ਟੀ 20 ਵਰਲਡ ਕੱਪ 2021 ਹੁਣ ਭਾਰਤ ਦੀ ਬਜਾਏ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਵਿੱਚ ਆਯੋਜਿਤ ਕੀਤਾ ਜਾ ਸਕਦਾ ਹੈ। ਟੀ -20 ਵਰਲਡ ਕੱਪ 17 ਅਕਤੂਬਰ ਨੂੰ ਸ਼ੁਰੂ ਹੋਵੇਗਾ ਅਤੇ ਇਸਦਾ ਫਾਈਨਲ 14 ਨਵੰਬਰ ਨੂੰ ਖੇਡਿਆ ਜਾਵੇਗਾ।
ਹਾਲਾਂਕਿ, ਬੀਸੀਸੀਆਈ ਨੇ ਪ੍ਰਸਤਾਵਿਤ ਟੂਰਨਾਮੈਂਟ ਨੂੰ ਭਾਰਤ ਤੋਂ ਤਬਦੀਲ ਕਰਨ ਬਾਰੇ ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ਆਈਸੀਸੀ) ਨੂੰ ਅਧਿਕਾਰਤ ਤੌਰ ‘ਤੇ ਪੱਤਰ ਨਹੀਂ ਲਿਖਿਆ ਹੈ। ਪਰ ਸੂਤਰਾਂ ਦੇ ਅਨੁਸਾਰ ਟੀ 20 ਵਰਲਡ ਕੱਪ ਯੂਏਈ ਅਤੇ ਓਮਾਨ ਵਿੱਚ ਹੋ ਸਕਦਾ ਹੈ। ਆਈਪੀਐਲ -14 ਦੇ ਦੂਜੇ ਪੜਾਅ ਦੇ ਮੈਚ ਯੂਏਈ ਵਿੱਚ 19 ਸਤੰਬਰ ਤੋਂ 15 ਅਕਤੂਬਰ ਤੱਕ ਹੋਣੇ ਹਨ। ਅਜਿਹੀ ਸਥਿਤੀ ਵਿੱਚ ਟੀ -20 ਵਰਲਡ ਕੱਪ ਦਾ ਆਯੋਜਨ ਆਈਪੀਐਲ ਤੋਂ ਸਿਰਫ ਦੋ ਦਿਨ ਬਾਅਦ ਕੀਤਾ ਜਾਵੇਗਾ। ਯੂਏਈ ਵਿੱਚ ਅਬੂ ਧਾਬੀ, ਸ਼ਾਰਜਾਹ ਅਤੇ ਦੁਬਈ ਟੀ -20 ਵਿਸ਼ਵ ਕੱਪ ਦੇ ਮੈਚਾਂ ਦੀ ਮੇਜ਼ਬਾਨੀ ਕਰਨਗੇ।
ਉਸੇ ਸਮੇਂ, ਰਾਉਂਡ -1 ਦੇ ਮੁਕਾਬਲੇ, ਇਹ ਯੂਏਈ ਜਾਂ ਓਮਾਨ ਦੇ ਕਿਸੇ ਵੀ ਸਥਾਨ ‘ਤੇ ਕਰਵਾਏ ਜਾ ਸਕਦੇ ਹਨ। ਪਿਛਲੇ ਸਾਲ ਕੋਰੋਨਾ ਮਹਾਮਾਰੀ ਕਾਰਨ ਆਈਸੀਸੀ ਨੇ ਆਸਟ੍ਰੇਲੀਆ ਵਿੱਚ ਪ੍ਰਸਤਾਵਿਤ 2020 ਟੀ -20 ਵਿਸ਼ਵ ਕੱਪ ਮੁਲਤਵੀ ਕਰ ਦਿੱਤਾ ਸੀ। ਬਾਅਦ ਵਿੱਚ ਆਈਸੀਸੀ ਨੇ ਫੈਸਲਾ ਕੀਤਾ ਸੀ ਕਿ 2021 ਐਡੀਸ਼ਨ ਭਾਰਤ ਵਿੱਚ ਖੇਡਿਆ ਜਾਵੇਗਾ, ਜਦਕਿ 2022 ਐਡੀਸ਼ਨ ਆਸਟ੍ਰੇਲੀਆ ਵਿੱਚ ਖੇਡਿਆ ਜਾਵੇਗਾ। ਇੱਕ ਰਿਪੋਰਟ ਦੇ ਅਨੁਸਾਰ ਰਾਉਂਡ 1 ਵਿੱਚ ਅੱਠ ਟੀਮਾਂ ਦਰਮਿਆਨ 12 ਮੈਚ ਖੇਡੇ ਜਾਣਗੇ। ਜਿਸ ਵਿੱਚੋਂ ਚਾਰ (ਹਰੇਕ ਸਮੂਹ ਵਿੱਚੋਂ ਚੋਟੀ ਦੀਆਂ ਦੋ ਟੀਮਾਂ) ਸੁਪਰ 12 ਲਈ ਕੁਆਲੀਫਾਈ ਕਰਨਗੇ। ਇਸ ਗੇੜ ਵਿੱਚ ਬੰਗਲਾਦੇਸ਼, ਸ਼੍ਰੀਲੰਕਾ, ਆਇਰਲੈਂਡ, ਨੀਦਰਲੈਂਡਜ਼, ਸਕਾਟਲੈਂਡ, ਨਾਮੀਬੀਆ, ਓਮਾਨ, ਪਾਪੁਆ ਨਿਊ ਗਿੰਨੀ ਮੈਚ ਖੇਡੇਗੀ। ਜਿਸ ਵਿੱਚੋਂ ਚਾਰ ਟੀਮਾਂ ਚੋਟੀ ਦੀਆਂ ਅੱਠ ਰੈਂਕਿੰਗ ਵਾਲੀਆਂ ਟੀ -20 ਅੰਤਰਰਾਸ਼ਟਰੀ ਟੀਮਾਂ ਵਿੱਚ ਸ਼ਾਮਿਲ ਹੋਣਗੀਆਂ ਅਤੇ ਸੁਪਰ 12 ਵਿੱਚ ਪਹੁੰਚਣਗੀਆਂ।
