SP ਰਣਧੀਰ ਕੁਮਾਰ ਨੇ ਦੱਸਿਆ ਕਿ 12 ਅਕਤੂਬਰ 2016 ਨੂੰ ਜੋਤਾ ਰਾਮ ਨੂੰ 260 ਗ੍ਰਾਮ ਨਸ਼ੀਲੇ ਪਾਊਡਰ ਸਮੇਤ ਫੜਿਆ ਗਿਆ ਸੀ। ਜਿਸ ਦੇ ਖਿਲਾਫ ਥਾਣਾ ਗੁਰੂਹਰਸਹਾਏ ਵਿੱਚ NDPS ਐਕਟ ਤਹਿਤ ਕੇਸ ਦਰਜ ਕੀਤਾ ਗਿਆ ਸੀ। ਇਸ ਮਾਮਲੇ ਦੀ ਸੁਣਵਾਈ ਤੋਂ ਬਾਅਦ ਅਦਾਲਤ ਨੇ ਤਸਕਰ ਜੋਤਾ ਰਾਮ ਨੂੰ ਦੋਸ਼ੀ ਪਾਇਆ ਅਤੇ ਉਸ ਨੂੰ 10 ਸਾਲ ਦੀ ਸਜ਼ਾ ਸੁਣਾਈ।

ਇਹ ਵੀ ਪੜ੍ਹੋ : ਫ਼ਿਰੋਜ਼ਪੁਰ ‘ਚ BSF ਨੇ ਫੜਿਆ ਪਾਕਿ ਨਾਗਰਿਕ, ਫ਼ੈਸਲਾਬਾਦ ਦਾ ਰਹਿਣ ਵਾਲਾ ਹੈ ਘੁਸਪੈਠੀਆ

ਜੋਤਾ ਰਾਮ ਨੇ ਨਸ਼ਾ ਤਸਕਰੀ ਰਾਹੀਂ ਪਿੰਡ ਦੀ ਅੱਠ ਮਰਲੇ ਜ਼ਮੀਨ ਐਕਵਾਇਰ ਕੀਤੀ ਸੀ। ਇੱਕ ਘਰ ਜਿਸ ਦੀ ਕੁੱਲ ਕੀਮਤ 42 ਲੱਖ 40 ਹਜ਼ਾਰ ਰੁਪਏ ਸੀ ਅਤੇ ਇੱਕ I-20 ਕਾਰ ਜਿਸ ਦੀ ਕੁੱਲ ਕੀਮਤ 9 ਲੱਖ 55 ਹਜ਼ਾਰ ਰੁਪਏ ਸੀ ਬਰਾਮਦ ਹੋਈ ਹੈ। ਦੋਵਾਂ ਨੂੰ NDPS ਐਕਟ ਦੀ ਧਾਰਾ 68F2 ਦੇ ਤਹਿਤ ਕਾਬੂ ਕੀਤਾ ਗਿਆ ਹੈ।

SP ਰਣਧੀਰ ਕੁਮਾਰ ਨੇ ਦੱਸਿਆ ਕਿ ਇਸ ਸਾਲ ਹੁਣ ਤੱਕ ਫ਼ਿਰੋਜ਼ਪੁਰ ਜ਼ਿਲ੍ਹੇ ਵਿੱਚ 29 ਨਸ਼ਾ ਤਸਕਰਾਂ ਦੀਆਂ 13 ਕਰੋੜ 91 ਲੱਖ 84 ਹਜ਼ਾਰ 902 ਰੁਪਏ ਦੀਆਂ ਜਾਇਦਾਦਾਂ ਜ਼ਬਤ ਕੀਤੀਆਂ ਜਾ ਚੁੱਕੀਆਂ ਹਨ। ਜਦਕਿ 12 ਹੋਰ ਨਸ਼ਾ ਤਸਕਰਾਂ ਦੀਆਂ ਜਾਇਦਾਦਾਂ ਜ਼ਬਤ ਕਰਨ ਦੀ ਕਾਰਵਾਈ ਜਾਰੀ ਹੈ।

ਵੀਡੀਓ ਲਈ ਕਲਿੱਕ ਕਰੋ : –

The post ਫ਼ਿਰੋਜ਼ਪੁਰ ‘ਚ ਇੱਕ ਹੋਰ ਨ.ਸ਼ਾ ਤਸਕਰ ਖ਼ਿਲਾਫ਼ ਕਾਰਵਾਈ, ਪੁਲਿਸ ਨੇ 51.95 ਲੱਖ ਦਾ ਘਰ ਤੇ ਕਾਰ ਕੀਤਾ ਜ਼ਬਤ appeared first on Daily Post Punjabi.