕਰਾਂਗੇ। ਲੋੜ ਪੈਣ ‘ਤੇ ਅਸੀਂ ਤੁਰੰਤ ਫੈਸਲਾ ਲੈ ਸਕਦੇ ਹਾਂ। ਗੌਰਤਲਬ ਹੈ ਕਿ ਰੂਸ ਅਤੇ ਪੋਲੈਂਡ ਵਿਚਾਲੇ 24 ਮਾਰਚ ਨੂੰ ਮਾਸਕੋ ਵਿੱਚ ਮੈਚ ਹੋਣਾ ਹੈ। ਉਸ ਮੈਚ ਦੇ ਜੇਤੂ ਨੂੰ 29 ਮਾਰਚ ਨੂੰ ਸਵੀਡਨ ਜਾਂ ਚੈੱਕ ਗਣਰਾਜ ਦੀ ਮੇਜ਼ਬਾਨੀ ਕਰਨੀ ਹੋਵੇਗੀ । ਫੀਫਾ ਵਿਸ਼ਵ ਕੱਪ 21 ਨਵੰਬਰ ਤੋਂ ਦਸੰਬਰ ਤੱਕ ਕਤਰ ਵਿੱਚ ਆਯੋਜਿਤ ਕੀਤਾ ਜਾਣਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“Deep Sidhu ਦੀ ਮੌਤ ਦਾ ‘ਇਲੈਕਸ਼ਨ ਨਾਲ ਕੁਨੈਕਸ਼ਨ’, Rupinder Handa ਨੇ ਖੜ੍ਹੇ ਕੀਤੇ ਵੱਡੇ ਸਵਾਲ, ਜਦੋਂ ਸਾਰੇ ਗਾਇਕ ਇੱਕ ਪਾਸੇ ਤੇ ਉਹ ਕੱਲਾ ਪਾਸੇ ….”
