Agriculture department Archives - Daily Post Punjabi https://dailypost.in/tag/agriculture-department/ Sat, 06 May 2023 09:05:07 +0000 en-US hourly 1 https://wordpress.org/?v=6.9.4 ਵਿਦੇਸ਼ਾਂ ‘ਚ ਮੁੜ ਮਹਿਕੇਗੀ ਅੰਮ੍ਰਿਤਸਰ ਦੀ ਆਰਗੈਨਿਕ ਬਾਸਮਤੀ, ਖੇਤੀਬਾੜੀ ਵਿਭਾਗ ਵੱਲੋਂ ਕੰਮ ਸ਼ੁਰੂ https://dailypost.in/agriculture-department-will-produce/ https://dailypost.in/agriculture-department-will-produce/#respond Sat, 06 May 2023 09:05:05 +0000 https://dailypost.in/?p=1041759 ਪੰਜਾਬ ਦੀ ਬਾਸਮਤੀ ਮੁੜ ਅੰਤਰਰਾਸ਼ਟਰੀ ਮੰਡੀ ‘ਚ ਆਪਣਾ ਗੁਆਚਿਆ ਦਬਦਬਾ ਹਾਸਲ ਕਰੇਗੀ। ਦਰਅਸਲ, ਖੇਤੀਬਾੜੀ ਵਿਭਾਗ ਨੇ ਅੰਮ੍ਰਿਤਸਰ ਦੇ ਚੌਗਾਵਾਂ ਬਲਾਕ ਵਿੱਚ ਨਿਰਯਾਤ ਗੁਣਵੱਤਾ ਵਾਲੀ ਜੈਵਿਕ ਬਾਸਮਤੀ ਤਿਆਰ ਕਰਨ ਲਈ ਇੱਕ ਪਾਇਲਟ ਪ੍ਰੋਜੈਕਟ ‘ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਇਸ ਤਹਿਤ ਪਿਛਲੇ ਸਾਲ ਦੇ ਮੁਕਾਬਲੇ 73 ਹਜ਼ਾਰ ਹੈਕਟੇਅਰ ਰਕਬਾ ਵਧਾਇਆ ਗਿਆ ਹੈ। ਜ਼ਿਲ੍ਹੇ ਵਿੱਚ 1 ਲੱਖ […]

The post ਵਿਦੇਸ਼ਾਂ ‘ਚ ਮੁੜ ਮਹਿਕੇਗੀ ਅੰਮ੍ਰਿਤਸਰ ਦੀ ਆਰਗੈਨਿਕ ਬਾਸਮਤੀ, ਖੇਤੀਬਾੜੀ ਵਿਭਾਗ ਵੱਲੋਂ ਕੰਮ ਸ਼ੁਰੂ appeared first on Daily Post Punjabi.

]]> ਪੰਜਾਬ ਦੀ ਬਾਸਮਤੀ ਮੁੜ ਅੰਤਰਰਾਸ਼ਟਰੀ ਮੰਡੀ ‘ਚ ਆਪਣਾ ਗੁਆਚਿਆ ਦਬਦਬਾ ਹਾਸਲ ਕਰੇਗੀ। ਦਰਅਸਲ, ਖੇਤੀਬਾੜੀ ਵਿਭਾਗ ਨੇ ਅੰਮ੍ਰਿਤਸਰ ਦੇ ਚੌਗਾਵਾਂ ਬਲਾਕ ਵਿੱਚ ਨਿਰਯਾਤ ਗੁਣਵੱਤਾ ਵਾਲੀ ਜੈਵਿਕ ਬਾਸਮਤੀ ਤਿਆਰ ਕਰਨ ਲਈ ਇੱਕ ਪਾਇਲਟ ਪ੍ਰੋਜੈਕਟ ‘ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਇਸ ਤਹਿਤ ਪਿਛਲੇ ਸਾਲ ਦੇ ਮੁਕਾਬਲੇ 73 ਹਜ਼ਾਰ ਹੈਕਟੇਅਰ ਰਕਬਾ ਵਧਾਇਆ ਗਿਆ ਹੈ। ਜ਼ਿਲ੍ਹੇ ਵਿੱਚ 1 ਲੱਖ 81 ਹਜ਼ਾਰ ਹੈਕਟੇਅਰ ਰਕਬੇ ਵਿੱਚ ਖੇਤੀ ਕਰਨ ਦਾ ਟੀਚਾ ਮਿੱਥਿਆ ਗਿਆ ਹੈ।