ਇਹ ਵੀ ਪੜ੍ਹੋ : ਮਨੀ ਲਾਂਡਰਿੰਗ ਮਾਮਲੇ ‘ਚ ਅਨਿਲ ਦੇਸ਼ਮੁਖ ਦੇ ਦੋ ਸਾਥੀ ਗ੍ਰਿਫਤਾਰ, ਭਾਜਪਾ ਨੇ ਕਿਹਾ – ‘ਵਸੂਲੀ ਸਰਕਾਰ ਦੀ ਖੇਡ ਖ਼ਤਮ’
ਇਸ ਦੇ ਨਾਲ ਹੀ ਸੁਪਰ 12 ਵਿੱਚ ਕੁੱਲ 30 ਮੈਚ ਹੋਣੇ ਹਨ, ਜੋ 24 ਅਕਤੂਬਰ ਤੋਂ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਇੱਥੇ 12 ਟੀਮਾਂ ਨੂੰ ਦੋ ਗਰੁੱਪਾਂ ਵਿੱਚ ਵੰਡਿਆ ਜਾਵੇਗਾ। ਉਨ੍ਹਾਂ ਦੇ ਮੈਚ ਦੁਬਈ, ਅਬੂ ਧਾਬੀ ਅਤੇ ਸ਼ਾਰਜਾਹ ਵਿੱਚ ਖੇਡੇ ਜਾਣਗੇ। ਇਸ ਤੋਂ ਬਾਅਦ ਦੋ ਸੈਮੀਫਾਈਨਲ ਅਤੇ ਫਾਈਨਲ ਮੈਚ ਖੇਡੇ ਜਾਣਗੇ। ਬੀਸੀਸੀਆਈ ਭਾਰਤ ਵਿੱਚ ਟੀ -20 ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕਰਨਾ ਚਾਹੁੰਦਾ ਸੀ, ਪਰ ਇੱਕ ਤਾਂ ਬੋਰਡ ਨੂੰ ਭਾਰਤ ਸਰਕਾਰ ਤੋਂ ਟੈਕਸ ਦੀ ਛੋਟ ਨਹੀਂ ਮਿਲੇਗੀ। ਇਸ ਦੇ ਨਾਲ ਹੀ, ਬੀਸੀਸੀਆਈ ਨੂੰ ਡਰ ਹੈ ਕਿ ਅੰਤਰਰਾਸ਼ਟਰੀ ਖਿਡਾਰੀ ਬਾਇਓ ਬੱਬਲ ਵਿੱਚ ਕੋਰੋਨਾ ਵਾਇਰਸ ਦੇ ਮਾਮਲੇ ਸਾਹਮਣੇ ਆਉਣ ਕਾਰਨ ਆਈਪੀਐਲ ਦੇ ਮੁਅੱਤਲ ਹੋਣ ਤੋਂ ਬਾਅਦ ਭਾਰਤ ਨਹੀਂ ਆਉਣਾ ਚਾਹੁਣਗੇ। ਵਿਸ਼ਵ ਕੱਪ ਨੂੰ ਯੂਏਈ ਵਿੱਚ ਤਬਦੀਲ ਕਰਨ ਨਾਲ, ਬੀਸੀਸੀਆਈ ਕੁੱਲ ਕਮਾਈ ਦੀ ਲੱਗਭਗ 41 ਫੀਸਦੀ ਦੀ ਬਚਤ ਕਰ ਸਕਦਾ ਹੈ। ਜੇ ਟੀ -20 ਵਰਲਡ ਕੱਪ ਭਾਰਤ ਵਿੱਚ ਹੁੰਦਾ ਹੈ, ਤਾਂ ਬੋਰਡ ਨੂੰ ਭਾਰੀ ਟੈਕਸ ਦੇਣਾ ਪਏਗਾ।ਬੀਸੀਸੀਆਈ ਨੂੰ ਸਾਲ 2016 ਵਿੱਚ ਟੀ -20 ਵਰਲਡ ਕੱਪ ਦੀ ਮੇਜ਼ਬਾਨੀ ਦੇ ਦੌਰਾਨ ਵੀ ਟੈਕਸ ਵਿੱਚ ਛੋਟ ਨਹੀਂ ਮਿਲੀ ਸੀ
ਇਹ ਵੀ ਦੇਖੋ : ਸਾਈਕਲ ‘ਤੇ ਸਾਥੀਆਂ ਨਾਲ ਨਾਭੇ ਸੜਕਾਂ ‘ਤੇ ਉੱਤਰੇ DSP, ਵੇਖੋ ਤਾਂ ਗੱਲਾਂ-ਗੱਲਾਂ ‘ਚ ਮੁੰਡਿਆਂ ਨੂੰ ਕੀ ਦਿੱਤਾ ਸੁਨੇਹਾ
