Rohan Bopanna Denis Shapovalov: ਦਿੱਗਜ ਭਾਰਤੀ ਟੈਨਿਸ ਖਿਡਾਰੀ ਰੋਹਨ ਬੋਪੰਨਾ ਅਤੇ ਉਸ ਦੇ ਸਾਥੀ ਕੈਨੇਡਾ ਦੇ ਡੇਨਿਸ ਸ਼ਾਪੋਵਾਲੋਵ ਸਾਲ ਦੇ ਚੌਥੇ ਗ੍ਰੈਂਡ ਸਲੈਮ ਯੂਐਸ ਓਪਨ ਦੇ ਪੁਰਸ਼ ਡਬਲਜ਼ ਦੇ ਦੂਜੇ ਗੇੜ ਵਿੱਚ ਪਹੁੰਚ ਗਏ ਹਨ। ਰੋਹਨ ਬੋਪੰਨਾ ਅਤੇ ਉਸ ਦੇ ਸਾਥੀ ਕਨੇਡਾ ਦੇ ਡੇਨਿਸ ਸ਼ਾਪੋਵਾਲੋਵ ਦੀ ਜੋੜੀ ਨੇ ਸਿੱਧੇ ਸੈੱਟਾਂ ਵਿੱਚ ਜਿੱਤ ਪ੍ਰਾਪਤ ਕਰਕੇ ਅਗਲੇ ਗੇੜ ਵਿੱਚ ਜਗ੍ਹਾ ਬਣਾ ਲਈ ਹੈ।
ਬੋਪੰਨਾ ਅਤੇ ਸ਼ਾਪੋਵਾਲੋਵ ਨੇ ਸ਼ੁੱਕਰਵਾਰ ਨੂੰ ਆਪਣੇ ਪਹਿਲੇ ਗੇੜ ਦੇ ਮੈਚ ਵਿੱਚ ਅਮਰੀਕੀ ਖਿਡਾਰੀਆਂ ਅਰਨੇਸਟੋ ਐਸਕੋਬੇਡੋ ਅਤੇ ਨੋਆ ਰੂਬਿਨ ਨੂੰ 6-2, 6–4 ਨਾਲ ਹਰਾਇਆ ਹੈ। ਭਾਰਤੀ ਅਤੇ ਕੈਨੇਡੀਅਨ ਖਿਡਾਰੀ ਨੇ ਇੱਕ ਘੰਟਾ 22 ਮਿੰਟ ਵਿੱਚ ਮੈਚ ਜਿੱਤਿਆ। ਇਸ ਜਿੱਤ ਤੋਂ ਬਾਅਦ, ਬੋਪੰਨਾ ਨੇ ਟਵਿੱਟਰ ‘ਤੇ ਲਿਖਿਆ, ਦੂਜੇ ਗੇੜ ਵਿੱਚ ਹੋਏ ਦਾਖਲ, ਡੈਨਿਸ ਸ਼ਾਪਾਲੋਵ, ਅਮਰੀਕਾ ਓਪਨ। ਦੂਜੇ ਗੇੜ ਵਿੱਚ ਬੋਪੰਨਾ ਅਤੇ ਸ਼ਾਪਲੋਵ ਦਾ ਸਾਹਮਣਾ ਛੇਵਾਂ ਦਰਜਾ ਪ੍ਰਾਪਤ ਕੇਵਿਨ ਕਰੀਟਿਟਜ਼ ਅਤੇ ਐਂਡਰੀਅਸ ਮਿਜ਼ ਨਾਲ ਹੋਵੇਗਾ।