Agriculture department will produce

ਇਸ ਤੋਂ ਇਲਾਵਾ ਪਹਿਲੀ ਵਾਰ ਕਿਸਾਨਾਂ ਨੂੰ ਪ੍ਰੇਰਿਤ ਕਰਨ ਲਈ 365 ਕਿਸਾਨ ਮਿੱਤਰ ਤਾਇਨਾਤ ਕੀਤੇ ਗਏ ਹਨ, ਜੋ ਕਿਸਾਨਾਂ ਨੂੰ ਘੱਟ ਲਾਗਤ ਨਾਲ ਵੱਧ ਝਾੜ ਲੈਣ ਬਾਰੇ ਦੱਸਣਗੇ। ਫਿਲਹਾਲ ਉਨ੍ਹਾਂ ਦੀ ਟ੍ਰੇਨਿੰਗ ਚੱਲ ਰਹੀ ਹੈ। ਉਹ ਉਨ੍ਹਾਂ ਕਿਸਾਨਾਂ ਨੂੰ ਸਿਖਲਾਈ ਦੇਣਗੇ ਜੋ ਆਪਣੇ ਪਿੰਡ ਵਿੱਚ ਘੱਟੋ-ਘੱਟ 100 ਹੈਕਟੇਅਰ ਜ਼ਮੀਨ ਵਿੱਚ ਬਾਸਮਤੀ ਦੀ ਖੇਤੀ ਕਰ ਰਹੇ ਹਨ। ਕਿਸਾਨ ਮਿੱਤਰ 20 ਮਈ ਤੋਂ ਖੇਤ ਵਿੱਚ ਕੰਮ ਕਰਨਾ ਸ਼ੁਰੂ ਕਰ ਦੇਣਗੇ। ਇਨ੍ਹਾਂ ਵਿੱਚ ਜ਼ਿਲ੍ਹੇ ਦੇ 776 ਪਿੰਡਾਂ ਨੂੰ ਕਵਰ ਕੀਤਾ ਜਾਵੇਗਾ। ਦੋ ਪਿੰਡਾਂ ਦਾ ਇੰਚਾਰਜ ਇੱਕ ਕਿਸਾਨ ਮਿੱਤਰ ਹੋਵੇਗਾ।

Agriculture department will produce

ਇਸ ਪ੍ਰਾਜੈਕਟ ਤਹਿਤ ਅੰਮ੍ਰਿਤਸਰ ਨੂੰ ਐਕਸਪੋਰਟ ਜ਼ੋਨ ਵਜੋਂ ਵਿਕਸਤ ਕਰਨ ਦੀ ਕਵਾਇਦ ਸ਼ੁਰੂ ਹੋ ਗਈ ਹੈ। ਇਸ ਜ਼ੋਨ ਵਿੱਚ ਬਾਸਮਤੀ ਦੀਆਂ ਉਹ ਕਿਸਮਾਂ ਪੈਦਾ ਕੀਤੀਆਂ ਜਾਣਗੀਆਂ, ਜਿਨ੍ਹਾਂ ਦੀ ਵਿਦੇਸ਼ਾਂ ਵਿੱਚ ਖਾਸ ਕਰਕੇ ਅਰਬ ਦੇਸ਼ਾਂ ਵਿੱਚ ਵਧੇਰੇ ਮੰਗ ਹੈ। ਇੱਥੇ ਪੈਦਾ ਹੋਣ ਵਾਲੀ ਬਾਸਮਤੀ ਵਿੱਚ ਰਸਾਇਣਕ ਖਾਦਾਂ ਅਤੇ ਕੀਟਨਾਸ਼ਕਾਂ ਦੀ ਬਿਲਕੁਲ ਵੀ ਵਰਤੋਂ ਨਹੀਂ ਕੀਤੀ ਜਾਵੇਗੀ। ਇਸ ਲਈ ਤਰਨਤਾਰਨ ਵਿੱਚ ਕੀਟਨਾਸ਼ਕਾਂ ਦੀ ਪਰਖ ਕਰਨ ਲਈ ਇੱਕ ਲੈਬਾਰਟਰੀ ਬਣਾਈ ਜਾਵੇਗੀ, ਜੋ ਅਗਲੇ ਸਾਲ ਤੋਂ ਕੰਮ ਕਰਨਾ ਸ਼ੁਰੂ ਕਰ ਦੇਵੇਗੀ।

