ਪੁਲਿਸ ਮੁਤਾਬਕ ਇਹ ਘਟਨਾ ਸ਼੍ਰੀਗੰਗਾਨਗਰ ਜ਼ਿਲਾ ਹੈੱਡਕੁਆਰਟਰ ਦੇ ਪੁਰਾਣੀ ਆਬਾਦੀ ਥਾਣਾ ਖੇਤਰ ਦੇ ਵਾਰਡ ਨੰਬਰ 15 ਦੀ ਗਾਂਧੀ ਬਸਤੀ ‘ਚ ਸੋਮਵਾਰ ਨੂੰ ਵਾਪਰੀ। ਗੈਸ ਗੀਜ਼ਰ ਨਾਲ ਫਿੱਟ ਬਾਥਰੂਮ ‘ਚ ਨਹਾਉਂਦੇ ਸਮੇਂ 45 ਸਾਲਾ ਔਰਤ ਪ੍ਰਮਿਲਾ ਬੇਹੋਸ਼ ਹੋ ਗਈ। ਘਰ ਵਿੱਚ ਕੋਈ ਮੈਂਬਰ ਨਾ ਹੋਣ ਕਾਰਨ ਉਸ ਨੂੰ ਸਮੇਂ ਸਿਰ ਮਦਦ ਨਹੀਂ ਮਿਲ ਸਕੀ। ਇਸ ਘਟਨਾ ਦਾ ਪਤਾ ਉਦੋਂ ਲੱਗਿਆ ਜਦੋਂ ਮਹਿਲਾ ਦਾ ਬੇਟਾ ਸਕੂਲ ਤੋਂ ਵਾਪਸ ਆਇਆ। ਮਾਂ ਦੀ ਭਾਲ ਦੌਰਾਨ ਜਦੋ ਉਹ ਬਾਥਰੂਮ ਗਿਆ ਤਾਂ ਉਥੇ ਪ੍ਰਮਿਲਾ ਬੇਹੋਸ਼ੀ ਦੀ ਹਾਲਤ ‘ਚ ਪਈ ਮਿਲੀ।

ਇਹ ਵੀ ਪੜ੍ਹੋ : ਚਾਈਨਾ ਡੋਰ ਖ਼ਿਲਾਫ਼ ਪੰਜਾਬ ਪੁਲਿਸ ਸਖ਼ਤ, ਇਕ ਹਫ਼ਤੇ ‘ਚ 1502 ਬੰਡਲ ਸਣੇ 56 ਲੋਕ ਗ੍ਰਿਫਤਾਰ

ਪ੍ਰਮਿਲਾ ਦੇ ਬੇਟੇ ਨੇ ਤੁਰੰਤ ਆਲੇ-ਦੁਆਲੇ ਦੇ ਲੋਕਾਂ ਨੂੰ ਸੂਚਨਾ ਦਿੱਤੀ ਅਤੇ ਐਂਬੂਲੈਂਸ ਬੁਲਾਈ। ਜਿਸ ‘ਤੋਂ ਬਾਅਦ ਔਰਤ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ। ਪਰ ਉਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮ੍ਰਿਤਕ ਪ੍ਰਮਿਲਾ ਮੂਲ ਰੂਪ ਤੋਂ ਸ਼੍ਰੀਗੰਗਾਨਗਰ ਦੇ ਲਾਲਗੜ੍ਹ ਜਾਟਾਨ ‘ਚ ਆਪਣੇ ਪਤੀ ਅਤੇ ਬੇਟੇ ਨਾਲ ਰਹਿ ਰਹੀ ਸੀ। ਪ੍ਰਮਿਲਾ ਦਾ ਪਤੀ ਲਾਲਗੜ੍ਹ ਜਾਟਾਨ ਵਿੱਚ ਦੁਕਾਨ ਚਲਾਉਂਦਾ ਹੈ। ਫਿਲਹਾਲ ਪੁਲਿਸ ਵੱਲੋਂ ਔਰਤ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ। ਉਸ ਤੋਂ ਬਾਅਦ ਹੀ ਮੌਤ ਦੇ ਅਸਲ ਕਾਰਨਾਂ ਦਾ ਪਤਾ ਲੱਗ ਸਕੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “

ਦੱਸਿਆ ਜਾ ਰਿਹਾ ਹੈ, ਸ੍ਰੀਗੰਗਾਨਗਰ ਵਿੱਚ ਪਿਛਲੇ ਪੰਜ ਦਿਨਾਂ ਵਿੱਚ ਇਹ ਦੂਜੀ ਮੌਤ ਹੈ। ਇਸ ਦੇ ਨਾਲ ਹੀ ਇੱਕ ਹਫ਼ਤੇ ਦੇ ਅੰਦਰ ਇਸ ਖੇਤਰ ਵਿੱਚ ਇਹ ਚੌਥੀ ਮੌਤ ਹੈ। ਇਸੇ ਹਫ਼ਤੇ ਸ੍ਰੀਗੰਗਾਨਗਰ ਦੇ ਨਾਲ ਲੱਗਦੇ ਹਨੂੰਮਾਨਗੜ੍ਹ ਜ਼ਿਲ੍ਹੇ ਵਿੱਚ ਗੈਸ ਗੀਜ਼ਰ ਨਾਲ ਫਿੱਟ ਬਾਥਰੂਮ ਵਿੱਚ ਨਹਾਉਂਦੇ ਸਮੇਂ ਇੱਕ ਜੋੜੇ ਦੀ ਮੌਤ ਹੋ ਗਈ ਸੀ। ਗੈਸ ਗੀਜ਼ਰਾਂ ਵਾਲੇ ਬਾਥਰੂਮਾਂ ਵਿੱਚ ਹੋ ਰਹੀਆਂ ਮੌਤਾਂ ਤੋਂ ਲੋਕ ਹੈਰਾਨ ਹਨ।

The post ਗੈਸ ਗੀਜ਼ਰ ਨੇ ਲਈ ਇਕ ਹੋਰ ਜਾਨ! ਬਾਥਰੂਮ ‘ਚ ਦਮ ਘੁੱਟਣ ਨਾਲ 45 ਸਾਲਾ ਔਰਤ ਦੀ ਮੌ.ਤ appeared first on Daily Post Punjabi.