ਯੂਪੀ ਦੇ ਗਾਜ਼ੀਆਬਾਦ ਵਿੱਚ ਮੰਗਲਵਾਰ ਨੂੰ ਇੱਕ ਟੀਵੀ ਵਿੱਚ ਧਮਾਕਾ ਹੋ ਗਿਆ, ਜਿਸ ਨਾਲ ਇੱਕ ਨੌਜਵਾਨ ਓਮੇਂਦਰ ਦੀ ਮੌਤ ਹੋ ਗਈ। ਉਸ ਦਾ ਦੋਸਤ ਅਤੇ ਮਾਂ ਜ਼ਖ਼ਮੀ ਹੋ ਗਏ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਇਕ ਕੰਧ ਪੂਰੀ ਤਰ੍ਹਾਂ ਟੁੱਟ ਗਈ। ਕਮਰੇ ਦੀਆਂ ਬਾਕੀ ਕੰਧਾਂ ਵਿੱਚ ਤਰੇੜਾਂ ਆ ਗਈਆਂ। ਗੁਆਂਢੀਆਂ ਮੁਤਾਬਕ ਧਮਾਕੇ ਦੀ ਆਵਾਜ਼ ਕਰੀਬ 500 ਮੀਟਰ ਦੂਰ ਤੱਕ ਸੁਣਾਈ ਦਿੱਤੀ। ਟੀਵੀ ਫਟਣ ਦੇ ਕਾਰਨਾਂ ਦਾ ਅਜੇ ਕੁਝ ਵੀ ਪਤਾ ਨਹੀਂ ਲੱਗ ਸਕਿਆ।
ਇਹ ਮਾਮਲਾ ਗਾਜ਼ੀਆਬਾਦ ਦੇ ਹਰਸ਼ ਵਿਹਾਰ ਦਾ ਹੈ। ਪੁਲਿਸ ਮੁਤਾਬਕ ਓਮੇਂਦਰ ਦੇ ਦੋਸਤ ਕਰਨ ਨੂੰ ਸੋਮਵਾਰ ਨੂੰ ਇੱਕ ਕੁੱਤੇ ਨੇ ਵੱਢ ਲਿਆ ਸੀ। ਓਮੇਂਦਰ ਉਸ ਨੂੰ ਰੇਬੀਜ਼ ਦੇ ਟੀਕੇ ਲਈ ਦਿੱਲੀ ਦੇ ਗੁਰੂ ਤੇਗ ਬਹਾਦਰ ਹਸਪਤਾਲ (ਜੀਟੀਬੀ) ਹਸਪਤਾਲ ਲੈ ਗਿਆ। ਦੋਵੇਂ ਦੁਪਹਿਰ 2.30 ਵਜੇ ਕਰਨ ਦੇ ਘਰ ਵਾਪਸ ਆਏ ਅਤੇ ਪਹਿਲੀ ਮੰਜ਼ਿਲ ‘ਤੇ ਟੀਵੀ ਦੇਖਣ ਲੱਗੇ। ਉੱਥੇ ਕਰਨ ਦੀ ਮਾਂ ਓਮਵਤੀ ਵੀ ਮੌਜੂਦ ਸੀ। ਦੁਪਹਿਰ 3 ਵਜੇ ਦੇ ਕਰੀਬ ਅਚਾਨਕ ਟੀਵੀ ਸਕ੍ਰੀਨ ਵਿੱਚ ਜ਼ੋਰਦਾਰ ਧਮਾਕਾ ਹੋਇਆ।
ਹਾਦਸੇ ਤੋਂ ਬਾਅਦ ਹੇਠਾਂ ਕਮਰੇ ‘ਚ ਮੌਜੂਦ ਕਰਨ ਦਾ ਭਰਾ ਸੁਮਿਤ ਅਤੇ ਭਰਜਾਈ ਮੋਨਿਕਾ ਸਭ ਤੋਂ ਪਹਿਲਾਂ ਮੌਕੇ ‘ਤੇ ਪਹੁੰਚੇ। ਜਦੋਂ ਵੇਖਿਆ ਤਾਂ ਕਰਨ, ਓਮਵਤੀ ਅਤੇ ਓਮੇਂਦਰ ਖੂਨ ਨਾਲ ਲੱਥਪੱਥ ਜ਼ਮੀਨ ‘ਤੇ ਪਏ ਸਨ। ਕਮਰੇ ਦੀ ਕੰਧ ਟੁੱਟ ਗਈ। ਸੋਫੇ, ਬਿਸਤਰੇ ਅਤੇ ਹੋਰ ਸਾਮਾਨ ਨੁਕਸਾਨਿਆ ਗਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਦਿੱਲੀ ਦੇ ਜੀਟੀਬੀ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਓਮੇਂਦਰ ਦੀ ਮੌਤ ਹੋ ਗਈ, ਜਦਕਿ ਮਾਂ-ਪੁੱਤ ਦਾ ਇਲਾਜ ਚੱਲ ਰਿਹਾ ਹੈ।
ਇਹ ਵੀ ਪੜ੍ਹੋ : ਲੁਧਿਆਣਾ : ਪਸ਼ੂਆਂ ਦੇ ਅੰਗਾਂ ਦੇ 2 ਤਸਕਰ ਕਾਬੂ, ਲੋਕਾਂ ਨੂੰ ਮੂਰਖ ਬਣਾ ਵਸੂਲਦੇ ਸਨ ਮੋਟੀ ਰਕਮ
ਜਦੋਂ ਇਹ ਘਟਨਾ ਵਾਪਰੀ ਤਾਂ ਕਰਨ ਦੀ ਭਰਜਾਈ ਮੋਨਿਕਾ ਘਰ ਦੇ ਹੇਠਲੇ ਕਮਰੇ ਵਿੱਚ ਸੀ। ਮੋਨਿਕਾ ਨੇ ਦੱਸਿਆ, ‘ਮੈਂ, ਪਤੀ ਅਤੇ ਬੇਟੀ ਗ੍ਰਾਊਂਡ ਫਲੋਰ ‘ਤੇ ਕਮਰੇ ‘ਚ ਲੇਟੇ ਹੋਏ ਸਨ। ਅਚਾਨਕ ਉਪਰਲੇ ਕਮਰੇ ਵਿੱਚੋਂ ਜ਼ੋਰਦਾਰ ਧਮਾਕੇ ਦੀ ਆਵਾਜ਼ ਆਈ। ਮੈਂ ਆਪਣੀ ਧੀ ਨਾਲ ਭੱਜ ਕੇ ਗਈ। ਮੇਰਾ ਪਤੀ ਚੀਕਦਾ ਹੋਇਆ ਉੱਪਰ ਵੱਲ ਭੱਜਿਆ ਕਿ ਮੰਮੀ ਉੱਪਰ ਹੈ। ਮੇਰਾ ਛੋਟਾ ਦਿਓਰ ਵੀ ਉਪਰ ਸੀ। ਉਸ ਤੋਂ ਬਾਅਦ ਕੁਝ ਪਤਾ ਨਹੀਂ… ਕੀ ਹੋਇਆ, ਕੀ ਫੱਟਿਆ? ਸਾਡੀ ਛੱਤ ਦੇ ਗਾਰਡਰ-ਪਟੀਆ ਸਭ ਹਿਲ ਗਏ। ਕੰਧ ਹਿੱਲ ਗਈ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
