ਦਿੱਲੀ ਦੇ ਨੰਦਨਗਰੀ ਸੀ-3/7 ਦੇ ਰਹਿਣ ਵਾਲੇ ਜ਼ਾਹਿਦ ਨੇ ਦੱਸਿਆ ਕਿ ਉਹ ਦਿੱਲੀ ਵਿੱਚ ਕਬਾੜ ਦੀ ਦੁਕਾਨ ਕਰਦਾ ਹੈ। ਉਸ ਦੇ ਚਚੇਰੇ ਭਰਾ ਮੁਹੰਮਦ ਜਗੀਰ ਦਾ ਵਿਆਹ ਐਤਵਾਰ ਰਾਤ ਨੂੰ ਸੀ। ਇਸ ਵਿਚ ਸ਼ਾਮਿਲ ਹੋਣ ਲਈ ਉਹ ਅਤੇ ਉਸ ਦਾ ਭਰਾ ਮੁਹੰਮਦ ਜ਼ਾਕਿਰ, ਚਚੇਰੇ ਭਰਾ ਮੁਹੰਮਦ ਨਦੀਮ, ਮੁਹੰਮਦ ਜ਼ੈਦ, ਮੁਹੰਮਦ ਦਿਲਸ਼ਾਦ ਐਤਵਾਰ ਦੇਰ ਸ਼ਾਮ ਚੰਡੀਗੜ੍ਹ ਗਏ ਹੋਏ ਸਨ। ਉਸ ਦਾ ਚਚੇਰਾ ਭਰਾ ਮੁਹੰਮਦ ਆਜ਼ਮ ਵੀ ਉਸ ਦੇ ਨਾਲ ਸੀ।

ਵਿਆਹ ਤੋਂ ਬਾਅਦ ਮੁਹੰਮਦ ਜ਼ਾਕਿਰ, ਮੁਹੰਮਦ ਨਦੀਮ, ਮੁਹੰਮਦ ਜ਼ੈਦ, ਮੁਹੰਮਦ ਦਿਲਸ਼ਾਦ ਅਤੇ ਮੁਹੰਮਦ ਆਜ਼ਮ ਕਵਿਡ ਕਾਰ ਵਿੱਚ ਸਵਾਰ ਹੋ ਕੇ ਚੰਡੀਗੜ੍ਹ ਤੋਂ ਦਿੱਲੀ ਲਈ ਰਵਾਨਾ ਹੋ ਗਏ। ਸੋਮਵਾਰ ਸਵੇਰੇ ਉਨ੍ਹਾਂ ਨੂੰ ਸੂਚਨਾ ਮਿਲੀ ਕਿ ਜਦੋਂ ਉਹ ਕਨਕ ਗਾਰਡਨ ਨੇੜੇ ਪੁੱਜੇ ਤਾਂ ਇਕ ਪੰਜਾਬ ਨੰਬਰ ਦੀ ਬੱਸ ਨੇ ਉਨ੍ਹਾਂ ਦੀ ਕਾਰ ਨੂੰ ਟੱਕਰ ਮਾਰ ਦਿੱਤੀ। ਇਸ ਹਾਦਸੇ ‘ਚ ਸਾਰੇ ਗੰਭੀਰ ਜ਼ਖਮੀ ਹੋ ਗਏ।

ਇਹ ਵੀ ਪੜ੍ਹੋ : ਫ਼ਿਰੋਜ਼ਪੁਰ ‘ਚ ਤਿੰਨ ਨਸ਼ਾ ਤਸਕਰਾਂ ਦੀ ਜ਼ਾਇਦਾਦ ਫਰੀਜ਼, 77.17 ਲੱਖ ਦੀ ਪ੍ਰਾਪਰਟੀ ‘ਤੇ ਪੁਲਿਸ ਨੇ ਲਗਾਇਆ ਨੋਟਿਸ

ਜ਼ਖਮੀਆਂ ਨੂੰ ਗਨੌਰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਮੁਹੰਮਦ ਜ਼ਾਕਿਰ, ਮੁਹੰਮਦ ਨਦੀਮ ਅਤੇ ਮੁਹੰਮਦ ਜ਼ੈਦ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਦਿਲਸ਼ਾਦ ਅਤੇ ਮੁਹੰਮਦ ਆਜ਼ਮ ਨੂੰ ਰੋਹਤਕ ਪੀ.ਜੀ.ਆਈ. ਵਿਖੇ ਰੈਫਰ ਕਰ ਦਿੱਤਾ ਗਿਆ। ਮੁਹੰਮਦ ਆਜ਼ਮ ਦੀ ਰਸਤੇ ਵਿੱਚ ਹੀ ਮੌਤ ਹੋ ਗਈ। ਦਿਲਸ਼ਾਦ ਦਾ ਪੀਜੀਆਈ ਰੋਹਤਕ ਵਿੱਚ ਇਲਾਜ ਚੱਲ ਰਿਹਾ ਹੈ।

ਪੁਲਿਸ ਨੇ ਬੱਸ ਨੂੰ ਕਬਜ਼ੇ ਵਿੱਚ ਲੈ ਕੇ ਡਰਾਈਵਰ ਖਿਲਾਫ ਮਾਮਲਾ ਦਰਜ ਕਰਕੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਲਾਸ਼ਾਂ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ। ਤਿੰਨ ਲਾਸ਼ਾਂ ਦਾ ਪੋਸਟਮਾਰਟਮ ਸੋਨੀਪਤ ਵਿੱਚ ਕੀਤਾ ਜਾਵੇਗਾ ਅਤੇ ਚੌਥੀ ਲਾਸ਼ ਦਾ ਪੋਸਟ ਮਾਰਟਮ ਪੀਜੀਆਈ ਰੋਹਤਕ ਵਿੱਚ ਕੀਤਾ ਜਾਵੇਗਾ।

ਵੀਡੀਓ ਲਈ ਕਲਿੱਕ ਕਰੋ : –

The post ਹਰਿਆਣਾ ‘ਚ ਵੱਡਾ ਹਾ.ਦਸਾ, ਬੱਸ ਨੇ ਕਾਰ ਨੂੰ ਮਾਰੀ ਟੱਕਰ, ਮਾਮੇ ਦੇ ਵਿਆਹ ਤੋਂ ਪਰਤ ਰਹੇ 4 ਚਚੇਰੇ ਭਰਾਵਾਂ ਦੀ ਮੌ.ਤ appeared first on Daily Post Punjabi.