Adipurush Ban Archives - Daily Post Punjabi

ਨੇਪਾਲ ‘ਚ ਹਿੰਦੀ ਫਿਲਮਾਂ ਦੀ ਸਕਰੀਨਿੰਗ ਸ਼ੁਰੂ, ‘ਆਦਿਪੁਰਸ਼’ ‘ਤੇ ਪਾਬੰਦੀ ਅਜੇ ਵੀ ਬਰਕਰਾਰ

Pawan Rana — Sat, 24 Jun 2023 07:46:45 +0000

Adipurush Ban In Nepal: ‘ਆਦਿਪੁਰਸ਼’ ਦਾ ਵਿਵਾਦ ਖਤਮ ਹੋਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਜਿੱਥੇ ਦੇਸ਼ ‘ਚ ਇਸ ਫਿਲਮ ਦਾ ਵਿਰੋਧ ਹੋ ਰਿਹਾ ਹੈ, ਉੱਥੇ ਹੀ ਵਿਰੋਧ ਦੇ ਚੱਲਦਿਆਂ ਨੇਪਾਲ ‘ਚ ਕਈ ਦਿਨਾਂ ਤੋਂ ਫਿਲਮ ਦੀ ਸਕ੍ਰੀਨਿੰਗ ‘ਤੇ ਰੋਕ ਲਗਾ ਦਿੱਤੀ ਗਈ ਹੈ। ਕਾਠਮੰਡੂ ਦੇ ਮੇਅਰ ਦਾ ਗੁੱਸਾ ਅਜਿਹਾ ਸੀ ਕਿ ਉਸ ਨੇ ਆਦਿਪੁਰਸ਼ ਦੇ ਨਾਲ-ਨਾਲ ਹੋਰ ਹਿੰਦੀ ਫਿਲਮਾਂ ਦੀ ਸਕ੍ਰੀਨਿੰਗ ‘ਤੇ ਪਾਬੰਦੀ ਲਗਾ ਦਿੱਤੀ।

Adipurush Ban In Nepal

ਹਾਲਾਂਕਿ ਨੇਪਾਲ ਦੀ ਅਦਾਲਤ ਨੇ ਵੀਰਵਾਰ ਨੂੰ ਇਸ ਮਾਮਲੇ ‘ਤੇ ਸੁਣਵਾਈ ਕਰਦੇ ਹੋਏ ਸਾਰੀਆਂ ਹਿੰਦੀ ਫਿਲਮਾਂ ‘ਤੇ ਲੱਗੀ ਰੋਕ ਹਟਾ ਦਿੱਤੀ ਹੈ ਪਰ ਇਸ ਤੋਂ ਬਾਅਦ ਵੀ ‘ਆਦਿਪੁਰਸ਼’ ਨੂੰ ਕੋਈ ਰਾਹਤ ਨਹੀਂ ਮਿਲੀ ਹੈ। ਨੇਪਾਲ ‘ਚ ਸਾਰੀਆਂ ਹਿੰਦੀ ਫਿਲਮਾਂ ਦੀ ਸਕ੍ਰੀਨਿੰਗ ਸ਼ੁਰੂ ਹੋ ਚੁੱਕੀ ਹੈ ਪਰ ‘ਆਦਿਪੁਰਸ਼’ ‘ਤੇ ਪਾਬੰਦੀ ਅਜੇ ਵੀ ਬਰਕਰਾਰ ਹੈ। ਨੇਪਾਲ ਮੋਸ਼ਨ ਪਿਕਚਰ ਐਸੋਸੀਏਸ਼ਨ ਨੇ ਇਕ ਬਿਆਨ ਜਾਰੀ ਕਰਕੇ ਕਿਹਾ ਹੈ ਕਿ ‘ਆਦਿਪੁਰਸ਼’ ਨੂੰ ਛੱਡ ਕੇ ਸਾਰੀਆਂ ਨੇਪਾਲੀ ਅਤੇ ਵਿਦੇਸ਼ੀ ਫਿਲਮਾਂ ਸ਼ੁੱਕਰਵਾਰ ਤੋਂ ਦਿਖਾਈਆਂ ਜਾਣਗੀਆਂ। ਤੁਹਾਨੂੰ ਦੱਸ ਦੇਈਏ ਕਿ ਕਾਠਮੰਡੂ ਦੇ ਸੁੰਦਰਾ ਵਿੱਚ ਸਥਿਤ ਮਲਟੀਪਲੈਕਸ QFX ਸਿਨੇਮਾ ਵਿੱਚ ਸਾਰਾ ਅਲੀ ਖਾਨ ਅਤੇ ਵਿੱਕੀ ਕੌਸ਼ਲ ਸਟਾਰਰ ਹਿੰਦੀ ਫਿਲਮ ‘ਜ਼ਰਾ ਹਟਕੇ ਜ਼ਰਾ ਬਚਕੇ’ ਦੀ ਸਕ੍ਰੀਨਿੰਗ ਦੇ ਨਾਲ ਸਾਰੀਆਂ ਹਿੰਦੀ ਫਿਲਮਾਂ ਤੋਂ ਪਾਬੰਦੀ ਹਟਾ ਦਿੱਤੀ ਗਈ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “

