ਦਰਅਸਲ ਪੀੜਤ ਨੌਜਵਾਨ ਸੁਖਦੇਵ ਸਿੰਘ ਨਿਵਾਸੀ ਜਨਤਾ ਨਗਰ ਨੇ ਦੱਸਿਆ ਹੈ ਕਿ ਉਸ ਦੀ ਬੱਗਾ ਟੀ.ਵੀ ਸੈਂਟਰ ਦੇ ਕੋਲ ਰਿਚਾਰਜ ਕਰਨ ਦੀ ਦੁਕਾਨ ਹੈ, ਜਿੱਥੇ 3 ਲੋਕ ਕਾਰ ‘ਤੇ ਸਵਾਰ ਹੋ ਕੇ ਉਸ ਦੀ ਦੁਕਾਨ ‘ਤੇ ਆਏ ਸੀ, ਜਿੱਥੇ ਉਨ੍ਹਾਂ ‘ਚੋਂ ਇਕ ਵਿਅਕਤੀ ਨੇ ਦੁਕਾਨਦਾਰ ਨੂੰ ਵਿਦੇਸ਼ੀ ਡਾਲਰ ਦਿਖਾਉਂਦੇ ਹੋਏ ਰਿਚਾਰਜ ਕਰਵਾਉਣਾ ਲਈ ਕਿਹਾ। ਇਸ ਦੇ ਨਾਲ ਹੀ ਲੁਟੇਰੇ ਨੇ ਇਹ ਵੀ ਕਿਹਾ ਕਿ ਉਸ ਨੇ ਕਦੀ ਵੀ ਭਾਰਤੀ ਕਰੰਸੀ ਨਹੀਂ ਦੇਖੀ ਹੈ ਤਾਂ ਉਸ ਨੇ ਗੱਲਾਂ-ਗੱਲਾਂ ‘ਚ ਦੁਕਾਨਦਾਰ ਨੂੰ ਉਲਝਾ ਲਿਆ ਅਤੇ ਸਾਰੇ ਨੋਟ ਕਢਵਾ ਲਏ। ਲੁਟੇਰੇ ਨੇ ਗੱਲਾਂ ਕਰਕੇ ਦੁਕਾਨਦਾਰ ਨੂੰ ਇੰਨਾ ਉਲਝਾਇਆ ਕਿ ਉਸ ਨੂੰ ਪਤਾ ਹੀ ਨਹੀਂ ਲੱਗਿਆ ਕਿ ਕਦੋਂ ਉਨ੍ਹਾਂ ਨੇ ਪੈਸੇ ਆਪਣੇ ਕੋਲ ਰੱਖ ਲਏ ਅਤੇ ਗੱਲਾਂ ਕਰਦੇ ਹੋਏ ਉੱਥੋ ਚਲੇ ਗਏ। ਜਦੋਂ ਉਸ ਨੇ ਆਪਣੇ ਪੈਸੇ ਗਿਣੇ ਤਾਂ ਉਨ੍ਹਾਂ ‘ਚੋਂ 20 ਹਜ਼ਾਰ ਰੁਪਏ ਘੱਟ ਸੀ। ਪੀੜਤ ਨੇ ਸਾਰੀ ਵਾਰਦਾਤ ਪੁਲਿਸ ਨੂੰ ਦੱਸੀ। ਜਾਂਚ ਅਧਿਕਾਰੀ ਐੱਸ.ਆਈ ਪ੍ਰਿਤਪਾਲ ਸਿੰਘ ਨੇ ਦੱਸਿਆ ਕਿ ਦੋਸ਼ੀਆਂ ਦੀ ਸਨਾਖਤ ਦੇ ਯਤਨ ਕੀਤੇ ਜਾ ਰਹੇ ਹਨ ਅਤੇ ਉਨ੍ਹਾਂ ਨੂੰ ਜਲਦ ਹੀ ਗ੍ਰਿਫਤਾਰ ਵੀ ਕੀਤਾ ਜਾਵੇਗਾ।

The post ਰੀਚਾਰਜ ਕਰਵਾਉਣ ਦੇ ਬਹਾਨੇ ਡਾਲਰ ਦਿਖਾ ਨਸ਼ੇੜੀਆਂ ਨੇ ਲੁੱਟਿਆ ਦੁਕਾਨਦਾਰ appeared first on Daily Post Punjabi.