ਘਟਨਾ ਦਾ ਮ੍ਰਿਤਕ ਭੱਲਾ ਕੰਜੜ ਆਪਣੇ ਪਰਿਵਾਰ ਨਾਲ ਸੜਕ ਕਿਨਾਰੇ ਬਣੀ ਝੌਂਪੜੀ ਵਿੱਚ ਰਹਿੰਦਾ ਸੀ। ਹਰ ਰੋਜ਼ ਦੀ ਤਰ੍ਹਾਂ ਮੰਗਲਵਾਰ ਰਾਤ ਵੀ ਪੂਰਾ ਪਰਿਵਾਰ ਇਕੱਠੇ ਡਿਨਰ ਕਰਨ ਤੋਂ ਬਾਅਦ ਝੌਂਪੜੀ ਦੇ ਬਾਹਰ ਸੜਕ ਕਿਨਾਰੇ ਸੌਂ ਰਿਹਾ ਸੀ। ਬੁੱਧਵਾਰ ਤੜਕੇ ਅਚਾਨਕ ਮਹਿੰਦੀ ਘਾਟ ਕਨੌਜ ਤੋਂ ਹਰਦੋਈ ਜਾ ਰਿਹਾ ਰੇਤ ਨਾਲ ਭਰਿਆ ਟਰੱਕ ਝੁੱਗੀ ਦੇ ਉੱਪਰ ਪਲਟ ਗਿਆ, ਜਿਸ ਵਿੱਚ ਭੱਲਾ ਕੰਜੜ ਦਾ ਪੂਰਾ ਪਰਿਵਾਰ ਦੱਬ ਗਿਆ ਅਤੇ ਸਾਰਿਆਂ ਦੀ ਮੌਤ ਹੋ ਗਈ।

ਇਹ ਵੀ ਪੜ੍ਹੋ : ਪੰਜਾਬ ਵਿਜੀਲੈਂਸ ਦੀ ਵੱਡੀ ਕਾਰਵਾਈ, ਠੱਗੀ ਦੇ ਇਲਜ਼ਾਮਾਂ ‘ਚ 2 ਪੁਲਿਸ ਮੁਲਾਜ਼ਮਾਂ ਨੂੰ ਕੀਤਾ ਗ੍ਰਿਫਤਾਰ

ਘਟਨਾ ਦੀ ਸੂਚਨਾ ਜਿਨ੍ਹਾਂ ਨੇ ਵੀ ਸੁਣੀ ਉਹ ਘਟਨਾ ਵਾਲੀ ਥਾਂ ਵੱਲ ਦੌੜ ਗਿਆ। ਲੋਕਾਂ ਨੇ ਘਟਨਾ ਦੀ ਸੂਚਨਾ ਡੀਐਮ ਅਤੇ ਐਸਪੀ ਨੂੰ ਦਿੱਤੀ ਜੋ ਮੌਕੇ ’ਤੇ ਪਹੁੰਚੇ। ਪੁਲਿਸ ਨੇ ਜੇਸੀਬੀ ਅਤੇ ਹਾਈਡਰਾ ਦੀ ਮਦਦ ਨਾਲ ਟਰੱਕ ਹੇਠਾਂ ਦੱਬੇ ਸਾਰੇ ਲੋਕਾਂ ਦੀਆਂ ਲਾਸ਼ਾਂ ਨੂੰ ਬਾਹਰ ਕੱਢਿਆ ਅਤੇ ਪੰਚਨਾਮਾ ਕਰਨ ਤੋਂ ਬਾਅਦ ਪੋਸਟਮਾਰਟਮ ਲਈ ਭੇਜ ਦਿੱਤਾ। ਇਸ ਘਟਨਾ ‘ਚ ਸਿਰਫ ਇਕ ਲੜਕੀ ਹੀ ਬਚੀ ਹੈ ਜੋ ਜ਼ਖਮੀ ਹੈ ਅਤੇ ਉਸ ਦਾ ਇਲਾਜ ਚੱਲ ਰਿਹਾ ਹੈ। ਘਟਨਾ ਕਾਰਨ ਇਲਾਕੇ ‘ਚ ਹਫੜਾ-ਦਫੜੀ ਦਾ ਮਾਹੌਲ ਹੈ।

The post ਝੌਂਪੜੀ ਦੇ ਬਾਹਰ ਸੌਂ ਰਿਹਾ ਸੀ ਪਰਿਵਾਰ, ਮੌਤ ਬਣਕੇ ਆਇਆ ਟਰੱਕ, 8 ਲੋਕਾਂ ਦੀ ਗਈ ਜਾਨ appeared first on Daily Post Punjabi.