ਅਧਿਕਾਰਕ ਸੂਤਰਾਂ ਨੇ ਦੱਸਿਆ ਕਿ ਇਹ ਬੈਠਕ ਸ਼ਨੀਵਾਰ ਸਵੇਰੇ 10 ਵਜੇ LAC ‘ਤੇ ਚੀਨ ਵੱਲ ਮੋਲਡੋ ਸਰਹੱਦੀ ਖੇਤਰ ਵਿੱਚ ਸ਼ੁਰੂ ਹੋਈ ਜੋ ਦੇਰ ਰਾਤ 2 ਵਜੇ ਖ਼ਤਮ ਹੋਈ । ਭਾਰਤ ਨੇ ਇਸ ਦੌਰਾਨ ਖੇਤਰ ਵਿੱਚ ਤਣਾਅ ਘਟਾਉਣ ਲਈ ਹਾਟ ਸਪਰਿੰਗਜ਼, ਗੋਗਰਾ ਅਤੇ ਡੇਪਸਾਂਗ ਵਰਗੇ ਖੇਤਰਾਂ ਤੋਂ ਫੌਜੀ ਵਾਪਸੀ ‘ਤੇ ਜ਼ੋਰ ਦਿੱਤਾ । ਕੋਰ ਕਮਾਂਡਰ ਪੱਧਰ ਦੀ ਇਹ ਮੀਟਿੰਗ ਡਿਸਇੰਗੇਜਮੈਂਟ ਦੇ ਪਹਿਲੇ ਪੜਾਅ ਦੇ ਪੂਰਾ ਹੋਣ ਤੋਂ ਬਾਅਦ ਸ਼ੁਰੂ ਹੋਣੀ ਸੀ । ਪਹਿਲੇ ਪੜਾਅ ਵਿੱਚ ਦੋਵੇਂ ਦੇਸ਼ਾਂ ਦੀਆਂ ਫੌਜਾਂ ਪੈਨਗੋਗ ਤੋਂ ਆਪਣੀਆਂ-ਆਪਣੀਆਂ ਪੋਸਟਾਂ ‘ਤੇ ਪਰਤ ਗਈਆਂ ਹਨ।

ਜ਼ਿਕਰਯੋਗ ਹੈ ਕਿ ਭਾਰਤ-ਚੀਨ ਵਿਚਾਲੇ ਗਤਿਰੋਧ ਨੂੰ 9 ਮਹੀਨੇ ਹੋ ਗਏ ਹਨ। ਦੋਨਾਂ ਦੇਸ਼ਾਂ ਵਿਚਾਲੇ ਪਿਛਲੇ ਸਾਲ 5 ਮਈ ਨੂੰ ਪੈਨਗੋਂਗ ਝੀਲ ਖੇਤਰ ਵਿੱਚ ਇੱਕ ਹਿੰਸਕ ਟਕਰਾਅ ਤੋਂ ਬਾਅਦ ਦੋਵਾਂ ਦੇਸ਼ਾਂ ਦਰਮਿਆਨ ਫੌਜੀ ਰੁਕਾਵਟ ਦੀ ਸ਼ੁਰੂਆਤ ਹੋਈ ਸੀ। ਫਿਰ ਹਰ ਦਿਨ ਬਦਲ ਰਹੇ ਘਟਨਾਕ੍ਰਮ ਵਿੱਚ ਦੋਵਾਂ ਪੱਖਾਂ ਨੇ ਵੱਡੀ ਗਿਣਤੀ ਵਿੱਚ ਸੈਨਿਕ ਅਤੇ ਮਾਰੂ ਹਥਿਆਰ ਤਾਇਨਾਤ ਕੀਤੇ ਸਨ। ਗਤਿਰੋਧ ਦੇ ਲਗਭਗ ਪੰਜ ਮਹੀਨਿਆਂ ਬਾਅਦ ਭਾਰਤੀ ਫੌਜਾਂ ਨੇ ਕਾਰਵਾਈ ਕਰਦਿਆਂ ਪੈਨਗੋਂਗ ਝੀਲ ਦੇ ਦੱਖਣੀ ਸਿਰੇ ‘ਤੇ ਮੁਖਪਾਰੀ, ਰੇਚਿਲ ਲਾ ਅਤੇ ਮਗਰ ਹਿੱਲ ਖੇਤਰਾਂ ਵਿੱਚ ਰਣਨੀਤਕ ਮਹੱਤਵ ਦੀਆਂ ਕਈ ਪਹਾੜੀ ਦੀਆਂ ਚੋਟੀਆਂ ‘ਤੇ ਤਾਇਨਾਤ ਕਰ ਦਿੱਤਾ ਸੀ।

ਇਹ ਵੀ ਦੇਖੋ: ਸਰਕਾਰ ਦੀ ਡੀਵਾਈਡ ਐਂਡ ਰੂਲ ਪੋਲਿਸੀ ਦੀਆਂ ਉੱਡਣਗੀਆਂ ਧੱਜੀਆਂ ਜੇ ਲੋਕੀ ਮੰਨ ਲੈਣ ਇਸ ਬੰਦੇ ਦੀਆਂ ਗੱਲਾਂ

The post ਭਾਰਤ ਤੇ ਚੀਨ ਵਿਚਾਲੇ 16 ਘੰਟਿਆਂ ਤੱਕ ਚੱਲੀ 10ਵੇਂ ਦੌਰ ਦੀ ਗੱਲਬਾਤ, ਵਿਵਾਦਿਤ ਇਲਾਕਿਆਂ ਤੋਂ ਫੌਜ ਹਟਾਉਣ ‘ਤੇ ਹੋਈ ਚਰਚਾ appeared first on Daily Post Punjabi.