ਇਹ ਵੀ ਪੜ੍ਹੋ : ਜਮੁਈ ‘ਚ ਪਿਕਅੱਪ ਨੇ ਪੁਲਿਸ ਜੀਪ ਨੂੰ ਮਾਰੀ ਟੱਕਰ, 2 ਜਵਾਨਾਂ ਦੀ ਮੌ.ਤ, SI ਸਣੇ 5 ਦੀ ਹਾਲਤ ਗੰਭੀਰ

ਬਾਸਮਤੀ ਐਕਸਪੋਰਟਰਜ਼ ਐਸੋਸੀਏਸ਼ਨ ਦੇ ਬੁਲਾਰੇ ਅਸ਼ੋਕ ਸੇਠੀ ਦਾ ਕਹਿਣਾ ਹੈ ਕਿ ਸਾਊਦੀ ਅਰਬ ਭਾਰਤ ਤੋਂ ਸਭ ਤੋਂ ਵੱਧ ਬਾਸਮਤੀ ਖਰੀਦਦਾ ਹੈ। ਈਰਾਨ ਵੀ ਹਰ ਸਾਲ 1.4 ਮਿਲੀਅਨ ਟਨ ਬਾਸਮਤੀ ਖਰੀਦਦਾ ਹੈ। ਇਸੇ ਤਰ੍ਹਾਂ ਭਾਰਤੀ ਬਾਸਮਤੀ ਦੁਬਈ, ਸੀਰੀਆ, ਕੁਵੈਤ, ਨਾਰਵੇ, ਸਵੀਡਨ, ਇੰਗਲੈਂਡ, ਫਿਨਲੈਂਡ ਅਤੇ ਉੱਤਰੀ ਅਮਰੀਕੀ ਦੇਸ਼ਾਂ ਨੂੰ ਵੀ ਨਿਰਯਾਤ ਕੀਤੀ ਜਾਂਦੀ ਹੈ।

ਦੱਸ ਦੇਈਏ ਕਿ ਝੋਨੇ ਦੀਆਂ ਹੋਰ ਕਿਸਮਾਂ ਦੇ ਮੁਕਾਬਲੇ ਬਾਸਮਤੀ ਦੀ ਕਾਸ਼ਤ ਵਿੱਚ ਪਾਣੀ ਦੀ ਵਰਤੋਂ ਬਹੁਤ ਘੱਟ ਹੈ। ਪੰਜਾਬ ਹਰ ਸਾਲ 23 ਤੋਂ 24 ਲੱਖ ਟਨ ਬਾਸਮਤੀ ਵਿਦੇਸ਼ਾਂ ਨੂੰ ਨਿਰਯਾਤ ਕਰਦਾ ਹੈ। ਪੰਜਾਬ ਦੀ ਬਾਸਮਤੀ ਦੀਆਂ 1121 ਅਤੇ 1718 ਕਿਸਮਾਂ ਦੀ ਸਭ ਤੋਂ ਵੱਧ ਮੰਗ ਹੈ। ਸਭ ਤੋਂ ਵਧੀਆ ਝਾੜ ਮਾਝਾ ਖੇਤਰ ਵਿੱਚ ਹੈ। ਕਿਸਾਨਾਂ ਨੂੰ ਬਾਸਮਤੀ ਦੀਆਂ 1121, 1509, ਪੂਸਾ 1718, ਪੂਸਾ 1619 ਅਤੇ ਪੰਜਾਬ-7 ਕਿਸਮਾਂ ਦੀ ਬਿਜਾਈ ਕਰਨ ਲਈ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “

The post ਵਿਦੇਸ਼ਾਂ ‘ਚ ਮੁੜ ਮਹਿਕੇਗੀ ਅੰਮ੍ਰਿਤਸਰ ਦੀ ਆਰਗੈਨਿਕ ਬਾਸਮਤੀ, ਖੇਤੀਬਾੜੀ ਵਿਭਾਗ ਵੱਲੋਂ ਕੰਮ ਸ਼ੁਰੂ appeared first on Daily Post Punjabi.

]]> https://dailypost.in/agriculture-department-will-produce/feed/ 0