shoaib akhtar says: ਪਾਕਿਸਤਾਨ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਸ਼ੋਇਬ ਅਖਤਰ ਦਾ ਮੰਨਣਾ ਹੈ ਕਿ ਆਪਣੇ ਗੇਂਦਬਾਜ਼ੀ ਐਕਸ਼ਨ ਦੇ ਕਾਰਨ ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਲਈ ਆਪਣੇ ਆਪ ਨੂੰ ਸਾਰੇ ਫਾਰਮੈਟਾਂ ਵਿਚ ਖੇਡਣ ਲਈ ਉਪਲਬਧ ਰੱਖਣਾ ਮੁਸ਼ਕਿਲ ਹੋਵੇਗਾ। ਸਾਬਕਾ ਭਾਰਤੀ ਕ੍ਰਿਕਟਰ ਆਕਾਸ਼ ਚੋਪੜਾ ਦੇ ਯੂ ਟਿਉਬ ਸ਼ੋਅ ਅਕਾਸ਼ਵਾਨੀ ਵਿੱਚ ਅਖਤਰ ਨੇ ਕਿਹਾ, ‘ਬੁਮਰਾਹ ਦੇ ਕੋਲ ਇੱਕ ਮੁਸ਼ਕਿਲ ਐਕਸ਼ਨ ਹੈ। ਉਹ ਸਾਰੇ ਫਾਰਮੈਟਾਂ ਵਿੱਚ ਨਹੀਂ ਖੇਡ ਸਕਦਾ।” ਸ਼ੋਏਬ ਅਖਤਰ ਨੇ ਕਿਹਾ, “ਇਹ ਉਸਦੀ ਬਹਾਦਰੀ ਹੈ ਕਿ ਉਸਨੇ ਟੈਸਟ ਮੈਚਾਂ ਵਿੱਚ ਆਪਣਾ ਹੁਨਰ ਦਿਖਾਇਆ। ਉਹ ਬਹੁਤ ਮਿਹਨਤੀ ਲੜਕਾ ਹੈ ਅਤੇ ਬਹੁਤ ਕੇਂਦ੍ਰਿਤ ਹੈ। ਉਹ ਜਾਣਦਾ ਹੈ ਕਿ ਉਹ ਕਿੱਥੇ ਜਾਣਾ ਚਾਹੁੰਦਾ ਹੈ, ਪਰ ਕੀ ਉਸਦੀ ਪਿੱਠ ਉਸ ਦਾ ਸਮਰਥਨ ਕਰੇਗੀ। ਉਦੋਂ ਤੱਕ ਜਦੋਂ ਤੱਕ ਉਸਦੀ ਪਿੱਠ ਉੱਤੇ ਇੰਨਾ ਭਾਰ ਰਹੇਗਾ।”
ਅਖਤਰ ਨੇ ਅੱਗੇ ਕਿਹਾ, ‘ਮੈਂ ਉਸ ਦੇ ਮੈਚ ਦੇਖ ਰਿਹਾ ਸੀ, ਇਸ ਤੋਂ ਪਹਿਲਾ ਕੇ ਉਹ ਟੁੱਟ ਗਿਆ। ਮੈਂ ਆਪਣੇ ਦੋਸਤਾਂ ਨੂੰ ਕਹਿ ਰਿਹਾ ਸੀ ਕਿ ਇਹ ਟੁੱਟ ਜਾਵੇਗਾ। ਉਨ੍ਹਾਂ ਨੇ (ਮਿੱਤਰਾਂ) ਮੈਨੂੰ ਦੱਸਿਆ ਕਿ ਇਹ ਸਿਰਫ 4-5 ਕਦਮ ਦਾ ਰਨ ਅੱਪ ਸੀ। ਮੈਂ ਉਨ੍ਹਾਂ ਨੂੰ ਕਿਹਾ ਕਿ ਇਹ ਕਦਮਾਂ ਦਾ ਸਵਾਲ ਨਹੀਂ ਹੈ, ਬਲਕਿ ਡਿਲਿਵਰੀ ਦੇ ਸਮੇਂ ਲੈਂਡ ਹੋਣ ਬਾਰੇ ਹੈ, ਉਨ੍ਹਾਂ ਦੀ ਪਿੱਠ ਇੰਨੀ ਦੇਰ ਨਹੀਂ ਚੱਲੇਗੀ।” ਅਖਤਰ ਨੇ ਕਿਹਾ, “ਇੱਕ ਝਪਕੀ ਆਵੇਗੀ ਅਤੇ ਇਹ ਹੋ ਗਿਆ। ਮੇਰੇ ਖਿਆਲ ਇਹ ਕੁੱਝ ਟੈਸਟ ਮੈਚਾਂ ਤੋਂ ਬਾਅਦ ਟੁੱਟ ਗਿਆ। ਉਸਨੂੰ ਬਹੁਤ ਸਾਵਧਾਨ ਰਹਿਣਾ ਪਵੇਗਾ ਅਤੇ ਉਸ ਦੇ ਕਪਤਾਨ ਨੂੰ ਵੀ ਕਿਉਂਕਿ ਤੁਹਾਨੂੰ ਬਹੁਤ ਘੱਟ ਅਜਿਹੀਆਂ ਪ੍ਰਤਿਭਾਵਾਂ ਮਿਲਦੀਆਂ ਹਨ।”