ਓਮ ਰਾਉਤ ਦੀ ‘ਆਦਿਪੁਰਸ਼’ ਵਿੱਚ ਇੱਕ ਸੰਵਾਦ, ਜਿਸ ਵਿੱਚ ਸੀਤਾ ਨੂੰ “ਭਾਰਤ ਦੀ ਧੀ” ਕਿਹਾ ਗਿਆ ਹੈ, ਨੇ ਸਾਰੀਆਂ ਹਿੰਦੀ ਫਿਲਮਾਂ ‘ਤੇ ਪਾਬੰਦੀ ਲਗਾ ਦਿੱਤੀ, ਜਿਸਦਾ ਐਲਾਨ ਕਾਠਮੰਡੂ ਦੇ ਮੇਅਰ ਬਲੇਂਦਰ ਸ਼ਾਹ ਦੁਆਰਾ ਕੀਤਾ ਗਿਆ ਸੀ। ਨੇਪਾਲ ਦੀ ਰਾਜਧਾਨੀ ਕਾਠਮੰਡੂ ਦੇ ਮੇਅਰ ਬਲੇਨ ਸ਼ਾਹ ਨੇ ‘ਆਦਿਪੁਰਸ਼’ ਵਿੱਚ ਸੀਤਾ ਨੂੰ ਭਾਰਤ ਦੀ ਧੀ ਦੱਸਣ ‘ਤੇ ਡੂੰਘਾ ਇਤਰਾਜ਼ ਜ਼ਾਹਰ ਕਰਦੇ ਹੋਏ ਸ਼ਹਿਰ ਵਿੱਚ ਫਿਲਮ ਦੀ ਪ੍ਰਦਰਸ਼ਨੀ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ ਅਤੇ ਸਾਰੇ ਸਿਨੇਮਾ ਘਰਾਂ ਨੂੰ ਪੱਤਰ ਲਿਖਿਆ ਸੀ। ਉਨ੍ਹਾਂ ਨੇ ਰਸਮੀ ਤੌਰ ‘ਤੇ ਹਦਾਇਤ ਕੀਤੀ ਸੀ ਕਿ ਜਦੋਂ ਤੱਕ ਉਹ ਫਿਲਮ ‘ਚੋਂ ਇਸ ਸੀਨ ਨੂੰ ਨਹੀਂ ਹਟਾਉਂਦੇ, ਉਦੋਂ ਤੱਕ ਫਿਲਮ ਨੂੰ ਸ਼ਹਿਰ ਦੇ ਕਿਸੇ ਵੀ ਹਾਲ ‘ਚ ਪ੍ਰਦਰਸ਼ਿਤ ਨਾ ਕੀਤਾ ਜਾਵੇ।

The post ਨੇਪਾਲ ‘ਚ ਹਿੰਦੀ ਫਿਲਮਾਂ ਦੀ ਸਕਰੀਨਿੰਗ ਸ਼ੁਰੂ, ‘ਆਦਿਪੁਰਸ਼’ ‘ਤੇ ਪਾਬੰਦੀ ਅਜੇ ਵੀ ਬਰਕਰਾਰ appeared first on Daily Post Punjabi.

