Sehwag lashes out at CSK batsmen: IPL 2020: ਆਈਪੀਐਲ ਦੇ 7 ਵੇਂ ਮੈਚ ਵਿੱਚ ਚੇਨਈ ਸੁਪਰ ਕਿੰਗਜ਼ ਨੂੰ ਦਿੱਲੀ ਕੈਪੀਟਲ ਨੇ 44 ਦੌੜਾਂ ਨਾਲ ਹਰਾਇਆ ਹੈ। ਇਸ ਮੈਚ ਵਿੱਚ ਪ੍ਰਿਥਵੀ ਸ਼ਾ ਨੇ ਸ਼ਾਨਦਾਰ ਪਾਰੀ ਖੇਡੀ ਅਤੇ 64 ਦੌੜਾਂ ਬਣਾਈਆਂ। ਨੌਜਵਾਨ ਸਲਾਮੀ ਬੱਲੇਬਾਜ਼ ਨੂੰ ਮੈਨ ਆਫ ਦਿ ਮੈਚ ਦਾ ਖਿਤਾਬ ਦਿੱਤਾ ਗਿਆ। ਸੀਐਸਕੇ ਨੂੰ ਟੂਰਨਾਮੈਂਟ ‘ਚ ਲਗਾਤਾਰ ਦੂਸਰੀ ਹਾਰ ਮਿਲੀ ਹੈ। ਮੈਚ ਵਿੱਚ ਧੋਨੀ ਦੀ ਟੀਮ ਦੇ ਟਾਪ ਆਰਡਰ ਦੇ ਬੱਲੇਬਾਜ਼ ਪੂਰੀ ਤਰ੍ਹਾਂ ਫਲਾਪ ਹੋ ਗਏ। ਮੈਚ ਤੋਂ ਬਾਅਦ ਭਾਰਤ ਦੇ ਸਾਬਕਾ ਤਜ਼ਰਬੇਕਾਰ ਖਿਡਾਰੀ ਵਰਿੰਦਰ ਸਹਿਵਾਗ ਨੇ ਆਪਣੇ ਟਵੀਟ ਦੇ ਜ਼ਰੀਏ ਤੰਜ ਕਸਦਿਆਂ CSK ਨੂੰ ਅਗਲੇ ਮੈਚ ਵਿੱਚ ਗਲੂਕੋਜ਼ ਪੀ ਕੇ ਆਉਣ ਲਈ ਕਿਹਾ। ਸਹਿਵਾਗ ਨੇ ਸੀਐਸਕੇ ਦੀ ਹਾਰ ਤੋਂ ਬਾਅਦ ਟਵੀਟ ਕੀਤਾ ਅਤੇ ਲਿਖਿਆ, “ਚੇਨਈ ਦੇ ਬੱਲੇਬਾਜ਼ ਅਸਾਨੀ ਨਾਲ ਸਕੋਰ ਨਹੀਂ ਕਰ ਸਕੇ, ਅਗਲੇ ਮੈਚ ‘ਚ ਬੱਲੇਬਾਜ਼ੀ ਲਈ ਆਉਣ ਤੋਂ ਪਹਿਲਾ ਗਲੂਕੋਜ਼ ਪੀ ਕੇ ਆਉਣਾ ਪਏਗਾ।” ਸਹਿਵਾਗ ਦਾ ਇਹ ਟਵੀਟ ਬਹੁਤ ਵਾਇਰਲ ਹੋ ਰਿਹਾ ਹੈ।
ਸਹਿਵਾਗ IPL ਦੌਰਾਨ ਆਪਣੇ ਅੰਦਾਜ਼ ਵਿੱਚ ਟਵੀਟ ਕਰਕੇ ਟੀਮਾਂ ਦਾ ਜਾਇਜ਼ਾ ਲੈਂਦੇ ਨਜ਼ਰ ਆ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਦਿੱਲੀ ਦੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ ਵਿੱਚ 175 ਦੌੜਾਂ ਬਣਾਈਆਂ, ਜਿਸ ਦੇ ਜਵਾਬ ਵਿੱਚ ਸੀਐਸਕੇ ਦੀ ਟੀਮ 20 ਓਵਰਾਂ ਵਿੱਚ ਸਿਰਫ 131 ਦੌੜਾਂ ਹੀ ਬਣਾ ਸਕੀ। ਜਦਕਿ ਦਿੱਲੀ ਦੇ ਸਲਾਮੀ ਬੱਲੇਬਾਜ਼ਾਂ ਨੇ ਸ਼ਾਨਦਾਰ ਸ਼ੁਰੂਆਤ ਦਿੱਤੀ ਅਤੇ ਪਹਿਲੇ ਵਿਕਟ ਲਈ 94 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਅਤੇ ਟੀਮ ਦੇ ਸਕੋਰ ਨੂੰ ਚੰਗੇ ਸਕੋਰ ਤੱਕ ਪਹੁੰਚਾਉਣ ਦੀ ਨੀਂਹ ਰੱਖੀ। ਹਾਲਾਂਕਿ ਦਿੱਲੀ ਦੀ ਟੀਮ ਸਿਰਫ 175 ਦੌੜਾਂ ਹੀ ਬਣਾ ਸਕੀ। ਉਮੀਦ ਕੀਤੀ ਜਾ ਰਹੀ ਸੀ ਕਿ ਸੀਐਸਕੇ ਦੇ ਬੱਲੇਬਾਜ਼ ਚੰਗਾ ਪ੍ਰਦਰਸ਼ਨ ਕਰਨਗੇ, ਪਰ ਚੋਟੀ ਦੇ ਆਰਡਰ ਦੇ ਬੱਲੇਬਾਜ਼ ਦੇ ਫਲਾਪ ਹੋਣ ਕਾਰਨ ਚੇਨਈ ਦੀ ਟੀਮ ਦਬਾਅ ਵਿੱਚ ਸੀ। ਐਮਐਸ ਧੋਨੀ 12 ਗੇਂਦਾਂ ਵਿੱਚ 15 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਸੀਐਸਕੇ ਲਈ ਫਾਫ ਡੂ ਪਲੇਸੀ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਦਿੱਲੀ ਦੇ ਗੇਂਦਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਕਾਗੀਸੋ ਰਬਾਡਾ ਨੇ 3 ਵਿਕਟਾਂ ਲਈਆਂ, ਜਦਕਿ ਐਨੀਰਿਕ ਨੌਰਟਜੇ ਨੇ 2 ਵਿਕਟਾਂ ਲਈਆਂ।