ਕਾਠਮੰਡੂ ‘ਚ ਪ੍ਰਭਾਸ-ਕ੍ਰਿਤੀ ਸੈਨਨ ਸਟਾਰਰ ‘ਆਦਿਪੁਰਸ਼’ ‘ਤੇ ਪਾਬੰਦੀ, ਥੀਏਟਰਾਂ ਨੂੰ ਦਿੱਤੇ ਗਏ ਨਿਰਦੇਸ਼

Pawan Rana — Mon, 19 Jun 2023 08:10:35 +0000

Adipurush Ban In Kathmandu: ਫਿਲਮ ਆਦਿਪੁਰਸ਼ ਨੂੰ ਦੇਸ਼ ਭਰ ‘ਚ ਨਕਾਰਾਤਮਕ ਸਮੀਖਿਆਵਾਂ ਮਿਲ ਰਹੀਆਂ ਹਨ, ਉਥੇ ਹੀ ਸੋਸ਼ਲ ਮੀਡੀਆ ‘ਤੇ ਵੀ ਫਿਲਮ ਦੇ ਕਮਜ਼ੋਰ ਪੁਆਇੰਟਾਂ ‘ਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਗੱਲਾਂ ਹੋ ਰਹੀਆਂ ਹਨ। ਹੁਣ ਇਸ ਫਿਲਮ ਨੂੰ ਨੇਪਾਲ ਦੀ ਰਾਜਧਾਨੀ ਵਿੱਚ ਬੈਨ ਕਰ ਦਿੱਤਾ ਗਿਆ ਹੈ।

Adipurush Ban In Kathmandu

ਕਾਠਮੰਡੂ ‘ਚ ਆਦਿਪੁਰਸ਼ ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਫਿਲਮ ਨੂੰ ਲੈ ਕੇ ਕਾਠਮੰਡੂ ਦੇ ਸਿਨੇਮਾਘਰਾਂ ‘ਚ ਨਿਰਦੇਸ਼ ਦਿੱਤੇ ਗਏ ਹਨ। ਨੇਪਾਲ ਦੀ ਰਾਜਧਾਨੀ ਕਾਠਮੰਡੂ ਦੇ ਮੇਅਰ ਬਲੇਨ ਸ਼ਾਹ ਨੇ ‘ਆਦਿਪੁਰਸ਼’ ਵਿੱਚ ਸੀਤਾ ਨੂੰ ਭਾਰਤ ਦੀ ਧੀ ਦੇ ਰੂਪ ਵਿੱਚ ਦਰਸਾਏ ਜਾਣ ’ਤੇ ਡੂੰਘਾ ਇਤਰਾਜ਼ ਜਤਾਉਂਦਿਆਂ ਸ਼ਹਿਰ ਵਿੱਚ ਫਿਲਮ ਦੀ ਪ੍ਰਦਰਸ਼ਨੀ ’ਤੇ ਪਾਬੰਦੀ ਲਾ ਦਿੱਤੀ ਹੈ ਅਤੇ ਸ਼ਹਿਰ ਦੇ ਹਰ ਸਿਨੇਮਾਘਰ ਨੂੰ ਲਿਖਤੀ ਹਦਾਇਤ ਕੀਤੀ ਹੈ। ਜਦੋਂ ਤੱਕ ਇਹ ਸੀਨ ਨਹੀਂ ਹਟਾਇਆ ਜਾਂਦਾ ਉਦੋਂ ਤੱਕ ਫਿਲਮ ਨਹੀਂ ਦਿਖਾਉਣੀ ਚਾਹੀਦੀ, ਉਦੋਂ ਤੱਕ ਇਹ ਫਿਲਮ ਸ਼ਹਿਰ ਦੇ ਕਿਸੇ ਵੀ ਹਾਲ ਵਿੱਚ ਨਹੀਂ ਦਿਖਾਈ ਜਾਵੇਗੀ। ਜ਼ਿਕਰਯੋਗ ਹੈ ਕਿ ‘ਆਦਿਪੁਰਸ਼’ ‘ਤੇ ਇਹ ਪਾਬੰਦੀ ਫਿਲਹਾਲ ਕਾਠਮੰਡੂ ਤੱਕ ਹੀ ਸੀਮਤ ਹੈ ਅਤੇ ਪੂਰੇ ਨੇਪਾਲ ‘ਚ ਇਸ ‘ਤੇ ਪਾਬੰਦੀ ਨਹੀਂ ਲਗਾਈ ਗਈ ਹੈ ਪਰ ਜਲਦ ਹੀ ਫਿਲਮ ‘ਤੇ ਪੂਰੇ ਦੇਸ਼ ‘ਚ ਪਾਬੰਦੀ ਲੱਗਣ ਦੀ ਪੂਰੀ ਸੰਭਾਵਨਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”

ਤੁਹਾਨੂੰ ਦੱਸ ਦੇਈਏ ਕਿ 16 ਜੂਨ ਨੂੰ ਰਿਲੀਜ਼ ਹੋਈ ਓਮ ਰਾਉਤ ਦੀ ਫਿਲਮ ਆਦਿਪੁਰਸ਼ ਇਸ ‘ਤੇ ਹੁਣ ਤੱਕ ਆਮ ਲੋਕਾਂ ਤੋਂ ਲੈ ਕੇ ਮਸ਼ਹੂਰ ਸੈਲੇਬਸ ਤੱਕ ਕਮੈਂਟ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ ਇਸ ਫਿਲਮ ਨੂੰ ਲੈ ਕੇ ਕਈ ਲੋਕਾਂ ਨੇ ਇਤਰਾਜ਼ ਵੀ ਉਠਾਏ ਹਨ। ਰਾਮਾਨੰਦ ਸਾਗਰ ਦੀ ਰਾਮਾਇਣ ‘ਚ ਅਰੁਣ ਗੋਵਿਲ ਤੋਂ ਲੈ ਕੇ ਸੁਨੀਲ ਲਹਿਰੀ ਅਤੇ ਦੀਪਿਕਾ ਚਿਖਲੀਆ ਵਰਗੇ ਕਲਾਕਾਰਾਂ ਨੇ ਵੀ ਫਿਲਮ ‘ਤੇ ਟਿੱਪਣੀ ਕੀਤੀ ਹੈ। ਇਸ ਦੌਰਾਨ ਦੀਪਿਕਾ ਦੇ ਪ੍ਰਸ਼ੰਸਕ ਨਵੀਂ ਅਤੇ ਪੁਰਾਣੀ ਸੀਤਾ ਦੀ ਤੁਲਨਾ ਕਰਦੇ ਵੀ ਨਜ਼ਰ ਆਏ। ਦੱਸ ਦਈਏ ਕਿ ਫਿਲਮ ਦੇ ਡਾਇਲਾਗਸ ਤੋਂ ਲੈ ਕੇ ਅਦਾਕਾਰਾਂ ਦੇ ਕੱਪੜਿਆਂ ਨੂੰ ਲੈ ਕੇ ਸਵਾਲ ਉਠਾਏ ਜਾ ਰਹੇ ਹਨ। ਅਜਿਹੇ ‘ਚ ਮੇਕਰਸ ਨੇ ਫੈਸਲਾ ਕੀਤਾ ਹੈ ਕਿ ਉਹ ਆਦਿਪੁਰਸ਼ ਦੇ ਕੁਝ ਡਾਇਲਾਗਸ ‘ਚ ਬਦਲਾਅ ਕਰਨਗੇ।

The post ਕਾਠਮੰਡੂ ‘ਚ ਪ੍ਰਭਾਸ-ਕ੍ਰਿਤੀ ਸੈਨਨ ਸਟਾਰਰ ‘ਆਦਿਪੁਰਸ਼’ ‘ਤੇ ਪਾਬੰਦੀ, ਥੀਏਟਰਾਂ ਨੂੰ ਦਿੱਤੇ ਗਏ ਨਿਰਦੇਸ਼ appeared first on Daily Post Punjabi.